ସ୍ପୋର୍ଟସ୍/ June 20, 2019/

ଦିନ ମଜୁରିଆଙ୍କ ପୁଅକୁ ତୀରନ୍ଦାଜରେ ଟୋକିଓ ଅଲମ୍ପିକ୍ସ ଟିକେଟ

ପ୍ରବୀଣ ଯାଦବ। ଏହି ନାଁକୁ ହାତ ଗଣତି କିଛି ଲୋକ ଜାଣିଥିଲେ ଆଗରୁ।ମୂଲିଆ ବାପାର ପୁଅ।ଏବେ ଦେଶ ପାଇଁ ଗୌରବ ଆଣିଛନ୍ତି।ନେଦରଲ୍ୟାଣ୍ଡରେ ଶେଷ ହୋଇଥିବା ବିଶ୍ୱ ତୀରନ୍ଦାଜ ପ୍ରତିଯୋଗିତାରେ ଭାରତ ପକ୍ଷରୁ ଦଳଗତ ଇଭେଣ୍ଟରେ ସିଲଭର ମେଡାଲ୍ ଜିତି ହାତେଇଛନ୍ତି 2020ଟୋକିଆ ଅଲିମ୍ପିକ୍ସ ପାଇଁ ଏଣ୍ଟ୍ରି ଟିକେଟ।୧୪ବର୍ଷ ପରେ ଭାରତ ତୀରନ୍ଦାଜରେ ସଫଳତା ପାଇଛି।୨୦୦୫ରେ ଶେଷ ଥର ପାଇଁ ଭାରତ ଖାତାରେ ପଡ଼ିଥିଲା ସିଲଭର ମେଡାଲ୍।ପ୍ରବୀଣଙ୍କ ସଫଳତାର ଯାତ୍ରା ଭାରି ଦୁଃଖଦ ଓ ସଂଘର୍ଷପୂର୍ଣ୍ଣ।ଅନେକ ଘାତ ପ୍ରତିଘାତ ପାର କରି ସଫଳତାକୁ ହାତମୁଠାରେ ପାଇଥିବା ପ୍ରବୀଣଙ୍କ ଜୀବନ କାହାଣୀ ଶୁଣିଲେ ଆଖି ଜକେଇ ଆସିବ।ତାଙ୍କୁ ସାଲ୍ୟୁଟ କରିବାକୁ ଇଚ୍ଛା ହେବ।
ମହାରାଷ୍ଟ୍ରର ଛୋଟିଆ ଗାଁରେ ଘର।ବାପା ଦିନ ମଜୁରିଆ।ଦି’ଓଳି ଖାଇବା ଯୋଗାଡ଼ କରିବା ବି ମୁସ୍କିଲ୍ ହୋଇପଡେ।ନାଳନର୍ଦ୍ଦମା ପାଖରେ ବସ୍ତିର ଏକ କୁଡ଼ିଆ ଘରେ ରହୁଥିଲେ।ବିଜୁଳି ନଥିଲା କି ପିଇବା ପାଇଁ ଭଲ ପାଣି ମୁନ୍ଦେ ବି ପାଉନଥିଲେ। ବାପା ବୁଢ଼ା ହୋଇଯାଇଥିବାରୁ ଘର ଦାୟିତ୍ୱ ପ୍ବୀରଣଙ୍କ କାନ୍ଧରେ।ବାପା ଚାହୁଁଥିଲେ ପୁଅ ଡ୍ରେସ୍ ଦୋକାନରେ କାମ କରୁ। କାମ କଲେ,କିନ୍ତୁ ଖେଳ ଛାଡ଼ି ନଥିଲେ ପ୍ରବୀଣ।
ସାହାଯ୍ୟ କଲେ ସାର୍
ପ୍ରାଇମେରୀ ସ୍କୁଲରେ ପଢ଼ିବା ବେଳେ କ୍ରୀଡ଼ାକୁ କ୍ୟାରିୟର କରିବାକୁ ପ୍ରବୀଣଙ୍କୁ ପରାମର୍ଶ ଦେଇଥିଲେ ତାଙ୍କର ସାର୍ ବବନ ଭୂଜବଳ।ତାଙ୍କ କଥା ମାନି ସେ ଆଥଲେଟକୁ ବାଛିଲେ। କାରଣ ଏହି ଇଭେଣ୍ଟ ପାଇଁ ଟଙ୍କା ଖର୍ଚ୍ଚ କରିବାକୁ ବେଶୀ ପଡ଼ିବ ନାହିଁ।ଆର୍ଥିକ ସହୟତା ଦେଲେ ସାର୍।ଜିଲ୍ଲାସ୍ତରୀୟ ଓ ରାଜ୍ୟସ୍ତରୀୟ ୪୦୦ ଓ ୮୦୦ମିଟର ରେସରେ ବିଜୟୀ ହେଲେ।ପ୍ରଦର୍ଶନ ଦେଖି ମହାରାଷ୍ଟ୍ର ସରକାରଙ୍କ କ୍ରୀଡ଼ା ପ୍ରବୋଧିନି ଯୋଜନାରେ ପ୍ରବୀଣଙ୍କୁ ଫ୍ରି କୋଚିଂ ମିଳିଲା।
ଆଥଲେଟିକ୍ସରୁ ଆର୍ଚେରୀ
କ୍ରୀଡ଼ା ପ୍ରବୋଧିନି ଯୋଜନାରେ ଆଡମିସନ ପାଇଁ ପରୀକ୍ଷା ଦେଲେ ପ୍ରବୀଣ।ଲମ୍ବା ହାତ ଓ ଷ୍ଟାମିନା ଦେଖି କୋଚ୍ ପ୍ରଫୁଲ୍ଲ ଡାଙ୍ଗେ ପ୍ରବୀଣଙ୍କୁ ତୀରନ୍ଦାଜ ଖେଳିବା ପାଇଁ କହିଥିଲେ। ୨୦୧୨ରେ ଆଥଲେଟ୍ ଛାଡ଼ି ହୋଇଗଲେ ତୀରନ୍ଦାଜ ଖେଳାଳି।ସେତେବେଳେ ଘରର ଆର୍ଥିକ ବୋଝ ମୁଣ୍ଡରେ ମୁଣ୍ଡାଇଥିଲେ ପ୍ରବୀଣ।କପଡ଼ା ଦୋକାନରେ କାମ କରୁଥିଲେ।ଝଡ଼ଝଞ୍ଜା ସତ୍ତ୍ୱେ ନିଜ ସ୍ୱପ୍ନ ସହ ସାଲିସ କରି ନଥିଲେ।ବାଉଁଶ ତିଆରି ଧନୁ ତୀରରେ ଜାରି ରଖିଥିଲେ ଅଭ୍ୟାସ।୨୦୧୫ରେ ଅନ୍ତର୍ଜାତୀୟ ପ୍ଲାଟଫର୍ମରେ ପାଦ ଥାପିଥିଲେ।ସିନିଅର୍ ବର୍ଗରେ ବିଶ୍ୱ ଚାମ୍ପିଅନସିପ୍ ଥିଲା ତାଙ୍କ କ୍ୟାରିଅରର ଦ୍ୱିତୀୟ ପ୍ରତିଯୋଗିତା।ବର୍ଲିନରେ ତୀରନ୍ଦାଜ ବିଶ୍ୱକପ ଜିତିବା ତାଙ୍କର ଲକ୍ଷ୍ୟ ବୋଲି କହିଛନ୍ତି ପ୍ରବୀଣ।

ମଫସଲରୁ ନେଦରଲ୍ୟାଣ୍ଡ ଯାତ୍ରା
କଠିନ ପରିଶ୍ରମ ଓ ଦୃଢ଼ ଇଚ୍ଛା ଶକ୍ତି ବଳରେ ସଫଳତା ପାଇଛନ୍ତି ପ୍ରବୀଣ।ପ୍ରଥମେ ଜୁନିଅର ଲେଭଲରେ ସଫଳତା ସାଉଁଟିଲେ।ଓ୍ୱାର୍ଲଡ ଚାମ୍ପିଅନସିପ୍ ଟ୍ରାଏଲରେ ତରୁଣଦୀପ ରାୟଙ୍କ ପରେ ତାଙ୍କୁ ଦ୍ୱିତୀୟ ସ୍ଥାନରେ ଚୟନ କରାଗଲା।ଗତବର୍ଷ ସ୍ପୋର୍ଟସ କୋଟାରେ ତାଙ୍କୁ ଭାରତୀୟ ସେନାରେ ଚାକିରି ମିଳିଛି।ପ୍ରବୀଣ ଆଶା ରଖିଛନ୍ତି ଟୋକିଓ ଅଲିମ୍ପିକ୍ସରେ ଭାରତ ପାଇଁ ପଦକ ଆଣିବେ।

Tags: Praveen Yadav Silver Medal in World Archery Championship

ପ୍ରମିଳା ମଲ୍ଲିକ ବାଚସ୍ପତି,ସିଲେକ୍ସନ୍ ନା କମ୍ପଲସନ୍

ମା ସମଲେଶ୍ୱରୀଙ୍କ ନିକଟରେ ନବାନ୍ନଲାଗି

କାହିଁକି ଛୁଟିରେ ରହିବେ ଦେଢ଼ଲକ୍ଷ ଶିକ୍ଷକ

Follow Us

ପ୍ରମିଳା ମଲ୍ଲିକ ବାଚସ୍ପତି,ସିଲେକ୍ସନ୍ ନା କମ୍ପଲସନ୍...

ମା ସମଲେଶ୍ୱରୀଙ୍କ ନିକଟରେ ନବାନ୍ନଲାଗି...

କାହିଁକି ଛୁଟିରେ ରହିବେ ଦେଢ଼ଲକ୍ଷ ଶିକ୍ଷକ...

ବିରୋଧି ଦଳ ନେତାଙ୍କ ଟାର୍ଗେଟ:ଧନ୍ୟବାଦ ଦେଇ...

ପଲିଟିକ୍ସରେ ଏଣ୍ଟ୍ରି ମାରିବେ ନବୀନଙ୍କ ପୁତୁରା, ଅରୁଣଙ୍କ ପାଇଁ ବିଜେଡି କଲା ହ୍ୱାଟସଅପ୍ ଗ୍ରୁପ୍

ପୁରୀରେ ଜମିବ IPS ଲଢ଼େଇ ! ପୂର୍ବତନ ପୋଲିସ କମିଶନରଙ୍କ ସହ ପୂର୍ବତନ DGPଙ୍କ ହୋଇପାରେ ଟକ୍କର !

ସମବେଦନା ପାଇଁ ରୀତା-ମନ୍ଦାକିନୀଙ୍କୁ ପ୍ରାର୍ଥୀ କରିଥିଲା BJD!ଏବେ ବେଦୁ ପୁଅଙ୍କ ପାଳି

ମାହାଙ୍ଗାରୁ ଯିଏ ଜିତୁଛି, ସେହି ଦଳ ସରକାର ଗଢୁଛି : ପରବର୍ତ୍ତି ମୁଖ୍ୟମନ୍ତ୍ରୀ କିଏ; ନବୀନ, ଧର୍ମେନ୍ଦ୍ର ନା ନିରଞ୍ଜନ?

Follow Us

Most Popular Posts