ଜନ୍ମକୁ ବଳିଯିବ ମୃତ୍ୟୁହାର: ଢେଙ୍କାନାଳରେ ବିଦ୍ୟୁତ ଆଘାତରେ ୭ହାତୀ ମୃତ

ଢେଙ୍କାନାଳ: ବିଦ୍ୟୁତ ଆଘାତରେ ଢେଙ୍କାନାଳ କମଳାଙ୍ଗ ଗାଁରେ ୭ହାତୀଙ୍କ ମୃତ୍ୟୁ ହୋଇଛି। ଗାଁର ଏକ ବିଲ ମଝିରେ ବିଦ୍ୟୁତ ତାର ସଂସ୍ପର୍ଷରେ ଆସି ହତୀମାନଙ୍କ ମୃତ୍ୟୁ ହୋଇଛି। ଢେଙ୍କାନାଳ ସଦର ରେଞ୍ଜ କମଳାଙ୍ଗ ଗାଁ ନିକଟରେ ରେଲୱେ ଟ୍ରାକ ପାଇଁ ବିଦ୍ୟୁତ ତାର ଟଣାଯାଇଥିଲା। ତେବେ ଶୁକ୍ରବାର ରାତିରେ ହାତୀ ଜଙ୍ଗଲ ମଧ୍ୟରେ ଥିବା ରେଲୱେ ଟ୍ରାକ ପାରି କରୁଥିବା ବେଳେ ଭୂମି ଠାରୁ ମାତ୍ର ୮ଫୁଟ୍‌ ଉଚ୍ଚତାରେ ଟଣା ଯାଇଥିବା ବିଦ୍ୟୁତ ତାର ସଂସ୍ପର୍ଶରେ ଆସିଥିଲେ। ଫଳରେ ୨ଦନ୍ତା ହାତୀଙ୍କ ସମେତ ୭ହାତୀଙ୍କ ମୃତ୍ୟୁ ହୋଇଛି। ତେବେ ସୌଭାଗ୍ୟ ବଶତଃ ଦଳରେ ଥିବା ଅନ୍ୟ ୬ହାତୀ ଅଳ୍ପକେ ବଞ୍ଚି ଯାଇଛନ୍ତି। ଅଳ୍ପ ଉଚ୍ଚତାରେ ବିଦ୍ୟୁତ ତାର ଯାଇଥିବା ନେଇ ବନବିଭାଗକୁ ବାରମ୍ବାର ଅଭିଯୋଗ କରାଯାଇଥିଲେ ମଧ୍ୟ କେହି ଏଥିପ୍ରତି ଧ୍ୟାନ ଦେଇନଥିଲେ ବୋଲି ସ୍ଥାନୀୟ ଲୋକ ଅଭିଯୋଗ କରିଛନ୍ତି। ତେବେ ନିୟମ ଅନୁସାରେ ୧୭ଫୁଟ୍‌ ଉଚ୍ଚତାରେ ବିଦ୍ୟୁତ ତାର ଟଣା ଯିବା କଥା। ଏହି ଘଟଣାରେ ସରକାର ବନ ବିଭାଗ-ଶକ୍ତି ବିଭାଗର ୬ଜଣଙ୍କୁ ନିଲମ୍ବନ ଏବଂ ଜଣଙ୍କୁ ଚାକିରିରୁ ବହିଷ୍କୃତ କରିଛନ୍ତି୮ବର୍ଷରେ ୬୨୦ହାତୀଙ୍କ ଅକାଳ ମୃତ୍ୟୁ
ପୂର୍ବରୁ ମଧ୍ୟ ଏହିଭଳି ଅନେକ ଘଟଣା ଦେଖିବାକୁ ମିଳିଛି । ଗତ ଏପ୍ରିଲ ୧୬ରେ ଝାରସୁଗୁଡାର ବାଗଡିହରେ ୪ଟି ହାତୀଙ୍କ ମୃତ୍ୟୁ ହୋଇଥିଲା। ଟ୍ରେନ ଲାଇନ୍ ଅତିକ୍ରମ କରୁଥିବା ବେଳେ ଦ୍ରୁତ ଗତିରେ ଆସୁଥିବା ଟ୍ରେନ ଧକ୍କା ଦେବା ଫଲରେ ଗୋଟିଏ ଦନ୍ତା ଦାତୀ ସମେତ ୪ହାତୀଙ୍କ ମୃତ୍ୟୁ ହୋଇଥିଲା। ସେହିଭଳି ଜୁଲାଇ ୨୦୧୫ରେ ଗଞ୍ଜାମର ରମ୍ଭା ନିକଟରେ କରମଣ୍ଡଳ ଏକ୍ସପ୍ରେସ ଟ୍ରେନ ଧକ୍କାରେ ଏକ ଛୁଆ ହାତୀ ସମେତ ୫ହାତୀଙ୍କ ମୃତ୍ୟୁ ହୋଇଥିଲା। ଗତ ୮ବର୍ଷ ମଧ୍ୟରେ ଓଡ଼ିଶାରେ ପ୍ରାୟ ୬୨୦ରୁ ଉର୍ଦ୍ଧ ହାତୀଙ୍କ ଅକାଳ ମୃତ୍ୟୁ ହେଲାଣି।ଜନ୍ମକୁ ବଳିଯିବ ମୃତ୍ୟୁହାର
୯୦ଦଶକରେ ଓଡ଼ିଶାରେ ବାର୍ଷିକ ହାତୀ ମୃତ୍ୟୁ ସଂଖ୍ୟା ୩୩ ଥିଲାବେଳେ, ୨୦୦୦ରୁ ୨୦୧୦ ମଧ୍ୟରେ ସେହି ମୃତ୍ୟୁହାର ୪୬କୁ ବୃଦ୍ଧି ପାଇଥିଲା। ଏବେ ଓଡ଼ିଶାରେ ହାତୀ ମୃତ୍ୟୁ ହାର ବର୍ଷକୁ ୭୩ରେ ପହଞ୍ଚିଲାଣି। ଯଦି ଏଭଳି ମୃତ୍ୟୁ ହାର ବଢ଼ି ଚାଲିବ ତେବେ ଓଡ଼ିଶାରେ ହାତୀ ଜନ୍ମ ଠାରୁ ବଳିଯିବ। ଓଡ଼ିଶାରେ ହାତୀ ମୃତ୍ୟୁର ପ୍ରମୁଖ କାରଣ ସାଜିଛି,୧-ହାତୀ ଦାନ୍ତ ସଂଗ୍ରହ, ୨- ବିଦ୍ୟୁତ ଆଘାତ, ୩-ଟ୍ରେନ ଧକ୍କା। ରେର୍କଡରୁ ଜଣାପଡୁଛି ପ୍ରତିବର୍ଷ ଓଡ଼ିଶାରେ ୧୮ଟି ଦନ୍ତା ହାତୀ ମୃତ୍ୟୁବରଣ କରୁଛନ୍ତି। ଗତ ୫ବର୍ଷ ମଧ୍ୟରେ ୬୨ଟି ଦନ୍ତା ହାତୀଙ୍କୁ ହତ୍ୟା କରାଯାଇଛି। ହେଲେ ଜଣେ ବି ହାତୀ ଦାନ୍ତ ମାଫିଆଙ୍କୁ ଗିରଫ କରିନାହିଁ ବନବିଭାଗ। ତେବେ ଆସନ୍ତୁ ନଜର ପକାଇବା ୨୦୧୦ରୁ ହାତୀ ମୃତ୍ୟୁ ତଥ୍ୟ ଉପରେ
ବର୍ଷ                   ହାତୀ ମୃତ
୨୦୧୦-୧୧        ୮୩
୨୦୧୧-୧୨        ୬୮
୨୦୧୨-୧୩      ୮୦
୨୦୧୩-୧୪        ୭୫
୨୦୧୪-୧୫       ୫୬
୨୦୧୫-୧୬       ୮୦
୨୦୧୬-୧୭       ୬୯
୨୦୧୭-୧୮       ୭୩
୨୦୧୮—         ୩୬