୨୪ ବର୍ଷ ପରେ ଲକ୍ଷ୍ନୌକୁ ଫେରିଥିଲା ଅନ୍ତର୍ଜାତୀୟ କ୍ରିକେଟ ମ୍ୟାଚ୍‌ । ଅଟ୍ଟଳ ବିହାରୀ ବାଜପେୟୀ ଇଣ୍ଟରନ୍ୟାସନାଲ୍‌ କ୍ରିକେଟ ଷ୍ଟାଡିୟମରେ ପ୍ରଥମ ମ୍ୟାଚ୍‌ ଖେଳାଯାଇଥିବା ବେଳେ ଏହାକୁ ସ୍ମରଣୀୟ କରିଛନ୍ତି ରୋହିତ ଶର୍ମା । ଧୂଆଁଧାର ଶତକ ମାରିଲେ, ଦଳକୁ ବିଜୟୀ କରାଇ ଦେଶବାସୀଙ୍କୁ ଦେଇଛନ୍ତି ଦୀପାବଳି ଗିଫ୍ଟ । ୭୧ରନରେ ଓ୍ୱେଷ୍ଟଇଣ୍ଡିଜକୁ ହରାଇ ଦ୍ୱିତୀୟ ଟି-ଟ୍ୱେଣ୍ଟି ମ୍ୟାଚ୍ ଜିତିବା ସହ ଆଗୁଆ ୨-୦ରେ ସିରିଜ ହାତେଇଛି ଟିମ୍ ଇଣ୍ଡିଆ । ପ୍ରଥମେ ବ୍ୟାଚିଂ କରି ଭାରତ ନିର୍ଦ୍ଧାରିତ ଓଭରରେ ୨ ଓ୍ୱିକେଟର କରି ୧୯୫ ରନ୍ କରିଥିଲା । ଜବାବରେ ଟିମ୍ ଇଣ୍ଡିଆର ଘାଇଲା ବୋଲିଂ ଆଗରେ ଆତ୍ମସମର୍ପଣ କରିଥିଲେ ଭ୍ରମଣକାରୀ ଦଳର ବ୍ୟାଟ୍ସମ୍ୟାନ୍ । ୨୦ ଓଭରରେ ୯ ଓ୍ୱିକେଟ ହରାଇ ୧୨୪ ରନ ଅଟକିଥିଲା । ନଜର ପକାନ୍ତୁ ବିଜୟର କିଛି କାରଣ ଉପରେ ।ରୋହିତଙ୍କର ଅପରାଜିତ ଇନିଂସ
ରୋହିତ ଶର୍ମାଙ୍କ ଅପରାଜିତ ଶତକ ବଳରେ ରନ୍ ପାହାଡ଼ ଠିଆ କରିଥିଲା ଭାରତ । ଟି-ଟ୍ୱେଣ୍ଟିରେ ସେ ଚତୁର୍ଥ ଶତକ ହାସଲ କରିଛନ୍ତି । ୬୧ ବଲରେ ଅପରାଜିତ ୧୧୧ ରନ୍ । ୭ଟି ବିଶାଳ ଛକା ଓ ୮ଟି ଚୌକା ମାରିଥିଲେ ରୋହିତ । ଟି-ଟ୍ୱେଣ୍ଟିରେ ସର୍ବାଧିକ ଶତକ ମାରିଛନ୍ତି । ତାଙ୍କ ପଛକୁ ଅଛନ୍ତି ନ୍ୟୁଜିଲାଣ୍ଡ କ୍ରିକେଟର କୋଲିନ୍ ମୁନରୋ(୩ଟି ଶତକ) । ସେହିପରି ଟ୍ୱେଣ୍ଟି ଟ୍ୱେଣ୍ଟରେ ମୋଟ୍‌ ୨ହଜାର ୨୦୩ ରନ୍‌ ସଂଗ୍ରହ କରିଛନ୍ତି ରୋହିତ । ଏହି ଫର୍ମାଟରେ ଭାରତୀୟ ଖେଳାଳି ଭାବରେ ଟପ୍ ସ୍କୋରର ହୋଇଛନ୍ତି । ତାଙ୍କ ପଛକୁ ବିରାଟ କୋହଲି ୨୧୦୨ ରନ୍‌ କରିଛନ୍ତି । ପାକିସ୍ତାନର ସୋଏବ ମଲ୍ଲିକଙ୍କ ୨୧୯୦ ରନ୍‌କୁ ଟପି ଛନ୍ତି ରୋହିତ ଶର୍ମା । ସର୍ବାଧିକ ରନ୍‌ ସେ୍କାରର ହେଉଛନ୍ତି ନ୍ୟୁଜିଲାଣ୍ଡର ମାର୍ଟିନ ଗୁପଟିଲ୍‌ (୨୨୭୧ରନ୍‌) ।

What a player @ImRo45 🎇🎇#INDvWI pic.twitter.com/Ig7UhubLxI

— BCCI (@BCCI) November 6, 2018

ରୋହିତ-ଧଓ୍ୱନ ପାର୍ଟନରସିପ୍, ଲୋକେଶଙ୍କ ଜମାଣିଆ ବ୍ୟାଟିଂ
ରୋହିତ ଓ ଶିଖର ଧଓ୍ୱର(୪୩ରନ୍) ୧୪ଓଭରରେ ପ୍ରଥମ ଓ୍ୱିକେଟ ଯୋଡିରେ ୧୨୩ ରନ୍ କରିଥିଲେ । ମ୍ୟାଚ୍ ଶେଷ ଆଡକୁ ଲୋକେଶ ରାହୁଲ ବି ଜମାଣିଆ ସର୍ଟ ମାରିଥିଲେ । ୧୫ ଓଭରରେ ଗୋଟିଏ ଦଳୀୟ ସ୍କୋର ଥିଲା ୧୨୯/୧। କିନ୍ତୁ ଶେଷ ୫ ଓଭରରେ ବାହାରିଥିଲା ୬୬ ରନ୍ । ଲୋକେଶ ରାହୁଲ ୧୪ଟି ବଲ୍ ଖେଳି ଦୁଇଟି ଚୌକା ଓ ଗୋଟିଏ ଛକା ବଳରେ ୨୬ ରନ୍ କରିଥିଲେ । ଶେଷ ଓଭରରେ ବାହାରିଥିଲା ୨୦ରନ୍ ।
ଏଥିସହ ପଢ଼ନ୍ତୁ: ନନ୍ଦିନୀଙ୍କ ମୁଖ୍ୟମନ୍ତ୍ରୀ ଚେୟାର ଛଡ଼ାଇ ନେଇଥିଲା TISSA; ଆଉ ବିଜୁ ଯୁବ ବାହିନୀ….
ଶାଣିତ ବୋଲିଂ
ରୋହିତ, ଧଓ୍ୱନ ଓ ଲୋକେଶ ରାହୁଲ ବ୍ୟାଚିଂ ଭାର ସମ୍ଭାଳିଲେ । ବୋଲର ନିଜ ଦାୟିତ୍ୱ ତୁଲାଇଲେ । ଦ୍ୱିତୀୟ ଓଭରରେ ସାଇ ହୋପଙ୍କୁ ପାଭିଲନ୍ ଫେରାଇ ଓ୍ୱେଷ୍ଟଇଣ୍ଡିଜକୁ ପ୍ରଥମ ଝଟକା ଦେଇଥିଲା ଟିମ୍ ଇଣ୍ଡିଆ । ଷଷ୍ଠ ଓଭରରେ ହେଟମେୟରଙ୍କୁ ଆଉଟ୍ କରିଥିଲେ ଖଲିଲ ଅହମ୍ମଦ । ଅଷ୍ଟମ ଓଭରରେ ଡାରେନ୍ ବ୍ରାଭୋ ଓ ନିକୋଲାସ୍ ପୁରନଙ୍କୁ ଆଉଟ୍ କରି କାରାବେୟାନ୍ ଦଳ ବ୍ୟାଟିଂ ମେରୁଦଣ୍ଡ ଭାଙ୍ଗି ଦେଇଥିଲେ ଭାରତୀୟ ଧୁରନ୍ଧର । ମାତ୍ର ୧୨୪ ରନ୍ କରି ପାରିଥଲେ ।
ଚାପି ଦେଲେ ଖଲିଲ-କୁଳଦୀପଏହି ମ୍ୟାଚରେ ଖଲିଲ, କୁଳଦୀପ, ଭୁବନେଶ୍ୱର କୁମାର ଓ ଯଶପ୍ରୀତ ବୁମରାହ ୨ଟି ଲେଖାଏଁ ଓ୍ୱିକେଟ ନେଇଥିଲେ । କିନ୍ତୁ ଖଲିଲ ଅହମ୍ମଦଙ୍କ ଫାଷ୍ଟ ବୋଲିଂ ଓ କୁଳଦୀପଙ୍କ ଯାଦୁକରୀ ସ୍ପିନ୍ କମାଲ କରିଥିଲା । ୮ ଓଭରରେ ଓ୍ୱେଷ୍ଟଇଣ୍ଡିଜ ୪ଟି ଓ୍ୱିକେଟ ହରାଇ ୫୨ ରନ୍ କରିଥିଲା । ଏମାନଙ୍କ ଚାପରେ ପ୍ରଥମରୁ ଚାପି ହୋଇଥିଲା ଓ୍ୱେଷ୍ଟଇଣ୍ଡିଜ । ଯଦିଓ ପରେ ଏଦୁହେଁ ଅଧିକ ରନ୍ ବ୍ୟୟ କରିଥିଲେ । ଏହି ମ୍ୟାଚରେ ସବୁଠୁ ଅଧିକ ରନ୍ ଦେଇଥିଲେ ଖଲିଲ୍ ଓ କୁଳଦୀପ ।
ପଢ଼ନ୍ତୁ କ୍ରିକେଟ ଖବର: ବିଶ୍ୱକପ୍ ପରେ ଅଲବିଦା: ଧୋନି, ଯୁବରାଜ ଓ ଗେଲଙ୍କୁ ମିସ୍ କରିବ ବାଉଣ୍ଡରି ଲାଇନ୍