ସରକାରୀ କର୍ମଚାରୀଙ୍କୁ ଦୁର୍ବ୍ୟବହାର ଅଭିଯୋଗରେ ବିଜେଡି ବିଧାୟକ ସରୋଜ ମେହେର ଗିରଫ।ପାଟଣାଗଡ ବିଧାୟକ ସରୋଜଙ୍କୁ ଗିରଫ କରିଛି ସ୍ଥାନୀୟ ପୋଲିସ।ପୂର୍ତ୍ତ ବିଭାଗର କନିଷ୍ଠ ଯନ୍ତ୍ରୀ ଜୟକାନ୍ତ ଶବରଙ୍କୁ ଦୁର୍ବ୍ୟବହାର ମାମଲାରେ ଗିରଫ ହୋଇଛନ୍ତି ବିଧାୟକ।ରାସ୍ତାକାମକୁ ନେଇ ବିଧାୟକ ସରୋଜ,ଯନ୍ତ୍ରୀଙ୍କୁ ରୋଡରେ ଉଠବସ୍ କରାଇଥିଲେ।ସେହି ଭିଜୁଆଲ ସୋସିଆଲ ମିଡିଆରେ ଭାଇରାଲ ହେବା ପରେ ବିଧାୟକଙ୍କୁ ଖୋଜୁଥିଲା ପୋଲିସ୍ ।ଗିରଫରୁ ବର୍ତ୍ତିବା ପାଇଁ ବିଜେଡି ବିଧାୟକ ଉଦ୍ୟମ କରିଥିଲେ ମଧ୍ୟ ସେଥିରେ ସଫଳ ହୋଇନଥିଲେ ।ଶେଷରେ ପାଟଣାଗଡ ବିଧାୟକଙ୍କୁ (ଜୁନ ୨୪)ରେ ଗିରଫ କରିଛି ପୋଲିସ୍ ।
ବିଜେପି ହେଭିୱେଟ୍ ନେତା କନକ ବର୍ଦ୍ଧନ ସିଂହଦେଓଙ୍କୁ ହରାଇ ଚହଳ ପକାଇଥିଲେ ସରୋଜ ମେହେର ।କିନ୍ତୁ ସରୋଜ, ବିଧାୟକ ଜୀବନର ପ୍ରଥମ ଦିନ ବିଧାନସଭାରେ କଟାଇବା ପରିବର୍ତ୍ତେ ଜେଲରେ କଟାଇପାରନ୍ତି ।ଷୋଡଶ ବିଧାନସଭାର ପ୍ରଥମ ଅଧିବେଶନ ଜୁନ୍୨୫ରୁ ଆରମ୍ଭ ହେଉଅଛି ।ତେବେ ବିଧାୟକ ପଦର ଶପଥ ନେଇଥିବାସରୋଜଙ୍କୁ ଅଧିବଶେନର ପୂର୍ବଦିନ ପୋଲିସ୍ ଗିରଫ କରିଛି ।
ଅପରପକ୍ଷରେ ସରକାରୀ କର୍ମଚାରୀଙ୍କୁ ମାଡ ମାରିବାବିଜେଡି ବିଧାୟକଙ୍କର ଏକ ଅଭ୍ୟାସରେ ପରିଣତ ହେଲାପରି ଲାଗୁଛି ।ପୂର୍ବରୁ ସଦ୍ୟ ସମାପ୍ତ ନିର୍ବାଚନ ସମୟରେ ପିପିଲି ବିଧାୟକ ପ୍ରଦୀପ ମହାରଥୀ ମଧ୍ୟ ସରକାରୀ କର୍ମଚାରୀଙ୍କୁ ତାଙ୍କ ଫାର୍ମ ହାଉସରେ ମାଡ ମାରିଥିଲେ ।ଗତ ଅପ୍ରେଲ ୨୧ ତାରିଖରେ ବିଜେଡି ବିଧାୟକ ମହାରଥୀ ଲୋକଙ୍କୁ ଟଙ୍କା ବାଣ୍ଟୁଥିଲେ ।ସେହି ସମୟରେ ନିର୍ବାଚନ ଫ୍ଲାଇଂ ସ୍କ୍ୱାର୍ଡ ଦାୟିତ୍ୱରେ ଥିବା ରବି ନାରାୟଣ ପାତ୍ର ମହାରଥୀଙ୍କୁ ଅଟକାଇଥିଲେ ।ଏଥିରେ ଉତ୍ୟକ୍ତ ହୋଇ ମହାରଥୀ ରବି ନାରାୟଣଙ୍କ ସମେତ ସେଠାରେ ଉପସ୍ଥିତ ଥିବା ପୋଲିସ୍ କର୍ମଚାରୀଙ୍କୁ ମାଡ ମାରି ଲହୁଲୁହାଣ କରିଥିଲେ ।ଫଳରେ ଅପ୍ରେଲ ୨୨ ତାରିଖରେ ସରକାରୀ କର୍ମଚାରୀଙ୍କୁ ମାଡ ଅଭିଯୋଗରେ ପୁରୀ ପୋଲିସ୍ ତାଙ୍କୁ ଗିରଫ କରିଥିଲା ।
ସରକାରୀ କର୍ମଚାରିଙ୍କୁ ମାଡ ମାରିବା ଅଭିଯୋଗରେ ବିଜେଡିର ଅନ୍ୟ ଜଣେ ବିଧାୟକ ମଧ୍ୟ ସଂପୃକ୍ତ।ପୂର୍ବତନ ବୋଲଗଡ-ବେଗୁନିଆ ବିଧାୟକ ପ୍ରଶାନ୍ତ ଜଗଦ୍ଦେବ ତହସିଲଦାରଙ୍କୁ ମାଡ ମାରିଥିବାର ଅଭିଯୋଗ ଆସିଥିଲା ।ଏପରିକି ବିଜେଡିର ଦବଙ୍ଗ ବିଧାୟକ ପ୍ରଶାନ୍ତ ଜଗଦ୍ଦେବ ନବକଳେବର ସମୟରେ ପୁରୀ ଏସ୍.ପିଙ୍କୁ ଦୁର୍ବ୍ୟବହାର କରିଥିବାର ଅଭିଯୋଗ ବି ହୋଇଥିଲା ।ଶ୍ରୀମନ୍ଦିର ଭିତରେ ପୁରୀର ତତ୍କାଳୀନ ଏସ୍ପି ଆଶିଷ ସିଂ ଓ ବିଜେଡି ବିଧାୟକଙ୍କ ମଧ୍ୟରେ ମାରପିଟ୍ ହୋଇଥିବାର ଖବର ଆସିଥିଲା ।
ଏହିଭଳି ଭାବେ ସରକାରୀ କର୍ମଚାରୀଙ୍କୁ ବିଧାୟକମାନଙ୍କର ଦୁର୍ବ୍ୟବହାର ଦିନକୁ ଦିନ ବଢିବାରେ ଲାଗିଛି ।ବିଜେପି ବିଧାୟକ ମଧ୍ୟ ଏଥିରୁ ମୁକ୍ତ ନାହାଁନ୍ତି ।ସମ୍ବଲପୁର ବିଧାୟକ ଜୟ ନାରାୟଣ ମିଶ୍ରଙ୍କ ନାମରେ ମଧ୍ୟ ବାରମ୍ବାର ଏଭଳି ଅଭିଯୋଗ ଆସିଛି ।
No Comments