ପଲିଟିକ୍ସ

ବିଜୁଙ୍କ କ୍ରେଜ୍ କମୁ ଥିଲାବେଳେ, ଦାମଙ୍କ ନୂଆ ଦଳ ବିଜୁଙ୍କ ନାଁରେ ହେବ

dama-rout

ଭୁବନେଶ୍ୱର:ନବୀନ ପଟ୍ଟନାୟକଙ୍କ ଲୋକପ୍ରିୟତା ଟପରେ ଥିଲାବେଳେ ବହିଷ୍କୃତ ବିଜେଡି ବିଧାୟକ ଦାମଦୋର ରାଉତ ନୂଆ ଦଳ ଗଠନ କରିବାକୁ ଚାହୁଁଛନ୍ତି। ପୁଅ ନବୀନଙ୍କୁ ଟକ୍କର ଦେବାକୁ ଦାମଦୋର ରାଉତ ବାପା ବିଜୁ ପଟ୍ଟନାୟକଙ୍କ ନାଁରେ ଦଳରେ ଗଢିବେ। ଅକ୍ଟୋବର ଶେଷ ସୁଦ୍ଧା ନୂଆ ରାଜନୈତିକ ଦଳ ଗଠନ ହେବ ବୋଲି ପାରାଦୀପ ବିଧାୟକ ଦାମ ରାଉତ ସୂଚନା ଦେଇଛନ୍ତି । ବିଜେଡିରେ ନକଲି ଲୋକ ଅଛନ୍ତି, କିନ୍ତୁ ବିଜୁ ଅନୁଗତଙ୍କୁ ନେଇ ନୂଆ ଦଳ ଗଠନ କରାଯିବ ବୋଲି ଦାମ ରାଉତ କହିଛନ୍ତି। ଅଣକଂଗ୍ରେସ ରାଜନୀତିର ଚେହେରା ଦାମ ରାଉତ, ମଙ୍ଗଳବାର କଂଗ୍ରେସ ଭବନରୁ ଫେରିଲା ପରେ ବୈଜୟନ୍ତ ପଣ୍ଡାଙ୍କ ଆର୍ଥିକ ସହଯୋଗରେ ବୋଧହୁଏ ନୂଆ ରାଜନୈତିକ ଦଳ ଗଠନ କଥା କହୁଛନ୍ତି।R.N.SINGHDEOଗଣତନ୍ତ୍ର ପରିଷଦରୁ ଆରମ୍ଭ
ଅବଶ୍ୟ ଓଡ଼ିଶାରେ ଆଞ୍ଚଳିକ ରାଜନୈତିକ ଦଳ ଗଠନ ହେବା କିଛି ନୂଆ ନୁହେଁ।୨୬ଡିସେମ୍ବର ୧୯୯୭ରୁ ବିଜୁ ଜନତା ଦଳ ଗଠନ ହୋଇ ଦୀର୍ଘ ୧୮ବର୍ଷ ହେଲାଣି କ୍ଷମତାରେ ଅଛନ୍ତି। କେବଳ ବିଜୁଙ୍କ ନାଁରେ ଗଠିତ ଆଞ୍ଚଳିକ ଦଳକୁ ଯେ ଓଡ଼ିଶାରେ ସଫଳତା ମିଳିଛି ତା ନୁହେଁ, ଅତୀତରେ ଅନେକ ଆଞ୍ଚଳିକ ଦଳ କ୍ଷମତାରେ ରହିଛନ୍ତି। ସ୍ୱାଧିନତା ପରେ ପ୍ରଥମ ନିର୍ବାଚନ ୧୯୫୨ରେ ଆଞ୍ଚଳିକ ଦଳ ଗଣତନ୍ତ୍ର ପରିଷଦ ୩୧ଟି ବିଧାନସଭା ଆସନରେ ବିଜୟୀ ହୋଇଥିଲା। କୋଶଳ ଉତ୍କଳ ପ୍ରଜା ପରିଷଦର ବିଚାରଧାରାକୁ ନେଇ ଗଡ଼ଜାତ ରାଜାମାନେ ଗଣତନ୍ତ୍ର ପରିଷଦ ଦଳ ଗଠନ କରିଥିଲେ। ସେହି ଦଳର ନେତୃତ୍ୱ ନେଇ ରାଜେନ୍ଦ୍ର ନାରାୟଣ ସିଂହଦେଓ ପରବର୍ତ୍ତୀ ସମୟରେ ମୁଖ୍ୟମନ୍ତ୍ରୀ ହୋଇଥିଲେHarekrushna Mahatabଜନ କଂଗ୍ରେସ-ଉତ୍କଳ କଂଗ୍ରେସ
ଅପରପକ୍ଷରେ କଂଗ୍ରେସରୁ ବାହାରି ହରେକୃଷ୍ଣ ମହତାବ ୧୯୬୭ରେ ଜନ କଂଗ୍ରେସ ଗଠନ କରିଥିଲେ । ଆଉ ୨୬ଟି ଆସନରେ ନିଜର ପ୍ରାର୍ଥୀଙ୍କୁ ଜିତାଇ କଂଗ୍ରେସକୁ ଗାଦିଚ୍ୟୁତ କରିଥିଲେ। ସେହିପରି ବିଜୁ ପଟ୍ଟନାୟକ ୧୯୭୧ରେ ଉତ୍କଳ କଂଗ୍ରେସ ଗଠନ କରିଥିଲେ। ଆଉ ସ୍ୱତନ୍ତ୍ର ପାର୍ଟିକୁ ଉତ୍କଳ କଂଗ୍ରେସର ୩୩ଜଣ ବିଧାୟକଙ୍କ ସମର୍ଥନ ଦେଇ କଂଗ୍ରେସକୁ କ୍ଷମତାଚ୍ୟୁତ କରିଥିଲେ। କିନ୍ତୁ ପରବର୍ତ୍ତୀ ସମୟରେ ପୂର୍ବତନ ମୁଖ୍ୟମନ୍ତ୍ରୀ ନନ୍ଦିନୀ ଶତପଥୀ ଜାଗ୍ରତ ଓଡ଼ିଶା ନାଁରେ ଏକ ଆଞ୍ଚଳିକ ଦଳ ଗଠନ କରି ସଫଳତା ପାଇ ନଥିଲେ।BIJU-PATTNAIKବିଜୟ-ପ୍ୟାରୀ-ସୌମ୍ୟ ଫେଲ୍
ଓଡ଼ିଶାରେ ଆଞ୍ଚଳିକ ଦଳର ସଫଳତା ହାର ଯଥେଷ୍ଟ ଅଧିକ । କିନ୍ତୁ ୨୦୦୦ମସିହା ପରେ ବିଜେଡି-ବିଜେପିର ମେଣ୍ଟ ଆଞ୍ଚଳିକ ଦଳକୁ ବଢ଼ିବାକୁ ଦେଇନାହିଁ।ବିଜୟ ମହାପାତ୍ରଙ୍କ ଓଡ଼ିଶା ଗଣ ପରିଷଦ, ବାଲଗୋପାଲ ମିଶ୍ରଙ୍କ କୋଶଳ କ୍ରାନ୍ତି ଦଳ ଏହାର ସବୁଠୁ ବଡ ଉଦାହରଣ।ଏପରିକି ପ୍ୟାରୀମୋହନ ମହାପାତ୍ରଙ୍କ ଓଡ଼ିଶା ଜନମୋର୍ଚ୍ଚା, ସୌମ୍ୟରଞ୍ଜନ ପଟ୍ଟନାୟକଙ୍କ ଆମ ଓଡ଼ିଶା ପାର୍ଟି, ଖାରବେଳ ସ୍ୱାଇଁଙ୍କ ଉତ୍କଳ ଭାରତ ଏବଂ ବ୍ରଜ ତିପ୍ରାଠୀଙ୍କ ସମତାକ୍ରାନ୍ତି ଦଳର ପରୀକ୍ଷା ସବୁ ବିଫଳ।NAVEEN-PATNAIKକମୁଛି ବିଜୁ କ୍ରେଜ୍
ଅନ୍ୟପଟେ ବିଜୁ ପଟ୍ଟନାୟକଙ୍କ କ୍ରେଜ୍ ଦିନକୁ ଦିନ ଓଡ଼ିଶାରେ କମିବାରେ ଲାଗିଛି । ଯେଉଁ ନବୀନ ସରକାର ବିଜୁଙ୍କ ନାଁରେ ବିଜୁ କେବିକେ, ବିଜୁ ସେତୁ, ବିଜୁ କୃଷକ କଲ୍ୟାଣ,ବିଜୁ କନ୍ଧମାଳ ଓ ଗଜପତି ଏବଂ ବିଜୁ ଗାଁ ଗାଡ଼ି ପରି ଡଜେନ ଯୋଜନା କରିଥିଲା, ଏବେ ଅନ୍ୟ ମହାପୁରୁଷଙ୍କ ନାଁରେ ରାଜନୀତି କଲାଣି। ବିଜୁ ଯୁବ ବାହିନୀ ଗଠନ କରି ଅଡୁଆରେ ଫସିଥିବା ବିଜେଡି ଏବେ ୪ଟି ନୂଆ ମେଡିକାଲ କଲେଜକୁ ସହୀଦ ଲକ୍ଷ୍ମଣ ନାୟକ, ସନ୍ଥକବି ଭୀମ ଭୋଇ, ବ୍ୟାସକବି ଫକୀର ମୋହନ ସେନାପତି ଏବଂ ପଣ୍ଡିତ ରଘୁନାଥ ମୁର୍ମୁଙ୍କ ନାଁ କରିଛି। ବିଜେଡିର ଆକଳନ କହୁଛି ନବୀନ ପଟ୍ଟନାୟକ ପପୁଲାରିଟ୍ ଉଚ୍ଚରେ, କିନ୍ତୁ ଆଉ ବିଜୁଙ୍କ ନାଁରେ ଅଧିକ ଦିନ ରାଜନୀତି କରି ହେବନି। ସେ ସମୟରେ ସାଂଗଠନିକ କ୍ଷେତ୍ରରେ ଦୁର୍ବଳ ଦାମୋଦର ରାଉତ ବିଜୁଙ୍କ ନାଁରେ ନୂଆ ଦଳ ଗଠନ କରିବାକୁ ଯାଉଛନ୍ତି।

You Might Also Like

No Comments

Leave a Reply