ନ୍ୟୁଜ୍

କାଶ୍ମୀରରେ ଆତଙ୍କବାଦୀଙ୍କ ସୁସାଇଡ୍ ଆଟାକ୍: ୩୭CRPF ଯବାନ ସହିଦ

Terror-Attack in Kashmir

କାଶ୍ମୀର ଘାଟିରେ ବଡ଼ ଧରଣର ଆତଙ୍କବାଦୀ ଆକ୍ରମଣ। ଫଳରେ ପୁଲଓ୍ୱାମାର ଅବନ୍ତିପୁର ଠାରେ ୩୭ଜଣ ସିଆରପିଏଫ୍ ଯବାନ ସହିଦ ହୋଇଛନ୍ତି। ପ୍ରାୟ ୪୫ଜଣରୁ ଉର୍ଦ୍ଧ୍ୱ ଯବାନ ଆହତ ହୋଇଛନ୍ତି। ପ୍ରାୟ ୨୦୦କିଲୋଗ୍ରାମ ବିସ୍ପୋରକ ସାମଗ୍ରୀ (ଆଇଇଡି) ଭର୍ତ୍ତି ଏକ କାର,ସିଆରପିଏଫ ଭ୍ୟାନ୍ ସହ ଧକ୍କା ଦେଇଥିଲା। ଏହି ଆତ୍ମଘାତୀ ଆକ୍ରମଣରେ ୩୭ଜଣ ଯବାନ ସହିଦ ହୋଇଛନ୍ତି।
ଆକ୍ରମଣ ପଛରେ ଜୈସ ଏ ମହମମ୍ମଦ
୩୫,୫୪ ଏବଂ ୧୭୯ ବାଟାଲିୟନର ପ୍ରାୟ ୨ହଜାର ୫୪୭ ଯବାନ, ୭୪ଟି ସିଆରପିଏଫ୍ ଭ୍ୟାନରେ ଜମ୍ମୁରୁ ଶ୍ରୀନଗର ଯାଉଥିଲେ। ଗୁରୁବାର ଦିନ ୩ଟା ୩୭ମିନଟରେ ଅବନ୍ତିପୁର ଠାରେ ଆତଙ୍କବାଦୀ ଆକ୍ରମଣ କରିଥିଲେ। ପ୍ରଥମେ ବିସ୍ପୋରକ ସାମଗ୍ରୀ ଭର୍ତ୍ତି କାରଟି ସିଆରଏଫ୍ ଭ୍ୟାନ୍ ସହ ଧକ୍କା ଦେଇଥିଲା। ଏହା ପରେ ଆତଙ୍କବାଦୀମାନେ ଯବାନଙ୍କ ଉପରକୁ ଗ୍ରେନଡ୍ ଫିଙ୍ଗି ଥିଲେ। ଫଳରେ ୫୦ଜଣ ଯବାନ ଥିବା ଭ୍ୟାନଟି ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଥିଲା। ଏହି ଆକ୍ରମଣ ପଛରେ ପାକିସ୍ତାନ ଆତଙ୍କବାଦୀଙ୍କ ସଂଗଠନ ଜୈସ ଏ ମହମମ୍ମଦର ହାତ ରହିଛି।
ଯବାନଙ୍କ ବଳିଦାନ ବ୍ୟର୍ଥ ଯିବ ନାହିଁ
ଆତଙ୍କବାଦୀଙ୍କ ଆକ୍ରମଣଙ୍କୁ ଘୋର ନିନ୍ଦା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ପ୍ରଧାନମନ୍ତ୍ରୀ ଟ୍ୱଇଟ୍ କରି କହିଛନ୍ତି ଯେ ଏହି ଆକ୍ରମଣ ହତାଶର ପରିଚୟ। ସିଆରପିଏଫ୍ ବୀର ଯବାନଙ୍କ ବଳିଦାନ ବ୍ୟର୍ଥ ଯିବ ନାହିଁ। ସହିଦ ପରିବାରଙ୍କ ସହ ଦେଶ ଆଜି ଠିଆ ହୋଇଛି। 

ଆର୍ମି ମୁଖ୍ୟ ସତର୍କ କରାଇଥିଲେ
ଗତ ଜାନୁଆରୀ ୧୦ରେ ଆର୍ମି ମୁଖ୍ୟ ଜେନରାଲ ବିପିନ୍ ରାଓ୍ୱତ ସତର୍କ କରାଇଥିଲେ ଯେ ପ୍ରାୟ ୨ଶହରୁ ୩ଶହ ଆତଙ୍କବାଦୀ ସୀମା ପାର କରି ଭାରତରେ ଆକ୍ରମଣ କରିବାକୁ ଯୋଜନା କରୁଛନ୍ତି। ଏହା ସତ୍ତ୍ୱେ ସିଆରପିଏଫ୍ ଯବାନଙ୍କ ସ୍ଥାନ ପରିବର୍ତ୍ତନ ସମୟରେ ଗୁଇନ୍ଦା ତଥ୍ୟକୁ ଅଣଦେଖା କଲା ପରି ଲାଗୁଛି। ସିଆରପିଏଫ ଡିଜି ଆର.ଆର.ଭଟ୍ଟନାଗର କହିଛନ୍ତି ଏହି ବଡ଼ ଧରଣ ଆକ୍ରମଣରେ ଅନେକ ଆତଙ୍କବାଦୀ ସାମିଲ ଅଛନ୍ତି।
୨୦୦୪ ପରେ ପ୍ରଥମ ସୁସାଇଡ୍ ଆଟାକ୍
ପୂର୍ବରୁ ୧୮ସେପ୍ଟମ୍ବର ୨୦୧୬ରେ ଉରି ଠାରେ ସେନା ଶିବିରରେ ଉପରେ ଆକ୍ରମଣ ହୋଇଥିଲା। ସେହି ଆତଙ୍କବାଦୀ ଆକ୍ରମଣରେ ୧୯ଜଣ ଯବାନ ସହିଦ ହୋଇଥିଲେ। ଏହାର ଜବାବରେ ଭାରତ ପକ୍ଷରୁ ପାକିସ୍ତାନ ଅଧିକୃତ କାଶ୍ମୀରରେ ସର୍ଜିକାଲ ଷ୍ଟ୍ରାଇକ୍ ହୋଇ ଆତଙ୍କବାଦୀ ଶିବିରକୁ ଧ୍ୱସଂ କରାଯାଇଥିଲା। ତେବେ ୨୦୦୪ ପରେ କାଶ୍ମୀର ଘାଟିରେ ଏହା ପ୍ରଥମ ଆତ୍ମଘାତୀ ଆକ୍ରମଣ ଅଟେ।

You Might Also Like

No Comments

Leave a Reply