ଭୁବନେଶ୍ୱର: ଡେବ୍ୟୁ ଟେଷ୍ଟରେ ସେଣ୍ଚୁରୀ ମାରିଛନ୍ତି ଓପନର ପୃଥ୍ୱୀ ସ। ଦିଲିପ ଟ୍ରଫି ଏବଂ ରଣଜୀ ଟ୍ରଫି ପରି ନିଜ ଟେଷ୍ଟ କ୍ୟାରିଅରର ପ୍ରଥମ ମ୍ୟାଚର ଶତକ ମାରି ରେକର୍ଡ ସୃଷ୍ଟି କରିଛନ୍ତି ଭାରତର ଦ୍ୱିତୀୟ ସର୍ବ କନିଷ୍ଠ ବ୍ୟାଟସମ୍ୟାନ ପୃଥ୍ୱୀ। ରାଜକୋଟର ଖେଳା ଯାଉଥିବା ଟେଷ୍ଟ ମ୍ୟାଚରେ, ଓ୍ୱେଷ୍ଟଇଣ୍ଡିଜ୍ ବିପକ୍ଷରେ ୯୯ଟି ବଲରୁ ସେଣ୍ଚୁରୀ ମାରିଛନ୍ତି ପୃଥ୍ୱୀ ସ । ପ୍ରଥମ ମ୍ୟାଚରେ ଟେଷ୍ଟରେ ଶତକ ମାରିବାରେ ୧୫ଦଶ ଭାରତୀୟ ବ୍ୟାଟସମ୍ୟାନ୍ ହେଉଛନ୍ତି ପୃଥ୍ୱୀ। ସେହିପରି ସଚିନ ତେନ୍ଦୁଲକରଙ୍କ ପରେ ପୃଥ୍ୱୀ ହେଉଛନ୍ତି ଦ୍ୱିତୀୟ ସର୍ବକନିଷ୍ଟ ବ୍ୟାଟସମ୍ୟାନ୍ ଯିଏ ଟେଷ୍ଟ ମ୍ୟାଚରେ ଶତକ ହାସଲ କରିଛନ୍ତି।

💯👏🙌

Take a bow, @PrithviShaw #INDvWI pic.twitter.com/3ttCamlAcl

— BCCI (@BCCI) October 4, 2018

ପୃଥ୍ୱୀଙ୍କ ପୂର୍ବରୁ୨୯୨ଜଣ ଭାରତୀୟ କ୍ରିକେଟର ଟେଷ୍ଟ ମ୍ୟାଚ ଖେଳିଥିଲେ। ସେମାନଙ୍କ ମଧ୍ୟରୁ ୧୪ଜଣ ମହାନ୍ ବ୍ୟାଟସମ୍ୟାନ୍ ଯିଏ ନିଜର ପ୍ରଥମ ମ୍ୟାଚରେ ଶତକ ମାରିଥିଲେ। ସେମାନେ ହେଲେ….

୧-ଲାଲା ଅମରନାଥ(୧୧୮ରନ୍) ଟିମ୍-ଇଲଣ୍ଡ-୧୯୩୪ ମସିହା, ସ୍ଥାନ-ବମ୍ବେ

୨-ଦିପକ ସୌଦାନ(୧୧୦ରନ୍) ଟିମ୍-ପାକିସ୍ତାନ-୧୯୫୩ ମସିହା,ସ୍ଥାନ-କଲିକତା

୩-କ୍ରିପାଳ ସିଂ(୧୦୦ରନ୍) ଟିମ୍-ନ୍ୟୁଜଲାଣ୍ଡ-୧୯୫୬ ମସିହା, ସ୍ଥାନ-ହାଇଦ୍ରାବାଦ

୪-ଆବାସ୍ ଅଲ୍ଲୀ ବେଗ୍(୧୧୨ରନ୍) ଟିମ୍-ଇଂଲଣ୍ଡ ୧୯୫୯ ମସିହା, ସ୍ଥାନ-ଓ୍ୱର୍ଲଡ୍ ଟ୍ରଫୋଡ

୫-ହନୁମନ୍ତ ସିଂହ(୧୦୫ରନ୍) ଟିମ୍-ଇଲଣ୍ଡ, ୧୯୬୪ ମସିହା, ସ୍ଥାନ-ଦିଲ୍ଲୀ

୬-ଗୁଣ୍ଡାପା ବିଶ୍ୱମାଥ(୧୩୭ରନ୍), ଟିମ୍-ଅଷ୍ଟ୍ରେଲିଆ ୧୯୭୦ମସିହା,ସ୍ଥାନ-କାନପୁର

୭-ସୁରିନ୍ଦର ଅମରନାଥ(୧୨୪ରନ୍) ଟିମ୍-ନ୍ୟୁଜଲାଣ୍ଡ, ୧୯୭୬ ମସିହା, ସ୍ଥାନ-ଇଡେନ୍ ପାର୍କ

୮-ମହମ୍ମଦ ଆଝାରୁଉଦ୍ଦିନ୍(୧୧୦ରନ୍) ଟିମ୍-ଇଲଣ୍ଡ,୧୯୮୫ ମସିହା, ସ୍ଥାନ-କଲିକତା

୯-ପ୍ରବୀଣ ଆମ୍ରେ(୧୦୩ ରନ୍) ଟିମ୍-ସାଉଥ୍ ଆଫ୍ରିକା, ୧୯୯୩ ମସିହା, ସ୍ଥାନ-କିଙ୍ଗସମେଡ୍

୧୦-ସୌରଭ ଗାଙ୍ଗୁଲି(୧୩୧ରନ୍) ଟିମ୍-ଇଲଣ୍ଡ, ୧୯୯୬ ମସିହା,ସ୍ଥାନ-ଲର୍ଡସ

୧୧-ବୀରେନ୍ଦ୍ର ସେହ୍ୱାଗ(୧୦୫ରନ୍) ଟିମ୍-ସାଉଥ୍ ଆପ୍ରିକା, ୨୦୦୨ ମସିହା,ବ୍ଲୋମଫଣ୍ଟିନ୍

୧୨-ସୁରେଶ ରୈନା(୧୨୦ରନ୍) ଟିମ୍-ଶ୍ରୀଲଙ୍କା, ୨୦୧୦ ମସିହା,ସ୍ଥାନ-କଲମ୍ବୋ

୧୩-ଶିଖର ଧାଓ୍ୱନ(୧୮୭ରନ୍),ଟିମ୍-ଅଷ୍ଟ୍ରେଲିଆ, ୨୦୧୩ ମସିହା, ସ୍ଥାନ-ମୋହାଲି

୧୪-ରୋହିତ ଶର୍ମା(୧୭୭ରନ୍) ଟିମ୍-ଓ୍ୱେଷ୍ଟଇଣ୍ଡିଜ୍, ୨୦୧୪ ମସିହା,ସ୍ଥାନ-କୋଲକାତାଅନ୍ତର୍ଜାତୀୟ ଟେଷ୍ଟରେ ପଦାର୍ପଣ କରିଥିବା ମୁମ୍ବାଇର ଯୁବ ତାରକା ପୃଥ୍ୱୀ ସ,ଲୋକେଶ ରାହୁଲଙ୍କ ସହ ଓପେନିଂ କରିଥିଲେ। ୧୮ବର୍ଷୀୟ ପୃଥ୍ୱୀଙ୍କ ଟ୍ରାକ ରେକର୍ଡ ଭାରି ଭଲ।୨୦୧୭ରେ ପ୍ରଥମ ଶ୍ରେଣୀ କ୍ରିକେଟରେ ଏଣ୍ଟ୍ରି ମାରିବା ପରଠୁ ଜବରଦସ୍ତ ପ୍ରଦର୍ଶନ କରି ଆସୁଛନ୍ତି । ତାମିଲନାଡୁ ବିପକ୍ଷରେ ୧୨୦ରନ୍ ଇନିଂସ ଖେଳି ସମସ୍ତଙ୍କୁ ଚମକେଇ ଦେଇଥିଲେ ପୃଥ୍ୱୀ ସ। ସେହିପରି ଇଣ୍ଡିଆ-ଏ ଟିମ୍ ପାଇଁ ଟେଷ୍ଟ ମ୍ୟାଚରେ ଓ୍ୱେଷ୍ଟଇଣ୍ଡିଜ-ଏ ବିପକ୍ଷରେ ୧୮୮ ଓ ଦକ୍ଷିଣ ଆଫ୍ରିକା-ଏ ବିପକ୍ଷରେ ୧୩୬ରନ୍ ହାସଲ କରିଥିଲେ। ରଣଜୀ ଟ୍ରଫିରେ ୮ଟି ମ୍ୟାଚ୍ ଖେଳି ୪ଟି ଶତକ  ମାରି ୭୭୮ ରନ୍ କରିଛନ୍ତି ।

ପୃଥ୍ୱୀ ସଙ୍କ ନେତୃତ୍ୱରେ ଚଳିତ ବର୍ଷ ଜାନୁୟାରୀରେ ୧୯ବର୍ଷରୁ କମ୍ ବିଶ୍ୱକପରେ ନ୍ୟୁଜିଲାଣ୍ଡକୁ ହରାଇ ଚାମ୍ପିଅନ ହୋଇଥିଲା ଟିମ୍ ଇଣ୍ଡିଆ। ଏବେ ପୃଥ୍ୱୀ ସ ଓ୍ୱେଷ୍ଟଇଣ୍ଡିଜ ବିପକ୍ଷରେ ଭଲ ଖେଳିଛନ୍ତି, ଫଳରେ ଟେଷ୍ଟ ପ୍ଲାଟଫର୍ମରେ ଟିମ୍ ଇଣ୍ଡିଆରେ ନିଜ ସ୍ଥାନ ପକ୍କା କରିପାରିବେ। ଆଗକୁ ରହିଛି ଅଷ୍ଟ୍ରେଲିଆ ଟୁର୍। ଏମିତି ବି ଟିମ୍ ଇଣ୍ଡିଆ ଟେଷ୍ଟ ସ୍କ୍ୱାଡ୍ ଏବେ ଓପନିଂ ସମସ୍ୟା ଦେଇ ଗତି କରୁଛି। ମୂରଲୀ ବିଜୟ ଫର୍ମରେ ନଥିବା ବେଳେ ଶିଖର ଧଓ୍ୱନ ଟେଷ୍ଟରେ ବାରମ୍ବାର ଝୁଣ୍ଟୁଛନ୍ତି।