ଭୁବନେଶ୍ୱର:ରାଜକୋଟରେ କୋହଲିଙ୍କ ବିରାଟ ସୋ; ଦ୍ରୁତ ଶତକ ହାସଲ କରିବାରେ ମାହିର କୋହଲି ଘରୋଇ ପରିବେଶରେ ସୁପର ସୋ ଦେଖୋଇଛନ୍ତି। ୱେଷ୍ଟଇଣ୍ଡିଜ ବିପକ୍ଷରେ ଶତକୀୟ ଇନିଂସ ଖେଳି ପୁଣି ଥରେ ବିଶ୍ୱ କ୍ରିକେଟରେ ଦବଦବା ଜାହିର କରିଛନ୍ତି। ପ୍ରଥମ ଦିନରେ ପାୱାରଫୁଲ ଇନିଂସ ଖେଳିଥିଲେ ପୃଥ୍ୱୀ ସ। ଦ୍ୱିତୀୟ ଦିନରେ ଧମାକାଦାର ପାଳି ଖେଳିଲେ କୋହଲି। ଏହାସହ ରବିନ୍ଦ୍ର ଜାଡେଡାଙ୍କ ଶତକୀୟ ଇନିଂସ ବଳରେ ଭାରତ ରାଜକୋଟ ଟେଷ୍ଟରେ ୱେଷ୍ଟଇଣ୍ଡିଜ ଆଗରେ ୬୪୯ରନର ପାହାଡ଼ ଠିଆ କରିଛି । ଏହା ହେଉଛି ବିରାଟ କୋହଲିଙ୍କ ଟେଷ୍ଟ କ୍ୟାରିଅରରେ ୨୪ ତମ ଶତକ। ଭାରତୀୟ କ୍ରିକେଟର ଭାବରେ ଅଧିକ ଶତକ ମାରିଥିବା ଚତୁର୍ଥ ଖେଳାଳି ହୋଇଛନ୍ତି ବିରାଟ କୋହଲି। ପ୍ରଥମ ସ୍ଥାନରେ ରହିଛନ୍ତି ସଚିନ ତେନ୍ଦୁଲକର (୫୧ଟି ଶତକ), ଦ୍ୱିତୀୟ ସ୍ଥାନରେ ରାହୁଲ ଦ୍ରାବିଡ୍ (୩୬ ଶତକ), ତୃତୀୟ ସ୍ଥାନ ସୁନୀଲ ଗାଭାସ୍କର (୩୪ ଶତକ) ରହିଛନ୍ତି । ତେବେ ଭାରତୀୟ ସ୍କୋରକୁ ପିଛା କରି ଦ୍ୱିତୀୟ ଦିନ ସୁଦ୍ଧା ଓ୍ୱେଷ୍ଟଇଣ୍ଡିଜ ଦଳ ୬ ଓ୍ୱିକେଟ ହରାଇ ମାତ୍ର ୯୪ରନ୍ କରିଛି।

All Hail the King 👑 @imVkohli
24th Test ton ✅
17th as captain 😎
4th century this year 🙌
2nd fastest to 24 Test ton 👌
(More coming, we aren’t done yet) #TeamIndia #INDvWI pic.twitter.com/IgCw1K5JEk

— BCCI (@BCCI) October 5, 2018

ଏହାସହ କୋହଲି ସ୍ୱଦେଶ ମାଟିରେ ୩ ହଜାର ରନ୍ ପୂରଣ କରିଛନ୍ତି। ୫୩ଟି ଇନିଂସରେ ଏହି ସଫଳତା ହାସଲ କରିଛନ୍ତି କୋହଲି। ଏହି ସଫଳତା ହାସଲ କରିବାରେ କୋହଲିଙ୍କ ସହ ସମାନ ସ୍ଥିତିରେ ଅଛନ୍ତି ଚେତେଶ୍ୱର ପୂଜାରା । ଘରୋଇ ପରିବେଶରେ ସେ ବି ୩ ହଜାର ରନ୍ ପୂରଣ କରିଛନ୍ତି । ନିଜ ନାଁରେ ଶତକ ପରେ ଶତକ ଯୋଡି ଚାଲିଛନ୍ତି ବିରାଟ କୋହଲି । ଦିନିକିଆ ହେଉ କି ଟେଷ୍ଟ, ସବୁଥିରେ ରେକର୍ଡ ପରେ ରେକର୍ଡ କରି ଚାଲିଛନ୍ତି। ସବୁଠୁ ଦ୍ରୁତ ୨୪ଟି ଟେଷ୍ଟ ଶତକ ହାସଲ କରିବାରେ ବିଶ୍ୱରେ ଦ୍ୱିତୀୟ ସ୍ଥାନରେ ଅଛନ୍ତି ବିରାଟ କୋହଲି ।ବିରାଟଙ୍କ ଉପରେ ଅଛନ୍ତି କିମ୍ବଦନ୍ତୀ ଖେଳାଳି ସାର୍ ଡନ୍ ବ୍ରାଡମ୍ୟାନ୍। ବିରାଟ କୋହଲି ୧୨୩ଟି ଇନିଂସ ଖେଳି ୨୪ତମ ଶତକ ହାସଲ କରିଛନ୍ତି । ବ୍ରାଡମ୍ୟାନ୍ ମାତ୍ର ୬୬ଟି ଇନିଂସରେ ୨୪ଟି ଶତକ ମାରିଥିଲେ । ସେହିପରି ସଚିନ ତେନ୍ଦୁଲକର ୧୨୫ଟି ଇନିଂସରେ ହାସଲ କରିଥିଲେ ୨୪ତମ ଟେଷ୍ଟ ଶତକ। ଏହି ୨୪ଟି ଶତକ ମଧ୍ୟରୁ ବିରାଟ କୋହଲି ଅଧିନାୟକ ଭାବରେ କେବଳ ୧୭ଟି ଶତକ ନିଜ ନାଁରେ କରିଛନ୍ତି । ଚଳିତବର୍ଷ ଏହା ହେଉଛି ତାଙ୍କର ଚତୁର୍ଥ ଟେଷ୍ଟ ସେଞ୍ଚୁରୀ।

ଏତିସହ ପଢ଼ନ୍ତୁ—-ୱେଷ୍ଟଇଣ୍ଡିଜ ବିପକ୍ଷ ଟେଷ୍ଟରେ ଡେବ୍ୟୁ କରିବେ ୧୮ବର୍ଷୀୟ ପୃଥ୍ୱୀ ସ