ନ୍ୟୁଜ୍ ପଲିଟିକ୍ସ/ September 24, 2018/

ପ୍ରଚାର ଆରମ୍ଭ: ଶାହଙ୍କ ଫୋକସରେ ଚାଷୀ, ନବୀନ କଣ ଆୟୁଷ୍ମାନ ଭାରତକୁ ଡ଼ରିଗଲେ?

ପୁରୀ: ଯାହା ଅନୁମାନ କରାଯାଉଥିଲା ସେଇଆ ହେଲା, ଓଡ଼ିଶା ଆସି ବିଜେଡି ସରକାରକୁ ଟାର୍ଗେଟ କରିଛନ୍ତି ଅମିତ ଶାହ। ଗତ ଶନିବାର ଝାରସୁଗୁଡାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଥିଲେ ଓଡ଼ିଶାରେ ଭ୍ରଷ୍ଟ୍ରଚାରୀ ପିସି ସରକାର ଚାଲିଛି । ଆଉ ସୋମବାର ନବୀନ ପଟ୍ଟନାୟକଙ୍କ ବିରୋଧରେ ପୁରୀରେ ସେହି ଆଟାକକୁ ଆହୁରି ଶାଣିତ କରିଛନ୍ତି ବିଜେପି ଅଧ୍ୟକ୍ଷ ଅମିତ ଶାହ। କେବଳ ସ୍ଥାନ ବଦଳିଲା, ବିଜେଡି ପ୍ରତି ବିଜେପି ଆଭିମୁଖ୍ୟ କିନ୍ତୁ ଆହୁରି ସ୍ପଷ୍ଟ ହେଲା। ଓଡ଼ିଶାରେ ଏକ ବଡ ପରିବର୍ତ୍ତନର ଆବଶ୍ୟକ ବୋଲି ପଶ୍ଚିମ ଓଡ଼ିଶାରେ ମୋଦି କହିଥିଲେ । ଅମିତ ଶାହ ପୂର୍ବ ଓଡ଼ିଶାରୁ ନବୀନ ସରକାରକୁ ଗାଦିଚ୍ୟୁତ କରିବାକୁ ଆହ୍ୱାନ ଦେଲେ । ପୁରୀର ମହିଳା ସମାବେଶ ନବୀନ ସରକାରର ମୃତ୍ୟଘଣ୍ଟି ହେବ ବୋଲି ଶାହ କହିଛନ୍ତି । ପୁରୀରେ ଅନୁଷ୍ଠିତ ଜାତୀୟ ମହିଳା କାର୍ଯ୍ୟକାରିଣୀରେ ଯୋଗ ଦେଇ ୨୦୧୯ ନିର୍ବାଚନର ମୋଦିଙ୍କ ବିଗୁଲକୁ ଅମିତ ଶାହ ବଜାଇ ଦେଇଛନ୍ତି । ଫୋକସରେ ଚାଷୀ
ମୋଦିଙ୍କ ପରି ଶାହ ମଧ୍ୟ ଚାଷୀଙ୍କୁ ଧାନର ସର୍ବନିମ୍ନ ସହାୟକ ମୂଲ୍ୟ ମିଳିବା ନେଇ ନବୀନ ସରକାରଙ୍କୁ ଚେତାବନୀ ଦେଇଛନ୍ତି । ରାଜ୍ୟ ସରକାର ଅସାଧୁ ମିଲର୍ସଙ୍କ ସହ ସରକାର ସଲାସୁତାର କରୁଛନ୍ତି । ଚାଷୀଙ୍କ ଧାନ କିଣୁ ନାହାନ୍ତି । ଯଦି କେନ୍ଦ୍ର ସରକାର ବୃଦ୍ଧି କରିଥିବା ଧାନର ସହାୟକ ମୂଲ୍ୟ ଚାଷୀଙ୍କୁ ନମିଳେ ତେବେ ନବୀନ ପଟ୍ଟନାୟକ ସରକାର ବିରୋଧରେ ବିଜେପି ରାଜରାସ୍ତାରେ ଲଢାଇ କରିବ ବୋଲି ଅମିତ ଶାହ ଚେତାବନୀ ଦେଇଛନ୍ତି ।ଆୟୁଷ୍ମାନକୁ ଡ଼ରିଗଲେ
ଗରିବ ଲୋକଙ୍କ ଚିକିତ୍ସା ପାଇଁ ଆରମ୍ଭ ହୋଇଥିବା ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା ଆୟୁଷ୍ମାନ ଭାରତକୁ ଓଡ଼ିଶା ସରକାର ଭୟରେ ଲାଗୁ କରୁନାହାଁନ୍ତି।ଗରିବ ଲୋକଙ୍କୁ ମାଗଣାରେ ୫ଲକ୍ଷ ଟଙ୍କା ପର୍ଯ୍ୟନ୍ତ ଚିକିତ୍ସା ସୁବିଧା ମିଳିବା ଯୋଜନାକୁ ଲାଗୁ ନକରି ମୁଖ୍ୟମନ୍ତ୍ରୀ ନିଜ ଚୌକିକୁ ଗୁରୁତ୍ୱ ଦେଇଛନ୍ତି। ଆୟୁଷ୍ମାନ ଭାରତ ଓଡ଼ିଶାରେ ଲାଗୁ ହେଲେ ଏଠି ମୋଦିଙ୍କ ଲୋକପ୍ରିୟତା ବଢ଼ିଯିବ। ମୋଦିଙ୍କ ଲୋକପ୍ରିୟତା ବଢ଼ିବା ଭୟରେ ନବୀନ ସରକାର ଆୟୁଷ୍ମାନ ଭାରତ ଯୋଜନା ପ୍ରତ୍ୟକ୍ଷାନ କରିଛନ୍ତି । ହେଲେ ଓଡ଼ିଶାରେ ବିଜେପି ସରକାର ଆସିଲେ ଆୟୁଷ୍ମାନ ଭାରତ ଯୋଜନା ଲାଗୁ ହେବ ବୋଲି ଶାହ କହିଛନ୍ତି।

ଆଇଏଏସ ଶାସନ ଚାଲିଛି
ଓଡ଼ିଶାରେ ବିଧାୟକ, ସାଂସଦ ତଥା ଜନପ୍ରତିନିଧିଙ୍କ କିଛି ମର୍ଯ୍ୟଦା ନାହିଁ । ଏଠାରେ ଆଇଏଏସ ଅଫିସର ଶାସନ ଚଳାଉଛନ୍ତି । କେନ୍ଦ୍ରରୁ ମୋଦି ଓଡ଼ିଶା ବିକାଶ ଲାଗି ୪ଲକ୍ଷ ୬୫ ହଜାର କୋଟି ଟଙ୍କା ଦେଇଛନ୍ତି। ହେଲେ ଗରିବ ଲୋକଙ୍କ ବିକାଶ ହେଉନାହିଁ । ଭ୍ରଷ୍ଟାଚାରୀ ଅଫିସର ସେହି ଅର୍ଥକୁ ଖାଇ ଯାଉଛନ୍ତି । ତେବେ ଭ୍ରଷ୍ଟାଚାରୀଙ୍କ କ୍ଷମା ଦିଆଯିବ ନାହିଁ ବୋଲି ଶାହ କହିଛନ୍ତି।ମହିଳାଙ୍କୁ ଦୁର୍ବ୍ୟହାରରେ ଏକ ନମ୍ବର
ଓଡ଼ିଶାରେ ମହିଳାମାନେ ଅସୁରକ୍ଷିତ । ତଥ୍ୟ କହୁଛି ମହିଳାଙ୍କୁ ସବୁଠୁ ଅଧିକ ଦୁର୍ବ୍ୟହାର ଓଡ଼ିଶାରେ ହେଉଛି । ମହିଳାଙ୍କ ବିକାଶ ନହୋଇ ଏଠାରେ ଯୌତୁକ ଜନିତ ଅପରାଧ ବଢୁଛି । ସେହିପରି ଗଣଦୁର୍ଷର୍ମରେ ଓଡ଼ିଶାର ସ୍ଥାନ ୫ଏବଂ ମହିଳାଙ୍କ ଉପରେ ଏସିଡ୍ ଆକ୍ରମଣରେ ଓଡ଼ିଶାର ସ୍ଥାନ ୬ରେ ରହିଛି ବୋଲି କହି ଶାହ ନବୀନଙ୍କୁ ଘେରିଛନ୍ତି। ଅପରପକ୍ଷରେ କେନ୍ଦ୍ର ସରକାର ଆଶା ଦେବୀଙ୍କ ସହାୟତା ରାଶି ଦୁଇ ଗଣାକୁ ବୃଦ୍ଧି କରିଛନ୍ତି।

ବିଜୁ ଆଦର୍ଶ ଉଭାନ
ସ୍ୱର୍ଗତ ବିଜୁ ପଟ୍ଟନାୟକଙ୍କ ନାଁରେ ଗଢ଼ା ହୋଇଥିବା ବିଜୁ ଜନତା ଦଳରେ ପ୍ରବାଦ ପୁରୁଷଙ୍କ ଆଦର୍ଶ ନାହିଁ । ୧୮ବର୍ଷ ହେଲାଣି ଓଡ଼ିଶାରେ ନବୀନ ପଟ୍ଟନାୟକ ଶାସନରେ ଅଛନ୍ତି। ହେଲେ ଓଡ଼ିଶାର କିଛି ବିକାଶ ହେଲାନି। ତେଣୁ ଏ ସରକାରକୁ ଉପାଡିକି ଫିଙ୍ଗି ଦେବାକୁ ଶାହ ବିଜେପିର ମହିଳା କର୍ମୀଙ୍କୁ ଆହ୍ୱାନ ଦେଇଛନ୍ତି। ବିଜେପିର ସରକାର ଆସିଲେ ୫ବର୍ଷ ମଧ୍ୟରେ ଓଡ଼ିଶାର ବିକାଶ ହେବା ସହ ନକଲି ଔଷଧ ପ୍ରସ୍ତୁତକାରୀ ଓ ମଦ ମାଫିଆଙ୍କୁ ଜେଲ ପଠାଯିବ ବୋଲି ଶାହ କହିଛନ୍ତି ।ତେବେ ମୋଦି ଏବଂ ଶାହଙ୍କ ଓଡ଼ିଶା ଗସ୍ତରୁ ସ୍ପଷ୍ଟ ହେଲା ବିଜେଡି ପ୍ରତି ବିଜେପିର ଆଭିମୁଖ୍ୟ ବଦଳିଛି । ବିମୁଦ୍ରୀକରଣ ଏବଂ ଜିଏସଟି ପ୍ରସଙ୍ଗରେ କେନ୍ଦ୍ର ସରକାରଙ୍କୁ ନବୀନଙ୍କ ସମର୍ଥନ ବିଜେଡି-ବିଜେପି ସମ୍ପର୍କ ରହିଛି ବୋଲି ଚର୍ଚ୍ଚା ହେଉଥିଲା। ଏପରିକି ରାଷ୍ଟ୍ରପତି ଏବଂ ରାଜ୍ୟସଭା ଉପାଧ୍ୟକ୍ଷ ନିର୍ବାଚନରେ ବିଜେଡି ଠୁ ସମର୍ଥନ ନେଇଥିବା ବିଜେପି, ଅମିତ ଶାହଙ୍କ ଭାଷଣରେ ସ୍ପଷ୍ଟ କରିଦେଲା ଯେ ଲଢେଇ ଏଥର ଆର ପାରର। ତେବେ ଆଗକୁ ପିଞ୍ଜିରା ଭିତର ଶୁଆ-ସିବିଆଇ ଏଥର ଜାଗ୍ରତ ହେବ କି ? ପୁଣି ଚିଠଫଣ୍ଡ ଦୁର୍ନୀତିର ତଦନ୍ତ ଗତିଶୀଳ ହୋଇ ବିଜେଡି ନେତାଏ ଜେରା ହେବେ କି ?

ବାଣୀବିହାର ଗ୍ରେଡ୍ ରିଟର୍ଣ୍ଣସ

ପ୍ରମିଳା ମଲ୍ଲିକ ବାଚସ୍ପତି,ସିଲେକ୍ସନ୍ ନା କମ୍ପଲସନ୍

ମା ସମଲେଶ୍ୱରୀଙ୍କ ନିକଟରେ ନବାନ୍ନଲାଗି

Follow Us

ବାଣୀବିହାର ଗ୍ରେଡ୍ ରିଟର୍ଣ୍ଣସ...

ପ୍ରମିଳା ମଲ୍ଲିକ ବାଚସ୍ପତି,ସିଲେକ୍ସନ୍ ନା କମ୍ପଲସନ୍...

ମା ସମଲେଶ୍ୱରୀଙ୍କ ନିକଟରେ ନବାନ୍ନଲାଗି...

କାହିଁକି ଛୁଟିରେ ରହିବେ ଦେଢ଼ଲକ୍ଷ ଶିକ୍ଷକ...

ପଲିଟିକ୍ସରେ ଏଣ୍ଟ୍ରି ମାରିବେ ନବୀନଙ୍କ ପୁତୁରା, ଅରୁଣଙ୍କ ପାଇଁ ବିଜେଡି କଲା ହ୍ୱାଟସଅପ୍ ଗ୍ରୁପ୍

ପୁରୀରେ ଜମିବ IPS ଲଢ଼େଇ ! ପୂର୍ବତନ ପୋଲିସ କମିଶନରଙ୍କ ସହ ପୂର୍ବତନ DGPଙ୍କ ହୋଇପାରେ ଟକ୍କର !

ସମବେଦନା ପାଇଁ ରୀତା-ମନ୍ଦାକିନୀଙ୍କୁ ପ୍ରାର୍ଥୀ କରିଥିଲା BJD!ଏବେ ବେଦୁ ପୁଅଙ୍କ ପାଳି

ମାହାଙ୍ଗାରୁ ଯିଏ ଜିତୁଛି, ସେହି ଦଳ ସରକାର ଗଢୁଛି : ପରବର୍ତ୍ତି ମୁଖ୍ୟମନ୍ତ୍ରୀ କିଏ; ନବୀନ, ଧର୍ମେନ୍ଦ୍ର ନା ନିରଞ୍ଜନ?

Follow Us

Most Popular Posts