ନ୍ୟୁଜ୍ ସ୍ପୋର୍ଟସ୍/ September 26, 2018/

ଦେଶର ସମ୍ମାନ ବଢ଼ାଇଲେ; କିନ୍ତୁ ଅର୍ଜୁନ ସମ୍ମାନ ପାଇଲେନି ଦୂତୀ

ଭୁବନେଶ୍ୱର: ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲିଙ୍କୁ୨୦୧୮ପାଇଁ ଦେଶର ସର୍ବୋଚ୍ଚ କ୍ରୀଡା ସମ୍ମାନ ରାଜୀବ ଗାନ୍ଧି ଖେଳରତ୍ନ ଆଓ୍ୱାର୍ଡ ପ୍ରଦାନ କରାଯାଇଛି। ସେହିପରି ଓ୍ୱାର୍ଲଡ ଚମ୍ପିଆନସିପରେ ସ୍ୱର୍ଣ୍ଣ ପଦକ ଜିତିଥିବା ମହିଳା ଓ୍ୱେଟଲିଫ୍ଟର ସାଇଖମ ମିରାବାଇ ଚାନୁଙ୍କ ମଧ୍ୟ ରାଜୀବ ଗାନ୍ଧି ଖେଳରତ୍ନ ଆଓ୍ୱାର୍ଡ ପ୍ରଦାନ ହୋଇଛି। ଉଭୟଙ୍କୁ ମଙ୍ଗଳବାର ରାଷ୍ଟ୍ରପତି ରାମନାଥ କୋବିନ୍ଦ, ମେଡାଲ, ମାନପତ୍ର ସହ ସାଢେ ୭ଲକ୍ଷ ଟଙ୍କା ଲେଖାଏଁ ପ୍ରଦାନ କରିଛନ୍ତି। ଏହାସହ ୨୦୧୮ ପାଇଁ ବିଭିନ୍ନ ଖେଳ ଲାଗି ୮ଜଣ ପ୍ରଶିକ୍ଷକ ବା ଗୁରୁଙ୍କୁ ଦ୍ରୋଣାଚାର୍ଯ୍ୟ ସମ୍ମାନ ପ୍ରଦାନ ହୋଇଛି। ୪ଜଣଙ୍କୁ ଧ୍ୟାନଚାନ୍ଦ ସମ୍ମାନ ସହ ୨୦ଜଣ ଖେଳାଳିଙ୍କୁ ଅର୍ଜୁନ ସମ୍ମାନ ପ୍ରଦାନ କରାଯାଇଛି।ଆଥଲେଟିକ୍ସ ଗୁରୁତ୍ୱ କିନ୍ତୁ..
ସର୍ବାଧିକ ଆଥଲେଟିକ୍ସ ଓ ବକ୍ସିଂ ଖେଳ ଲାଗି ୩ଟି ଲେଖାଏଁ ଅର୍ଜୁନ ସମ୍ମାନ ପ୍ରଦାନ ହୋଇଛି । ତେବେ ୧୯୬୧ ମସିହାରୁ ପ୍ରଦାନ ହୋଇ ଆସୁଥିବା ଅର୍ଜୁନ ପୁରଷ୍କାରରେ ଚଳିତ ଥର ବ୍ୟତିକ୍ରମ ଦେଖିବାକୁ ମିଳିଛି । ପ୍ରତିବର୍ଷ ହକି ଲିଜେଣ୍ଡ ଧ୍ୟାନଚାନ୍ଦଙ୍କ ଜୟନ୍ତୀ ୨୯ ଅଗଷ୍ଟରେ ଜାତୀୟ କ୍ରୀଡା ସମ୍ମାନ ପ୍ରଦାନ ହୋଇ ଆସୁଥିଲା। ହେଲେ ଏ ବର୍ଷ ସେହି ସମୟରେ ଇଣ୍ଡୋନେସିଆରେ ଏସିଆନ ଗେମ୍ସ ଚାଲୁଥିବାରୁ ଜାତୀୟ କ୍ରୀଡା ସମ୍ମାନ ପ୍ରଦାନ ଉତ୍ସବକୁ ଘୁଞ୍ଚାଇ ଦିଆ ଯାଇଥିଲା। କୁହାଗଲା ଆଓ୍ୱାର୍ଡ ପ୍ରଦାନ ବେଳେ ଜାକର୍ତ୍ତାର ଏସିଆନ ଗେମ୍ସର ପ୍ରଦର୍ଶନକୁ ବିଚାରକୁ ନିଆଯିବ। କିନ୍ତୁ ଅର୍ଜୁନ ଆଓ୍ୱାର୍ଡ ପ୍ରଦାନ ବେଳେ ଓଡ଼ିଆ ଧାବିକା ଦୂତୀ ଚାନ୍ଦଙ୍କ ଏସିଆନ ଗେମ୍ସ ପ୍ରଦର୍ଶନକୁ ବିଚାରକୁ ନିଆଗଲା ପରି ଲାଗୁନାହିଁ । ଅବଶ୍ୟ ଆଥେଲିଟକ୍ସ ଲାଗି ଅର୍ଜୁନ ସମ୍ମାନ ପାଇଥିବା ନିରଜ ଚୋପ୍ରା, ୨୦୧୮ ଏସିଆନ ଗେମ୍ସରେ ଜାଭଲିନ୍ ଥ୍ରୋ ପାଇଁ ସୂର୍ଣ ପଦକ ଜିତିଛନ୍ତି। ସେହିପରି ନାଏବ ସୁବେଦାର ଜିନସନ୍ ଜନସନ୍ ଏବଂ ହିମା ଦାସ ଏସିଆନ ଗେମ୍ସରେ ସୂର୍ଣ ପଦକ ଜିଣିଛନ୍ତି ।ଦୂତୀ କଣ ଅଯୋଗ୍ୟ ?
ଅପରପକ୍ଷରେ ଏସିଆନ ଗେମ୍ସରେ ମହିଳା ୧୦୦ ଓ ୨୦୦ମିଟର ଦୌଡରେ ଦ୍ୱିତୀୟ ସ୍ଥାନରେ ୨ଟି ରୌପ୍ୟ ପଦକ ଆଣିଛନ୍ତି। ଦୀର୍ଘ ବର୍ଷ ପରେ ମହିଳା ବର୍ଗରେ ଉଭୟ ୧୦୦ ଓ ୨୦୦ମିଟରରେ ଗୋଟିଏ ଏସିଆନ ଗେମ୍ସରୁ ଜଣେ ଭାରତୀୟ ଖେଳାଳି ପଦକ ଆଣିଛନ୍ତି ଦୂତୀ ଚାନ୍ଦ । ଏହାସହ ୨୦୧୭ରେ ଭୁବନେଶ୍ୱରରେ ଅନୁଷ୍ଠିତ ଏସିଆନ ଚମ୍ପିଆନସିପରେ ୨ଟି ପଦକ ଜିଣିଥିଲେ ଦୂତୀ। ଏସବୁ ରେର୍କଡକୁ ତର୍ଜମା କଲେ ଲାଗୁଛି ଦୂତୀ ଚାନ୍ଦ ଅର୍ଜୁନ ସମ୍ମାନ ପାଇଁ ହକଦାର । ହେଲେ ଦୂତୀଙ୍କ ସଫଳତାକୁ ଜାତୀୟ କ୍ରୀଡା ସମ୍ମାନ ପ୍ରଦାନ ଚୟନକାରୀ କମିଟି ଅଣଦେଖା କଲାପରି ମନେ ହେଉଛି ।ମହିଳା ୨୦୦ ମିଟର ଦୌଡ଼ରେ ଦୀର୍ଘ ୧୬ ବର୍ଷ ପ୍ରତୀକ୍ଷାର ଅନ୍ତ ଘଟାଇ ଥିଲେ ଦୂତୀ। ୨୦୦୨ରେ ସରସ୍ୱତୀ ଶାହ ୨୦୦ ମିଟର ମହିଳା ଦୌଡ଼ରେ ଗୋଲ୍ଡ ମେଡାଲ ଜିତିଥିଲେ । ଏହି ୨୦୦ ମିଟରରେ ଦେଶକୁ ୧୬ ବର୍ଷ ଅପେକ୍ଷା କରିବାକୁ ପଡ଼ିଲା । ଓଡ଼ିଆ ଝିଅ ଦୂତୀ ଗତ ଅଗଷ୍ଟ ୨୯ରେ ରୌପ୍ୟ ପଦକ ଜିତି ଦେଶ ପାଇଁ ଗୌରବ ଆଣିଲେ।
ସମ୍ମାନିତ ୭ ଓଡ଼ିଆ
ତେବେ ଓଡ଼ିଶାରୁ ପୂର୍ବରୁ ୭ଜଣ ଖେଳାଳି ଅର୍ଜୁନ ଆଓ୍ୱାର୍ଡ ପାଇଛନ୍ତି । ୧୯୮୧ରେ ମହିଳା ସାଇକେଲ ଚାଳକ ମୀନତି ମହାପାତ୍ର ପ୍ରଥମ ଓଡ଼ିଆ ଭାବେ ପାଇଥିଲେ ଅର୍ଜୁନ ସମ୍ମାନ। ଏହାପରେ ବିଜୟ ଶତପଥୀ, ରଚିତା ପଣ୍ଡା, ହକି ତାରକା ଦିଲ୍ଲୀପ ତୀର୍କି, ଇଗନେସ୍ ତୀର୍କି, ଜ୍ୟୋତି ସୁନୀତା କୁଲୁ, ଏବଂ କେ.ରବିକୁମାର। ହେଲେ ୭ବର୍ଷ ପରେ ଓଡ଼ିଆମାନେ ଆଶା କରୁଥିଲେ ଦୂତୀଙ୍କୁ ଏବର୍ଷ ମିଳିବ ଅର୍ଜୁନ ଆଓ୍ୱାର୍ଡ। କିନ୍ତୁ ଜାତୀୟ କ୍ରୀଡା ସମ୍ମାନ ପାଇବାକୁ ଓଡ଼ିଶାକୁ ଅପେକ୍ଷା କରିବାକୁ ପଡିବ।

ବାଣୀବିହାର ଗ୍ରେଡ୍ ରିଟର୍ଣ୍ଣସ

ପ୍ରମିଳା ମଲ୍ଲିକ ବାଚସ୍ପତି,ସିଲେକ୍ସନ୍ ନା କମ୍ପଲସନ୍

ମା ସମଲେଶ୍ୱରୀଙ୍କ ନିକଟରେ ନବାନ୍ନଲାଗି

Follow Us

ବାଣୀବିହାର ଗ୍ରେଡ୍ ରିଟର୍ଣ୍ଣସ...

ପ୍ରମିଳା ମଲ୍ଲିକ ବାଚସ୍ପତି,ସିଲେକ୍ସନ୍ ନା କମ୍ପଲସନ୍...

ମା ସମଲେଶ୍ୱରୀଙ୍କ ନିକଟରେ ନବାନ୍ନଲାଗି...

କାହିଁକି ଛୁଟିରେ ରହିବେ ଦେଢ଼ଲକ୍ଷ ଶିକ୍ଷକ...

ପଲିଟିକ୍ସରେ ଏଣ୍ଟ୍ରି ମାରିବେ ନବୀନଙ୍କ ପୁତୁରା, ଅରୁଣଙ୍କ ପାଇଁ ବିଜେଡି କଲା ହ୍ୱାଟସଅପ୍ ଗ୍ରୁପ୍

ପୁରୀରେ ଜମିବ IPS ଲଢ଼େଇ ! ପୂର୍ବତନ ପୋଲିସ କମିଶନରଙ୍କ ସହ ପୂର୍ବତନ DGPଙ୍କ ହୋଇପାରେ ଟକ୍କର !

ସମବେଦନା ପାଇଁ ରୀତା-ମନ୍ଦାକିନୀଙ୍କୁ ପ୍ରାର୍ଥୀ କରିଥିଲା BJD!ଏବେ ବେଦୁ ପୁଅଙ୍କ ପାଳି

ମାହାଙ୍ଗାରୁ ଯିଏ ଜିତୁଛି, ସେହି ଦଳ ସରକାର ଗଢୁଛି : ପରବର୍ତ୍ତି ମୁଖ୍ୟମନ୍ତ୍ରୀ କିଏ; ନବୀନ, ଧର୍ମେନ୍ଦ୍ର ନା ନିରଞ୍ଜନ?

Follow Us

Most Popular Posts