ନ୍ୟୁଜ୍/ October 23, 2018/

ସୁପ୍ରିମକୋର୍ଟଙ୍କୁ ସମ୍ମାନ ଦେଇ, ଅଭିଜିତଙ୍କୁ ସୁରକ୍ଷିତ ସ୍ଥାନ ଜେଲକୁ ପଠାଇଲେ ଓଡ଼ିଶା ପୋଲିସ

ଭୁବନେଶ୍ୱର: କୋଣାର୍କ ମନ୍ଦିର ସମ୍ପର୍କରେ ଦେଇଥିବା ଅବାନ୍ତର ଟିପ୍ପଣୀ, ଅଭିଜିତ ଆୟର ମିତ୍ରଙ୍କୁ ମହଙ୍ଗା ପଡ଼ିଲା। ତଥାକଥିତ ପ୍ରତିରକ୍ଷା ବିଶେଷଜ୍ଞ ଅଭିଜିତଙ୍କୁ ଆଜି(ମଙ୍ଗଳବାର) ଓଡ଼ିଶା ପୋଲିସ ଗିରଫ କରିଛି। ଅଭିଜିତଙ୍କୁ ଗିରଫ କରିବା ଆଗରୁ କମିଶନରେଟ୍ ପୋଲିସର ସହିଦ ନଗର ଥାନାର ଅଧିକାରୀ ଜେରା କରିଥିଲେ। ଏହାସହ ପୁରୀ ଜିଲ୍ଲାର କୋଣାର୍କ ଏବଂ ଅରଖକୁଦା ପୋଲିସ ମଧ୍ୟ ଏକ ଗୋପନ ସ୍ଥାନରେ ପଚରା ଉଚରା କରିଥିବାର ସୂଚନା ରହିଛି। ଜେରା ପରେ ଅଭିଜିତଙ୍କ କାର୍ଯ୍ୟକଳାପକୁ ଭୁଲ ଭାବେ ଗ୍ରହଣ କରି ସହିଦ ନଗର ଥାନା ପୋଲିସ ତାଙ୍କୁ ଗିରଫ କରିଛି। ପରେ ଅଭିଜିତଙ୍କୁ ଭୁବନେଶ୍ୱର ଏସଡିଜେମଙ୍କ କୋର୍ଟରେ ହାଜର କରାଯାଇଥିଲା। ଅଭିଜିତଙ୍କ ଜାମିନ ନାମଞ୍ଜୁର ହେବା ଯୋଗୁ ତାଙ୍କୁ ୧୪ଦିନ ପାଇଁ ଝାରପଡ଼ା ଜେଲକୁ ପଠାଯାଇଛି। ସେପେଟେ ଅଭିଜିତଙ୍କୁ ରିମାଣ୍ଡରେ ନେବାକୁ କୋଣାର୍କ ଥାନା ପୋଲିସ ଆବେଦନ କରିଛନ୍ତି।
ଦିଲ୍ଲୀରେ ଗିରଫ ହୋଇଥିଲେ
ତେବେ ଏହା ପୂର୍ବରୁ ଗତ ସେପ୍ଟମ୍ବର୨୦ରେ ମଧ୍ୟ ଓଡ଼ିଶା ପୋଲିସ ଅଭିଜିତଙ୍କୁ ଦିଲ୍ଲୀରେ ଗିରଫ କରିଥିଲା। ହେଲେ ମାତ୍ର କେଇ ଘଣ୍ଟାରେ ଅଭିଜିତ ଆୟରଙ୍କୁ ମିଳି ଯାଇଥିଲା ଜାମିନ। କିନ୍ତୁ ତଦନ୍ତ ପ୍ରକ୍ରିୟାରେ ଓଡ଼ିଶା ପୋଲିସକୁ ସହଯୋଗ କରିବାକୁ ନିର୍ଦ୍ଦେଶ ଦେଇଥିଲେ କୋର୍ଟ। ତେବେ ଗତ ସେପ୍ଟମ୍ବର ୧୬ରେ ସୋସିଆଲ ମିଡିଆରେ କୋଣାର୍କ ମନ୍ଦିର ବାବଦରେ ଅରୁଚିକର ଟିପ୍ପଣୀର ଏକ ଭିଡିଓ ଫୁଟେଜ ଭାଇରାଲ କରିଥିଲେ ଅଭିଜିତ। ସେହି ମାମଲାରେ ଓଡ଼ିଶା ପୋଲିସ ଅଭିଜିତଙ୍କୁ ଗିରଫ କରିଥିଲା।ବିରକ୍ତ ହୋଇଥିଲେ ସୁପ୍ରିମକୋର୍ଟ
ଅପରପକ୍ଷରେ ଜାମିନରେ ଆସିବା ପରେ ଗତ ସେପ୍ଟମ୍ବର ୨୮ରେ କୋଣାର୍କ ପୋଲିସ ନିକଟରେ ହାଜର ହୋଇନଥିଲେ ଅଭିଜିତ। ବରଂ ପୋଲିସ କାର୍ଯ୍ୟାନୁଷ୍ଠାନରୁ ବର୍ତ୍ତିବା ପାଇଁ ଗତ ଅକ୍ଟୋବର ୪ରେ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ। ତାଙ୍କ ଜୀବନ ପ୍ରତି ବିପଦ ରହିଛି ବୋଲି କୋର୍ଟଙ୍କୁ ଜଣାଇଥିଲେ ଅଭିଜିତ। ହେଲେ ପ୍ରଧାନ ବିଚାରପତି ରଞ୍ଜନ ଗୋଗଇଙ୍କୁ ନେଇ ଗଠିତ ବେଞ୍ଜ, ଗିରଫରୁ ବର୍ତ୍ତିବା ପାଇଁ ଆଗୁଆ ଜାମିନ ଆବେଦନ କରିଥିବା ଅଭିଜିତଙ୍କୁ ସୁରକ୍ଷା ପ୍ରଦାନ କରିନଥିଲେ। ବରଂ ଧର୍ମୀୟ ଭାବନାକୁ ଆଘାତ ପହଞ୍ଚାଇ ଥିବା ଅଭିଜିତଙ୍କ ପାଇଁ ଜେଲ ସୁରକ୍ଷିତ ସ୍ଥାନ ବୋଲି କହିଥିଲେ। ସୁପ୍ରିମକୋର୍ଟ ଅଭିଜିତଙ୍କୁ କହିଥିଲେ“ଯଦି ତୁମ ଜୀବନ ପ୍ରତି ବିପଦ ଅଛି ତେବେ ଜେଲ ଠାରୁ ଆଉ କେଉଁଟା ସୁରକ୍ଷିତ ସ୍ଥାନ ହେବ? ସେଠାରେ ତୁମେ ସୁରକ୍ଷିତ ରହିବ”। ଫଳରେ ବାଧ୍ୟ ହୋଇ ଅଭିଜିତ ଆୟର ଆଜି ଓଡ଼ିଶା ଆସିଥିଲେ।ଗୃକମିଟିକୁ ସତ୍ୟପାଠ ଦେବେ
ତେବେ ଗିରଫ ପୂର୍ବରୁ ଅଭିଜିତ ଆୟର ବିଧାନସଭାର ଗୃହ କମିଟି ଆଗରେ ହାଜର ହୋଇ ନିଜର ଦୋଷ ସ୍ୱୀକାର କରିଥିଲେ। ଓଡ଼ିଶାର ବିଧାୟକଙ୍କ ପ୍ରତି ଦେଇଥିବା ଅରୁଚିକର ମନ୍ତବ୍ୟକୁ ନେଇ ଗୃହ କମିଟି ଆଗରେ ଭୁଲ ସ୍ୱୀକାର କରିଥିଲେ। ବିରୋଧିଦଳ ନେତା ନରସିଂହ ମିଶ୍ରଙ୍କ ଅଧ୍ୟକ୍ଷତାରେ ଗଠିତ ୬ଜଣିଆ ଗୃହ କମିଟି ନିକଟରେ ଅଭିଜିତ ନିଜର କାର୍ଯ୍ୟ ପାଇଁ ଭୁଲ ମାଗିଥିଲେ। ଦୁଇଟି ପର୍ଯ୍ୟାୟରେ ଅଭିଜିତ ଆୟର ମିତ୍ର ଆଜି ନିଜର ପକ୍ଷ ରଖିଥିଲେ। ଯାହା କହିଲେ ଏବଂ ଯାହା କହିବାକୁ ଚାହୁଁଛନ୍ତି ସେ ସବୁକୁ ସତ୍ୟପାଠ ଜରିଆରେ ଜଣାଇବାକୁ ଅଭିଜିତଙ୍କୁ କୁହାଯାଇଛି ବୋଲି ଗୃହ କମିଟି ଅଧ୍ୟକ୍ଷ ନରସିଂହ ମିଶ୍ର ମିଡିଆକୁ ସୂଚନା ଦେଇଛନ୍ତି। ଏହାସହ ଆସନ୍ତା ନଭେମ୍ବର ୨ରେ ପୁଣି ଥରେ ହାଜର ହେବାକୁ ଗୃହ କମିଟି ଅଭିଜିତଙ୍କୁ ନିର୍ଦ୍ଦେଶ ଦେଇଛନ୍ତି।

ଏଥିସହ ପଢ଼ନ୍ତୁ– ପୂର୍ବତନ କଂଗ୍ରେସ ବିଧାୟକ ରମେଶ ଜେନା ବିଜେଡିରେ ମିଶିବେ?

ବାଣୀବିହାର ଗ୍ରେଡ୍ ରିଟର୍ଣ୍ଣସ

ପ୍ରମିଳା ମଲ୍ଲିକ ବାଚସ୍ପତି,ସିଲେକ୍ସନ୍ ନା କମ୍ପଲସନ୍

ମା ସମଲେଶ୍ୱରୀଙ୍କ ନିକଟରେ ନବାନ୍ନଲାଗି

Follow Us

ବାଣୀବିହାର ଗ୍ରେଡ୍ ରିଟର୍ଣ୍ଣସ...

ପ୍ରମିଳା ମଲ୍ଲିକ ବାଚସ୍ପତି,ସିଲେକ୍ସନ୍ ନା କମ୍ପଲସନ୍...

ମା ସମଲେଶ୍ୱରୀଙ୍କ ନିକଟରେ ନବାନ୍ନଲାଗି...

କାହିଁକି ଛୁଟିରେ ରହିବେ ଦେଢ଼ଲକ୍ଷ ଶିକ୍ଷକ...

ପଲିଟିକ୍ସରେ ଏଣ୍ଟ୍ରି ମାରିବେ ନବୀନଙ୍କ ପୁତୁରା, ଅରୁଣଙ୍କ ପାଇଁ ବିଜେଡି କଲା ହ୍ୱାଟସଅପ୍ ଗ୍ରୁପ୍

ପୁରୀରେ ଜମିବ IPS ଲଢ଼େଇ ! ପୂର୍ବତନ ପୋଲିସ କମିଶନରଙ୍କ ସହ ପୂର୍ବତନ DGPଙ୍କ ହୋଇପାରେ ଟକ୍କର !

ସମବେଦନା ପାଇଁ ରୀତା-ମନ୍ଦାକିନୀଙ୍କୁ ପ୍ରାର୍ଥୀ କରିଥିଲା BJD!ଏବେ ବେଦୁ ପୁଅଙ୍କ ପାଳି

ମାହାଙ୍ଗାରୁ ଯିଏ ଜିତୁଛି, ସେହି ଦଳ ସରକାର ଗଢୁଛି : ପରବର୍ତ୍ତି ମୁଖ୍ୟମନ୍ତ୍ରୀ କିଏ; ନବୀନ, ଧର୍ମେନ୍ଦ୍ର ନା ନିରଞ୍ଜନ?

Follow Us

Most Popular Posts