ଟିମ୍‌ ଇଣ୍ଡିଆ ଠାରୁ ଦିନିକିଆ ସିରିଜ ପରାଜୟର ବଦଲା ଟି-ଟ୍ୱେଣ୍ଟିରେ ନେଇଛି ନ୍ୟୁଜିଲାଣ୍ଡ। ଆଶା ଥିଲା ଶେଷ ଟି-ଟ୍ୱେଣ୍ଟି ଜିତି ଭାରତ ସ୍ୱଦେଶ ଫେରିବ। ବିଶ୍ୱକପ୍‌ ପୂର୍ବରୁ ବିଦେଶ ମାଟିରେ ଶେଷ ସିରିଜ ନିଜ ନାଁରେ କରିବ। କିନ୍ତୁ ବିଜୟ ଲକ୍ଷ୍ୟ ଠାରୁ ୫ରନ୍‌ ଦୂରରେ ଅଟକି ଗଲା ଭାରତର ବ୍ୟାଟିଂ ରଥ। ହାତରୁ ଖସିଗଲା ସିରିଜ, ଜିତିଗଲା କିଓ୍ଵି ବାହିନୀ। ନିର୍ଣ୍ଣାୟକ ମୁକାବିଲରେ ଟିମ୍ ଇଣ୍ଡିଆର ଦୁର୍ବଳ ବୋଲିଂ ଓ ଫିଲଡିଂକୁ ଦାୟୀ କରାଯାଉଛି।
ଦୁର୍ବଳ ବୋଲିଂହାରିବାର ପ୍ରମୁଖ କାରଣ ହେଲା ୨୦୦ପ୍ଲସ ସ୍କୋର। ଏତେ ବଡ଼ ସ୍କୋର ଚେଜ୍‌ କରିବା ଭାରି ମୁସ୍କିଲ। ଆମର ଦ୍ରୁତ ବୋଲରଙ୍କ ଢିଲା ବୋଲିଂ ଯୋଗୁ ରନ୍‌ ପାହାଡ଼ ଠିଆ କଲା ନ୍ୟୁଜିଲାଣ୍ଡ। ପୂରା ସିରିଜରେ ନ୍ୟୁଜିଲାଣ୍ଡ ୫୮୯ରନ୍‌ କରିଥିଲା। ଏଥିରୁ ହାର୍ଦ୍ଦିକ ପାଣ୍ଡ୍ୟା, କ୍ରୁନାଲ୍‌ ପାଣ୍ଡ୍ୟା ଓ ଖଲିଲ ଅହମ୍ମଦ ମିଶି ଦେଇଛନ୍ତି ୩୭୨ରନ୍‌। ଅର୍ଥାତ୍‌ ମୋଟ୍‌ ରନର ୬୩ ପ୍ରତିଶତରୁ ଅଧିକ ଏହି ତିନି ଜଣ ଦେଇଛନ୍ତି। ହାରିବା ପାଇଁ ଏଭଳି ବେପରୁଆ ବୋଲିଂ ହିଁ ଦାୟୀ। ସିରିଜରେ ୬ଜଣ ବୋଲରଙ୍କୁ ମଧ୍ୟରୁ ପାଣ୍ଡ୍ୟା ବ୍ରଦର୍ସ ଓ ଖଲିଲ ଅହମ୍ମଦ ବ୍ୟୟବହୁଳ ସାବ୍ୟସ୍ତ ହୋଇଛନ୍ତି।
ଖରାପ୍‌ ଫିଲଡିଂସିରିଜ ପରାଜୟର ଆଉ ଗୋଟିଏ କାରଣ ହେଲା ଖରାପ୍‌ ଫିଲ୍ଡିଂ। ଶେଷ ମ୍ୟାଚରେ ଦୁଇ ଦଳର ଫିଲଡିଂ ହିଁ ହାର ଜିତ୍‌ ନିର୍ଦ୍ଧାରଣ କରିଥିଲା। ଖଲିଲ ଅହମ୍ମଦଙ୍କ ବଲରେ ଓପନର ସୈଫର୍ଟଙ୍କ ଗୋଟିଏ କ୍ୟାଚ୍‌ ହାତଛଡ଼ା କରିଥିଲେ ବିଜୟ ଶଙ୍କର। ସେହିପରି ୧୩ତମ ଓଭରରେ ହାର୍ଦ୍ଦିକଙ୍କ ସର୍ଟ ବଲକୁ ଉଠେଇ ମାରିଥିଲେ କୋଲିନ୍‌ ମୁନରୋ। କିନ୍ତୁ ସହଜିଆ କ୍ୟାଚ୍‌ ଖଲିଲ ଅହମ୍ମଦଙ୍କ ହାତରୁ ଖସିଗଲା। କ୍ୟାଚ ସହ ଖରାପ ଫିଲ୍ଡିଂ ପାଇଁ ମ୍ୟାଚ୍‌ ଓ ସିରିଜ ହାତଛଡ଼ା କଲା ଇଣ୍ଡିଆ।
ରୋହିତ-ପାଣ୍ଡ୍ୟା ଓ୍ଵିକେଟ ଫିଙ୍ଗିଦେଲେ
ଓ୍ଵାଇଡ୍‌ ଲାଇନରେ ଯାଉଥିବା ବଲକୁ ଖେଳି କିପରଙ୍କ ହାତରେ ଧରା ପଡ଼ିଥିଲେ ରୋହିତ ଶର୍ମା। ସେ ଧିମା ବ୍ୟାଟିଂ କରିବାରୁ ପ୍ରେସର ବଢ଼ିଥିଲା। ୩୨ ବଲରୁ ୩୮ ରନ୍‌ କରିଥିଲା। ହିଟ୍‌ ମ୍ୟାନ୍‌ ଗୋଟିଏ ବି ଛକା ମାରି ନଥିଲେ। ସେହିପରି ହାର୍ଦ୍ଦିକ ପାଣ୍ଡ୍ୟା ବି ଆଶ୍ଚର୍ଯ୍ୟ କଲା ଭଳି ସର୍ଟ ମାରି ଆଉଟ୍ ହେଲେ। କଙ୍ଗଲିନଙ୍କ ବଲକୁ ମାରିବା ବେଳେ ବ୍ୟାଟ୍‌ ଉପରକୁ ଉଡ଼ିଗଲା। ୧୧ ବଲରେ ୨୧ରନ୍‌ କରି ବଢ଼ିଆ ଖେଳୁଥିଲେ। କିନ୍ତୁ ଖରାପ ସର୍ଟ ଖେଳିବା ଟିମକୁ ମହଙ୍ଗା ପଡ଼ିଲା।ଭରସା ଭାଙ୍ଗିଲେ ଧୋନି
ଚାପ ଥିବା ସତ୍ତ୍ୱେ ବିଶାଳ ଟାଗେର୍ଟର ପିଛା କରି ଭଲ ଖେଳ ଆରମ୍ଭ କରିଥିଲା ଟିମ୍‌ ଇଣ୍ଡିଆ। ରୋହିତ ଆଉଟ ହେବା ପରେ ଗୁରୁତ୍ୱପୂର୍ଣ୍ଣ ମୁକାବିଲାରେ ଧୋନି ବି ଫେଲ୍‌ ମାରିଲେ। ସେ ବ୍ୟାଟିଂ କରିବାକୁ ଆସିବା ବେଳେ ଦରକାର ଥିଲା ୩୬ବଲରେ ୭୨ ରନ୍‌। ମ୍ୟାଚକୁ ଶେଷ ବଲ୍‌ ପର୍ଯ୍ୟନ୍ତ ନେଉଥିବା ଧୋନି ମାତ୍ର ୪ଟି ବଲ୍‌ ସାମନା କରି ପାଭିଲନ୍‌ ଫେରିଗଲେ। ବଡ଼ ସର୍ଟ ଖେଳିବାକୁ ଯାଇ ନିଜ ଓ୍ଵିକେଟ ଟେକିଦେଲେ।
ଶେଷ ଓଭରରେ କାର୍ତ୍ତିକଙ୍କ ଭୁଲ୍‌ଦୀନେଶ କାର୍ତ୍ତିକ ଓ କ୍ରୁନାଲ୍‌ ପାଣ୍ଡ୍ୟା ଦଳକୁ ବିଜୟ ଅଭିମୁଖେ ନେଉଥିଲେ। ଶେଷ ଓଭରରେ ଜିତିବା ପାଇଁ ଦରକାର ଥିଲା ୧୬ ରନ୍‌। କାର୍ତ୍ତିକ ୧୧ବଲରେ ୨୪ ଓ କ୍ରୁନାଲ୍‌ ୧୨ ବଲରେ କରିଥିଲେ ୨୫ ରନ୍‌। ଶେଷ ଓଭରରେ ତିନି ନମ୍ବର ବଲରେ ସିଙ୍ଗଲ ନେଲେ ନାହିଁ ଦୀନେଶ। ଅଧା କ୍ରିଜରୁ ଫେରିଥିଲେ ନନ୍‌ ଷ୍ଟ୍ରାଇକରେ ଥିବା କ୍ରୁନାଲ୍‌। ଚତୁର୍ଥ ଓ ପଞ୍ଚମ ବଲରେ ସିଙ୍ଗଲ ହୋଇଥିଲା। ଶେଷ ବଲ ଓ୍ଵାଇଡ୍‌ ପଡ଼ିଥିଲା। ଜିତିବା ପାଇଁ ୧୧ ରନ୍‌ ଦରକାର ଥିବାବେଳେ ଦୀନେଶ କାର୍ତ୍ତିକ ଛକା ମାରିଥିଲେ। ୪ ରନରେ ହାରିଗଲା ଟିମ୍‌ ଇଣ୍ଡିଆ। ଚର୍ଚ୍ଚା ହେଉଛି, କାର୍ତ୍ତିକ ସିଙ୍ଗଲ ନ ନେବା ଭୁଲ ଭୋଗିଲା ଭାରତ। କମେଣ୍ଟ୍ରି ବକ୍ସରୁ ସୋସିଆଲ୍‌ ମିଡିଆ ସବୁଠି ଚର୍ଚ୍ଚା। ବିଶ୍ୱକପ୍‌ ପୂର୍ବରୁ ଏସବୁ ତ୍ରୁଟି ସୁଧାରିବାକୁ ପଡ଼ିବ।