କାହାକୁ ଡରୁଛନ୍ତି କ୍ୟାପଟେନ୍ କୋହଲି..

ଟିମ୍‌ ଇଣ୍ଡିଆର ଆଗ୍ରେସିଭ କ୍ୟାପଟେନ୍‌ ବିରାଟ କୋହଲି।ରନ୍‌ ମେସିନ୍ ବିରାଟ ଅନେକ ରେକର୍ଡର ଅଧିକାରୀ।ଓ୍ଵାନଡେରେ ୨୩୬ ମ୍ୟାଚ୍‌ ଖେଳି ୫୯ଦଶମିକ ୪୦ ଆଭରେଜରେ ୧୧ହଜାର ୨୮୬ରନ୍‌ କରିଛନ୍ତି।ବହୁ ସିରିଜରେ ଟିମ୍‌ ଇଣ୍ଡିଆକୁ ଜିତାଇଛନ୍ତି ବିରାଟ।କିନ୍ତୁ ଏମିତି ବି ରେକର୍ଡ ରହିଛି ତାଙ୍କ ନାଁରେ, ଯାହା କୋହଲି ଫ୍ୟାନଙ୍କୁ ଚକିତ ବି କରିବ।ବଡ଼ ମୁକାବିଲାରେ ଫେଲ୍‌ ମାରିଛି ବିରାଟଙ୍କ ବ୍ୟାଟ୍‌।ସହଜରେ ନିଜ ଓ୍ଵିକେଟ୍ ଟେକି ଦେଇଛନ୍ତି। ଅର୍ଥାତ ବିଗ୍‌ ଫାଇଟରେ ବିରାଟଙ୍କ ଓ୍ଵିକେଟ୍ ଖସାଇବା ଅତି ସହଜ ବୋଧେ।୪୧ଶତକ ଓ ୫୪ଅର୍ଦ୍ଧଶତକର ଅଧିକାରୀ ବିରାଟ କୋହଲି।ସଚିନଙ୍କ ରେକର୍ଡର ପାଖାପାଖି ପହଞ୍ଚିଗଲେଣି।ପ୍ରାୟ ସବୁ ଟିମ୍‌ ବିରୋଧରେ ପ୍ରଦର୍ଶନ ଭଲ।ହୋମ୍‌ ଗ୍ରାଉଣ୍ଡ କୁହନ୍ତୁ କି ବିଦେଶ ମାଟି, ସବୁଠି ବିରାଟଙ୍କ ବ୍ୟାଟିଂ କରିସ୍ମା ଦେଖିବାକୁ ମିଳିଛି।ସଚିନଙ୍କ ଭଳି ଏବେ ତାଙ୍କ ଓ୍ଵିକେଟ୍ ନେବାକୁ ସବୁ ବୋଲର ଚାହାନ୍ତି।ଯିଏ ପାଇଲେ ଲାଗେ ପ୍ରାଇଜ୍‌ ଓ୍ଵିକେଟ୍‌ ମିଳିଲା।ବିରାଟଙ୍କୁ ଜଲଦି ପାଭିଲନ୍‌ ନ ପଠାଇଲେ ବଡ଼ ସ୍କୋର ହେବା ନିଶ୍ଚିତ। ସେଞ୍ଚୁରୀ ମାରିବା ସହ ଟିମ ଇଣ୍ଡିଆକୁ ବିଜୟୀ କରିବାର ଗ୍ୟାରେଣ୍ଟି ଦିଅନ୍ତି ବିରାଟ।କିନ୍ତୁ ବିରାଟଙ୍କ ପଛରେ ଏମିତି ରେକର୍ଡ ବି ରହିଛି ଯେ, ଗୁରୁତ୍ୱପୂର୍ଣ୍ଣ ସିରିଜ କିମ୍ବା ନକ୍‌ ଆଉଟ୍‌ ମ୍ୟାଚରେ ତାଙ୍କ ବ୍ୟାଟରୁ ସ୍ୱାଭାବିକ ଖେଳ ଦେଖିବାକୁ ମିଳି ନାହିଁ।ନିଜ କ୍ୟାରିୟରରେ ବହୁ ବଡ଼ ନକ୍‌ ଆଉଟ୍‌ ମ୍ୟାଚରେ ଗୋଟିଏ ବି ଅର୍ଦ୍ଧଶତକ ମାରି ପାରିନାହାନ୍ତି କୋହଲି।
ବିରାଟଙ୍କ ନକଆଉଟ୍ ପ୍ରଦର୍ଶନରେକର୍ଡ କହୁଛି,ବାମହାତୀ ପେସରଙ୍କ ଆଗରେ ବଡ଼ ମ୍ୟାଚରେ ବେଶୀ ସମୟ କ୍ରିଜରେ ତିଷ୍ଠି ପାରିନାହାନ୍ତି ବିରାଟ।୨୦୧୫ବିଶ୍ୱକପ୍ ସେମି ଫାଇନାଲରେ କୋହଲି ଅଷ୍ଟ୍ରେଲିଆର ମିଚେଲ୍ ଜନସନଙ୍କ ବଲରେ ଆଉଟ ହୋଇଥିଲେ।୧୩ବଲରେ କରିଥିଲେ ମାତ୍ର ୧ରନ୍। ୨୦୧୭ ଚାମ୍ପିଅନ୍ସ ଟ୍ରଫି ଫାଇନାଲରେ ପାକିସ୍ତାନ ବୋଲର ମହମ୍ମଦ ଆମୀରଙ୍କ ଶିକାର ହୋଇଥିଲେ କୋହଲି।ସେତବେଳେ ୯ବଲରେ ମାତ୍ର ୫ରନ୍ କରି ପାଭିଲନ୍ ଫେରିଥିଲେ। ଏଥର ଓ୍ୱାର୍ଲଡ କପ ସେମିରେ ପୁରୁଣା ରେକର୍ଡ ଦୋହରାଇଲେ କୋହଲି।ନ୍ୟୁଜିଲାଣ୍ଡର ବାମହାତୀ ପେସର ଟ୍ରେଣ୍ଟ ବୋଲ୍ଡ ୧ ରନ୍ କରିଥିବା ବେଳେ କୋହଲିଙ୍କ ଓ୍ୱିକେଟ ଖସାଇ ଦେଇଥିଲେ।ଲାଗୁଛି,ନିର୍ଣ୍ଣାୟକ ମୁକାବିଲା ବା ନକଆଉଟରେ କୋହଲିଙ୍କ ଉପରେ ଅତିରିକ୍ତ ଚାପ ରହୁଛି।ଯେଉଁଥିପାଇଁ ସେ ସ୍ୱାଭାବିକ ଖେଳ ଦେଖାଇ ପାରୁନାହାନ୍ତି।