ସ୍ପୋର୍ଟସ୍

କୋହଲି କୁହନ୍ତୁ,’ବ୍ରାଡମ୍ୟାନଙ୍କ ଦ୍ୱିଶତକ ବିଶ୍ୱ ରେକର୍ଡ ଆଉ କେତେ ଦିନ ରହିବ’?

Virat-Kohli-and-Don-Bradman

କ୍ରିକେଟରେ ସେ ଡନ୍। ଅଷ୍ଟ୍ରେଲିଆର କିମ୍ବଦନ୍ତୀ କ୍ରିକେଟର ତଥା ପୂର୍ବତନ ଅଧିନାୟକ ସାର୍ ଡନ୍ ବ୍ରାଡମ୍ୟାନ୍। ବିଶ୍ୱର ମହାନ କ୍ରିକେଟର ବ୍ରାଡମ୍ୟାନ୍ ଜୀବନରେ ୫୨ଟି ଟେଷ୍ଟରୁ ଅବିଶ୍ୱସନୀୟ ୯୯.୯୪ ଆଭରେଜରେ ୬ହଜାର ୯୯୬ ରନ୍ କରିଥିଲେ। ଆଭରେଜ୍ ମାମଲାରେ ଏଯାଏଁ ବିଶ୍ୱର ଅନ୍ୟ କୌଣସି କ୍ରିକେଟର ବ୍ରାଡମ୍ୟାନଙ୍କ ପାଖ ଛୁଇଁ ପାରିନାହାନ୍ତି। ଟେଷ୍ଟ କ୍ୟାରିଅରରେ ୨୯ଟି ଶତକ ଓ ୧୩ ଅର୍ଦ୍ଧଶତକ ମାରିଥିଲେ। କେବଳ ସେତିକି ନୁହେଁ, ତାଙ୍କ ନାଁରେ ରହିଛି ୧୨ଟି ଦ୍ୱିଶତର ରେକର୍ଡ। ଯାହାକି ଆଜି ପର୍ଯ୍ୟନ୍ତ ବିଶ୍ୱ ରେକର୍ଡ ହୋଇ ରହିଛି। ଶ୍ରୀଲଙ୍କାର ପୂର୍ବତନ ଓ୍ୱିକେଟ କିପର୍ ବ୍ୟାଟ୍ସମ୍ୟାନ୍ କୁମାର ସାଙ୍ଗାକାର ବ୍ରାଡମ୍ୟାନଙ୍କ ରେକର୍ଡର ପାଖାପାଖି ଯାଇଥିଲେ ବି କାଟି ପାରିନାହାନ୍ତି। ବିଶ୍ୱରେ ବ୍ରାଡମ୍ୟାନଙ୍କୁ ଛାଡ଼ି ଦେଲେ କେବଳ ସାଙ୍ଗାକାରା ୧୦ରୁ ଅଧିକ ମାନେ ୧୧ଟି ଦ୍ୱିଶକ ହାସଲ କରି ପାରିଛନ୍ତି।
ବିରାଟ ଭାଙ୍ଗିବେ ବ୍ରାଡମ୍ୟାନଙ୍କ ରେକର୍ଡ!Virat-Kohliସର୍ବାଧିକ ଦ୍ୱିଶତକ ମାରିବାରେ ଟପ୍ ୧୦ ତାଲିକାରେ ଅଛନ୍ତି ଦୁଇ ଜଣ ଭାରତୀୟ। ବୀରେନ୍ଦ୍ର ସେହଓ୍ୱାଗ (୬ଟି ଦ୍ୱିଶତକ) ଓ ବିରାଟ କୋହଲି (୬ଟି ଦ୍ୱିଶତକ)। ସେହଓ୍ୱାଗ କ୍ରିକେଟରୁ ସନ୍ୟାସ ନେଇଥିବା ବେଳେ ଭାରତ ବିରାଟ କୋହଲି ହିଁ କେବଳ ଖେଳୁଛନ୍ତି। ଅନ୍ୟ ସମସ୍ତେ କ୍ରିକେଟକୁ ବାଏ ବାଏ କହି ସାରିଛନ୍ତି। ଯଦି ଭବିଷ୍ୟତରେ କେହି ବ୍ରାଡମ୍ୟାନଙ୍କ ୧୨ଟି ଦ୍ୱିଶତକ ରେକର୍ଡ ଭାଙ୍ଗି ପାରିବେ, ନିଶ୍ଚିତ ରୂପରେ ସେ ହେଉଛନ୍ତି ଟିମ୍ ଇଣ୍ଡିଆ କ୍ୟାପଟେନ୍ ତଥା ରନ୍ ମେସିନ୍ ବିରାଟ କୋହଲି। ସେ ଏପର୍ଯ୍ୟନ୍ତ ୭୭ଟି ଟେଷ୍ଟ ଖେଳି ୬ଟି ଦ୍ୱିଶତକ ହାସଲ କରିଛନ୍ତି। ବର୍ତ୍ତମାନ ଖେଳୁଥିବା ବ୍ୟାଟ୍ସମ୍ୟାନଙ୍କ ମଧ୍ୟରେ ବିରାଟ ସର୍ବାଧିକ ଦ୍ୱିଶତକର ଅଧିକାରୀ। ତାଙ୍କ ପଛକୁ ଅଛନ୍ତି ଦକ୍ଷିଣ ଆଫ୍ରିକାର ହାସିମ୍ ଆମଲା। ସେ ୪ଟି ଡବଲ୍ ସେଞ୍ଚୁରୀ ମାରିଛନ୍ତି।
୨ବର୍ଷରେ ୬ଟି ଡବଲ୍ ସେଞ୍ଚୁରୀ Virat-kohli-Battingକୋହଲି ୨୦୧୧ ମସିହାରେ ଟେଷ୍ଟରେ ଡେବ୍ୟୁ କରିଥିଲେ। ୪ବର୍ଷ ଖେଳିବା ପରେ ବି ଗୋଟିଏ ଦ୍ୱିଶତକ ହାସଲ କରି ପାରିନଥିଲେ। ୨୦୧୬ ମସିହାରେ ଟେଷ୍ଟ କ୍ୟାରିୟରର ପ୍ରଥମ ଡବଲ୍ ସେଞ୍ଚୁରୀ ମାରିଥିଲେ କୋହଲି। ସେହିବର୍ଷ ନିଜ ନାଁରେ କରାଇଥିଲେ ୩ଟି ଡବଲ୍ ସେଞ୍ଚୁରୀ।୨୦୧୭ରେ ତାଙ୍କ ବ୍ୟାଟ୍ ଗର୍ଜିଥିଲା,ପୁଣି ୩ଟି ଦ୍ୱିଶତକ ପିଟିଥିଲେ। ଦୁଇଟି କ୍ୟାଲେଣ୍ଡର ବର୍ଷରେ ୬ଟି ଦ୍ୱିଶତକ ହାସଲ କରିଛନ୍ତି ବିରାଟ। ଏମିତି ଖେଳିଲେ ଟେଷ୍ଟରେ ସାର୍ ବ୍ରାଡମ୍ୟାନଙ୍କ ଦ୍ୱିଶତକ ରେକର୍ଡକୁ ପାର କରିବାରେ ତାଙ୍କୁ ବେଶୀ ଦିନ ଲାଗିବ ନାହିଁ। ସେହିପରି ଅଧିନାୟକ ଭାବରେ ଦ୍ୱିଶତକ ମାରିବାରେ ବ୍ରାଡମ୍ୟାନଙ୍କ ରେକର୍ଡକୁ ଭାଙ୍ଗିଛନ୍ତି ବିରାଟ। ବ୍ରାଡମ୍ୟାନ୍ କ୍ୟାପଟେନ୍ ଭାବରେ ୪ଟି ଦ୍ୱିଶତକ ମାରିଥିବା ବେଳେ କୋହଲି ୫ଟି ଡବଲ୍ ସେଞ୍ଚୁରୀ ନିଜ ନାଁରେ କରିଛନ୍ତି।Bradmanଟେଷ୍ଟରେ ସର୍ବାଧିକ ଦ୍ୱିଶତକ
କ୍ରିକେଟର                      ଟେଷ୍ଟ                ରନ୍                ଦ୍ୱିଶତକ
ଡନ୍ ବ୍ରାଡମ୍ୟାନ୍                ୫୨                ୬୯୯୬           ୧୨
କୁମାର ସାଙ୍ଗାକାରା           ୧୩୪             ୧୨୪୦୦          ୧୧
ବ୍ରାଏନ ଲାରା                  ୧୩୧             ୧୧୯୫୩         ୦୯
ଓ୍ୱାଲ୍ଟର ହେମଣ୍ଡ                ୮୫                ୭୨୪୯           ୦୭
ମାହେଲା ଜୟବର୍ଦ୍ଧନେ        ୧୪୯              ୧୧୮୧୮         ୦୭
ବିରାଟ କୋହଲି               ୭୭                ୬୬୧୩           ୦୬
ମାର୍ଭନ ଅଟାପଟୁ              ୯୦                 ୫୫୦୨           ୦୬
ବୀରେନ୍ଦ୍ର ସେହ୍ୱାଗ            ୧୦୪               ୮୫୮୬           ୦୬
ଜାଭେଦ ମିଆଁମାଦ           ୧୨୪               ୮୮୩୨           ୦୬
ୟୁନିସ୍ ଖାନ୍                   ୧୧୮              ୧୦୦୯୯         ୦୬

You Might Also Like

No Comments

Leave a Reply