IPL ୨୦୨୩ ଶେଷ ହୋଇଯାଇଛି। ଗୁଜୁରାଟ ଟାଇଟନ୍ସକୁ ହରାଇ ଟ୍ରଫି ଜିତିଛି ଚେନ୍ନାଇ ସୁପର୍ କିଙ୍ଗ୍ସ। ମହେନ୍ଦ୍ର ସିଂହ ଧୋନିଙ୍କ ନେତୃତ୍ୱରେ ଚେନ୍ନାଇ ସୁପରକିଙ୍ଗସ ପଞ୍ଚମ ଥର ପାଇଁ ଆଇପିଏଲରେ ଚାମ୍ପିୟନ ହୋଇଛି। ଫାଇନାଲ ମ୍ୟାଚ୍ରେ ଡିଏଲ୍ଏସ୍ ମେଥଡରେ ଗୁଜରାଟ ଟାଇଟନ୍ସକୁ ୫ ୱିକେଟ୍ରେ ପରାସ୍ତ କରିଛି ଦଳ।
ଆଇପିଏଲରୁ ମହେନ୍ଦ୍ର ସିଂହ ଧୋନିଙ୍କ ଅବସର ନେଇ ଲାଗି ରହିଥିବା ସସପେନ୍ସ ମଧ୍ୟ ନୂଆ ମୋଡ଼ ନେଇଛି। ଗତକାଲି ଚେନ୍ନାଇ ସୁପରକିଙ୍ଗ୍ସ ପଞ୍ଚମ ଥର ପାଇଁ ଆଇପିଏଲ ଚାମ୍ପିୟନ ହେବା ଧୋନି ଅବସର ନେବେ ନାହିଁ ବୋଲି କହିଛନ୍ତି। ସେ ଆଇପିଏଲର ଆସନ୍ତା ସିଜିନ ଖେଳିବାକୁ ଇଚ୍ଛା ରଖିଛନ୍ତି ବୋଲି କହିଛନ୍ତି। ଏହା ତାଙ୍କ ପ୍ରଶଂସକମାନଙ୍କ ପାଇଁ ଏକ ଉପହାର ହେବ ବୋଲି ଧୋନି କହିଛନ୍ତି।
ଆସନ୍ତା IPL ରେ ନଜର ଆସିବେ କ୍ୟାପ୍ଟେନ କୁଲ
ଫ୍ୟାନ୍ସଙ୍କ ସମର୍ଥନକୁ ଲକ୍ଷ କରି ନିଷ୍ପତ୍ତି ବଦଳାଇଛନ୍ତି ଧୋନି। ଯଦିଓ ଏ ବର୍ଷ ସେ ଅବସର ନେବାର ଥିଲା କିନ୍ତୁ ବିଜୟର ଉତ୍ସାହ ପାଇଁ ସେ ନିଷ୍ପତ୍ତି ବଦଳାଇଛନ୍ତି। ୯ ମାସ ପୁଣି ପରିଶ୍ରମ କରି ଟିମ୍କୁ ସେ ଫେରିବେ ଓ ଅତିକମ୍ରେ ଆଇପିଏଲର ଆଉ ଏକ ସିଜିନ ଖେଳିବେ। ଏହା ସେମାନଙ୍କ ପାଇଁ ତାଙ୍କ ତରଫରୁ ଏକ ଉପହାର ହେବ।
