ବଚ୍ଚନ ଖାନଦାନର ବୋହୂ ଐଶ୍ୱର୍ଯ୍ୟା ରାୟ। ଅମିତାଭ ଓ ଜୟା ବଚ୍ଚନଙ୍କ ବୋହୂ। ଅଭିଷେକ ଓ ଐଶ୍ୱର୍ଯ୍ୟାଙ୍କର ଏକ ଝିଅ ମଧ୍ୟ ଅଛି। ଐଶ୍ୱର୍ଯ୍ୟାଙ୍କ ବିବାହକୁ ୧୨ବର୍ଷ ବିତିବାକୁ ଯାଉଛି। କିନ୍ତୁ ତାଙ୍କର ବିଗତ ଦିନର ଆଫେୟାର୍ସକୁ ନେଇ ଚର୍ଚ୍ଚା ଥମୁନି। ବିଶେଷ କରି ସଲମାନଙ୍କ ସହ ଐଶଙ୍କ ଲଭ୍ ଆଫେୟାର୍ସ ଦିନେ ମାୟାନଗରୀ ପାଣିପାଗକୁ ଉଷୁମ କରୁଥିଲା। ୧୯ବର୍ଷ ପୂର୍ବେ ଫିଲ୍ମ ହମ୍ ଦିଲ୍ ଦେ ଚୁକେ ସନମରେ ଦୁହିଁଙ୍କର କେମେଷ୍ଟ୍ରି ସମସ୍ତଙ୍କୁ ପସନ୍ଦ ଆସିଥିଲା। ଏହି ଫିଲ୍ମରେ ଏକାଠି ଅଭିନୟ କରିବା ବେଳେ ଭାଇଜାନଙ୍କୁ ଦିଲ୍ ଦେଇଥିଲେ ବଲିଉଡ ନୀଳ ନୟନା। ଆଗେଇ ଥିଲା ସଲମାନ-ଐଶଙ୍କ ଲଭ୍ ଗାଡ଼ି। ଉଭୟେ ବିବାହ କରିବେ ବୋଲି ମଧ୍ୟ ସ୍ଥିର କରିଥିଲେ। କିନ୍ତୁ ପରେ ସମ୍ପର୍କରେ ଫାଟ ସୃଷ୍ଟି ହୋଇଥିଲା। ସଲମାନଙ୍କ ବିରୋଧଧରେ ମାରପିଟ, ଗାଳି ଗୁଳଜ କରିଥିବାର ଅଭିଯୋଗ ଆଣିଥିଲେ ଐଶ୍ୱର୍ଯ୍ୟା। ସବୁଦିନ ପାଇଁ ତାଙ୍କ ଲାଇଫରୁ ଦୂରେଇ ଗଲେ। ଅଭିଯୋଗକୁ କିନ୍ତୁ ଖଣ୍ଡନ କରିଥିଲେ ସଲମାନ। ସେବେଠାରୁ ଏଯାଏଁ କୁଆଁରା ଆଓ୍ୱାରା ଭାଇଜାନ୍। 

ବର୍ଷ ବଢ଼ିବା ସହ ସଲମାନ-ଐଶଙ୍କ ପ୍ରେମ କାହାଣୀ ବି କବର ନେଉଥିଲା। ସମସ୍ତେ ଭୁଲି ଯାଇଥିଲେ। କିନ୍ତୁ ହଠାତ୍ ସଲମାନଙ୍କ ଭାଇ ସୋହେଲ ଖାନ୍ ସେମାନଙ୍କର ଆଫେୟାର୍ସକୁ ନେଇ ମୁହଁ ଖୋଲିଥିଲେ। ସୋହେଲ କହିଛନ୍ତି, ଐଶ୍ୱର୍ଯ୍ୟା ସଲମାନଙ୍କ ସହ ବୁଲୁଥିଲେ। ସବୁବେଳେ ତାଙ୍କ ଘରକୁ ବି ଆସୁଥିଲେ। ତେବେ ସଲମାନ ତାଙ୍କୁ କିଭଳି ଅସୁରକ୍ଷିତ କଲେ ବୋଲି ସୋହେଲ୍ ପ୍ରଶ୍ନ କରିଥିଲେ। ଆହୁରି ମଧ୍ୟ ଖୁଲ୍ଲାସା କରିଛନ୍ତି ଯେ, ଐଶ୍ୱର୍ଯ୍ୟା କୁଆଡ଼େ ବିବେକ ଓବରାଏଙ୍କ ସହ ସମ୍ପର୍କ ରଖି ସଲମାନଙ୍କ ସହ ଯୋଗାଯୋଗରେ ଥିଲେ। ଐଶ ହିଁ ତାଙ୍କ ଭାଇଙ୍କର ଜୀବନ ବରବାଦ କରିଛନ୍ତି ବୋଲି ସୋହେଲ୍ କହିଛନ୍ତି। ଖାସ୍ ଏଇଥିପାଇଁ ବିବେକ- ଐଶ୍ୱର୍ଯ୍ୟାଙ୍କ ମଧ୍ୟରେ ବିବାଦ ହୋଇଥିଲା। ସେହିପରି ସଲମାନ-ବିବେକଙ୍କ ମଧ୍ୟରେ ବଢ଼ିଥିଲା ଦୂରତା। ଶେଷରେ ଏମିତି ପରିସ୍ଥିତି ହେଲା ଯେ, ଐଶ୍ୱର୍ଯ୍ୟା ନା ସଲମାନଙ୍କର ହେଲେ ନା ବିବେକଙ୍କର। ତାଙ୍କ ଲାଇଫ ପାର୍ଟନର ଭାବରେ ଏଣ୍ଟ୍ରି ମାରିଲେ ଅଭିଶେଷ ବଚ୍ଚନ।୨୦୦୧ ମସିହାରେ ବ୍ରେକ୍ ଅପ୍ ପରେ ସେତେବେଳେ ଏକ ଟିଭି ସୋ ସାକ୍ଷାତକାରରେ ଐଶ୍ କହିଥିଲେ କାହିଁକି ସେ ରିଲେସନସିପକୁ ଦି ଏଣ୍ଡ କରିଥିଲେ। ତାଙ୍କ କହିବା କଥା, ସଲମାନ ତାଙ୍କୁ ମାନସିକ ଓ ଶାରିରୀକ ନିର୍ଯାତନା ଦେବା ସହ ଅଭିଶେଷ, ଶାହାରୁଖଙ୍କ ଭଳି କୋଷ୍ଟାରଙ୍କ ସହ ଆଫେୟାର୍ସ ଥିବା ସନ୍ଦେହ କରୁଥିଲେ। ନିଜ ଆତ୍ମସମ୍ମାନ ପାଇଁ ସେ ସଲମାନଙ୍କ ସହ ସମ୍ପର୍କ ଛିନ୍ନ କରିଥିଲେ। ଦୀର୍ଘ 18ବର୍ଷ ପରେ ସୋହେଲଙ୍କ ମନ୍ତବ୍ୟ ବିଗତ ଦିନରେ ସଲ୍ଲୁ ମିଆ-ଐଶଙ୍କ ରିଲେସନସିପ୍ ଚର୍ଚ୍ଚାରେ ନୂଆ ଟୁଇଷ୍ଟ ଆଣିଛି।