ଅଭିନେତ୍ରୀ ସହ ସମ୍ପର୍କକୁ ନେଇ ଚର୍ଚ୍ଚାରେ ଥାଆନ୍ତି ରଣବୀର କପୁର। ରଣବୀର ଓ କ୍ୟାଟ୍ରିନାଙ୍କ ଲଭଷ୍ଟୋରୀ ‘ଅଜବ ପ୍ରେମ କି ଗଜବ କାହାନୀ’ରେ ଆରମ୍ଭ ହୋଇଥିଲା। କିନ୍ତୁ ଏହା ଅଧିକା ଦିନ ଚାଲିନଥିଲା। ବ୍ରେକଅପ୍ ପରେ ‘ଜଗା ଜାସୁସ’ରେ ଦୁହିଁଙ୍କୁ ଏକାଠି ଦେଖିବାକୁ ମିଳିଥିଲା। ତେବେ ବଲିଉଡରେ ମୋଷ୍ଟ୍ ଗସପି ଯୋଡି ହେଉଛନ୍ତି ସଲମାନ ଓ କ୍ୟାଟ୍ରିନା। ସଲମାନ ହିଁ କ୍ୟାଟ୍ରିନାଙ୍କୁ ବଲିଉଡରେ ଏଣ୍ଟ୍ରି କରାଇଥିଲେ,ପରେ ଦୁହିଁଙ୍କ ମଧ୍ୟରେ ପ୍ରେମ ସମ୍ପର୍କ ଗଢ଼ି ଥିଲେ। ସେହି ସମ୍ପର୍କରେ ପୂର୍ଣ୍ଣଚ୍ଛେଦ ପଡିଥିଲା ରଣବୀରଙ୍କ ଏଣ୍ଟ୍ରି ପରେ। କ୍ୟାଟ୍ରିନା ରଣବୀର କପୁରଙ୍କୁ ଡେଟ୍ କଲେ ତେବେ ଏହି ସମ୍ପର୍କ ମଧ୍ୟ ବେଶିଦିନ ତିଷ୍ଠି ନଥିଲା। ଅନ୍ୟପଟେ ସଲମାନଙ୍କ ସହ ବ୍ରେକଅପ୍ ପରେ ମଧ୍ୟ ସଲମାନ-କ୍ୟାଟ୍ରିନାଙ୍କ ଫ୍ରେଣ୍ଡସିପ୍ ବଜାୟ ରହିଥିଲା। ସେଥିପାଇଁ ‘ଟାଇଗର ଜିନ୍ଦା ହେ’ରେ ଉଭୟଙ୍କୁ ଏକାଠି ଦେଖିବାକୁ ମିଳିଥିଲା। ସେହି ଫିଲ୍ମ ୫ଶହ କୋଟିରୁ ଅଧିକ ଆୟ କରିଥିଲା। ଆସନ୍ତା ଅଗଷ୍ଟରେ ସଲମାନ-କ୍ୟାଟ୍ରିନାଙ୍କୁ ‘ଭାରତ’ ଫିଲ୍ମରେ ମଧ୍ୟ ଦେଖିବାକୁ ମିଳିବ।
ଗତବର୍ଷ ଦୀପିକା-ରଣବୀର ସିଂଙ୍କ ବିବାହ ସରିଛି। କିନ୍ତୁ ଦିନେ ଏପରି ସମୟ ଥିଲା ଯେ ବଲିଉଡରେ ଦୀପିକାଙ୍କ ଦିଲ୍ ରଣବୀର କପୁରଙ୍କ ପାଇଁ ଧଡକୁ ଥିଲା। କିନ୍ତୁ ଏହା ବେଶି ଦିନ ତିଷ୍ଠି ନଥିଲା। ବ୍ରେକଅପ ପରେ କିନ୍ତୁ ୨୦୧୩ରେ ଏହି ଯୋଡି ‘ୟେ ଜୱାନୀ ହେ ଦିୱାନୀ’ରେ ଏକାଠି ଅଭିନୟ କରିଥିଲେ ଏବଂ ହିଟ୍ ସାବ୍ୟସ୍ତ ହୋଇଥିଲା। ଏହାପରେ ଫିଲ୍ମ ‘ତମାଶା’ରେ ମଧ୍ୟ ଉଭୟଙ୍କୁ ଏକାଠି ଦେଖିବାକୁ ମିଳିଥିଲା।
ସେହିପରି ରଣବୀର ସିଂ ଓ ଅନୁଷ୍କା ଶର୍ମା ବ୍ୟାଣ୍ଡ ବାଜା ବାରାତରେ ଏକାଠି କାମ କରିଥିଲେ। ସେହି ସମୟରେ ଉଭୟଙ୍କ ମଧ୍ୟରେ ଆଫେୟାର୍ସ ଥିବା ଚର୍ଚ୍ଚା ହେଉଥିଲା। କିନ୍ତୁ ଏହା ବେଶି ଦିନ ଚାଲି ନଥିଲା, ବ୍ରେକଅପ୍ ପରେ ୨୦୧୫ରେ ଏହି ଯୋଡିଙ୍କୁ ପୁଣି ଥରେ ଫିଲ୍ମ ‘ଦିଲ ଧଡକନେ ଦୋ’ରେ ଦେଖିବାକୁ ମିଳିଥିଲା। ଏହି ଫିଲ୍ମକୁ ମଧ୍ୟ ଦର୍ଶକ କାଫି ପସନ୍ଦ କରିଥିଲେ।
ଶାହିଦ କପୁର ଓ କରୀନାଙ୍କ ପ୍ରେମ କାହାଣୀ କାହାକୁ ଅଛପା। ସାରା ଦୁନିଆ ସେମାନଙ୍କର ପ୍ରେମ କାହାଣୀ ଜାଣେ। ଗୋଟିଏ ମଞ୍ଚରେ ଦୁହେଁ ନିଜ ପ୍ରେମକୁ ସ୍ୱୀକାର କରିଥିଲେ। ତେବେ ମଝିରେ ଶାହିଦଙ୍କ ନାମ ସହିତ ପ୍ରିୟଙ୍କାଙ୍କ ନାଁ ଯୋଡା ଯାଇଥିଲା। ଏହି କାରଣରୁ ଉଭୟଙ୍କର ବ୍ରେକଅପ୍ ହୋଇଥିଲା। ତେବେ ବ୍ରେକଅପ ପରେ ଉଡତା ପଞ୍ଜାବରେ ଉଭୟେ ଏକାଠି କାମ କରିଥିଲେ ଯାହାକି ସୁପରହିଟ୍ ହୋଇଥିଲା। ବକ୍ସ ଅଫିସରେ ଏହା ବେଶ୍ ସଫଳତା ସାଉଁଟି ଥିଲା।
No Comments