ଅକଲାଣ୍ଡରେ ଦ୍ୱିତୀୟ ଟି-୨୦ ମ୍ୟାଚ୍ ନିଜ ନାଁରେ କରିଛି ଟିମ୍ ଇଣ୍ଡିଆ। ୭ ଓ୍ୱିକେଟରେ ବିଜୟୀ ହୋଇଛି ମେନ୍ ଇନ୍ ବ୍ଲୁ। ପ୍ରଥମ ମ୍ୟାଚରେ ଶୋଚନୀୟ ପରାଜୟ ପରେ ସମସ୍ତ ଚାହୁଁଥିଲେ ଭାରତ କମବ୍ୟାକ୍ କରୁ। ଟସ୍ ଜିତି କିଓ୍ୱି ବାହିନୀ ପ୍ରଥମେ ବ୍ୟାଟିଂ କରିଥିବାରୁ ଲାଗୁଥିଲା ପୁଣି ଥରେ ଧମାକାଦାର ଇନିଂସ ଖେଳିବ। କିନ୍ତୁ ଭାରତ ଆଗରେ ଟାର୍ଗେଟ ଦେଇଥିଲା ୧୫୯ରନ୍। ପ୍ରେସର ନଥିଲା। ହାତରେ ୭ଟି ଓ୍ୱିକେଟ ଥାଇ ମ୍ୟାଚ ହାତମୁଠାକୁ ଆଣିଥିଲା ଟିମ୍ ଇଣ୍ଡିଆ।କ୍ରୁନାଲ୍ ପାଣ୍ଡ୍ୟାଙ୍କ ସ୍ପେଲ୍ପ୍ରଥମେ ବ୍ୟାଟିଂ କରିଥିବାରୁ ନ୍ୟୁଜିଲାଣ୍ଡର ଟପ୍ ଅଡରକୁ କିଭଳି ଶୀଘ୍ର ପାଭିଲନ୍ ପଠା ଯିବ, ରଣନୀତି ସହ ଫିଲଡକୁ ଓହ୍ଲାଇଥିଲା ଭାରତ। ଏହି ଦାୟିତ୍ୱ ନିଜ କାନ୍ଧରେ ଉଠାଇ ଥିଲେ ପାଣ୍ଡ୍ୟା ବ୍ରଦର୍ସଙ୍କ ବିଗ୍ ବ୍ରୋ କ୍ରୁନାଲ୍ ପାଣ୍ଡ୍ୟା। ଗତ ମ୍ୟାଚରେ କ୍ରୁନାଲଙ୍କୁ ନିର୍ଧୁମ ପ୍ରହାର ହୋଇଥିଲା। ପ୍ରତିଶୋଧ ଭାବରେ ପ୍ରଥମ ଓଭରରେ ମୁନରୋ ଓ ମିଚେଲଙ୍କ ଓ୍ୱିକେଟ ଖସାଇଥିଲେ କ୍ରୁନାଲ୍। ପରେ ନ୍ୟୁଜିଲାଣ୍ଡ ଅଧିନାୟକ ଓ୍ୱିଲିୟମସନଙ୍କୁ ବି ପାଭିଲନ୍ ଫେରାଇ ଦେଇଥିଲେ। କ୍ରୁନାଲ୍ ୪ ଓଭରରେ ୨୮ରନ୍ ଦେଇ ହାତେଇ ଥିଲେ ୩ଟି ଓ୍ୱିକେଟ ନେଇ ମ୍ୟାନ୍ ଅଫ୍ ଦି ମ୍ୟାଚ ହୋଇଛନ୍ତି। ସେହିପରି ଗତମ୍ୟାଚର ଓପନର ହିରୋ ଟିମ୍ ସିଫର୍ଟଙ୍କୁ ଆଉଟ୍ କରିଥିଲେ ଭୁବନେଶ୍ୱର କୁମାର
ବଢ଼ିଆ ଓପେନିଂ ପାର୍ଟନରସିପ୍ନ୍ୟୁଜିଲାଣ୍ଡ ବିପକ୍ଷରେ ଦୁଇ ଓପନରଙ୍କ ବ୍ୟାଟ୍ ଚାଲିଥିଲା। ଶିଖର ଧଓ୍ୱନ ଓ ରୋହିତ ଶର୍ମା ୭୯ ରନର ପାର୍ଟନରସିପ୍ କରିଥିଲେ। ବୋଧେ ରୋହିତ ଆର ୟା ପାର୍ ଫଣ୍ଡାରେ ଥିଲେ। ପ୍ରଥମ ଓଭରରେ ଚୌକା ଓ ୨୮ବଲରେ ପଚାଶ ରନ୍ ପିଟି ଦେଲେ। ୪ଟି ଛକା ମାରି ରେକର୍ଡ କରିଛନ୍ତି ରୋହିତ। ଟି-ଟ୍ୱେଣ୍ଟିରେ ଗପଟିଲଙ୍କୁ ପଛରେ ପକାଇ ସର୍ବାଧିକ ୨୨୩୮ ରନ୍ କରିଛନ୍ତି। ସର୍ବାଧିକ ଛକା ମାରିବାରେ ଚତୁର୍ଥ ସ୍ଥାନରେ ରୋହିତ। ରୋହିତଙ୍କୁ ସାଥ ଦେଇଥିଲେ ଶିଖର ଧଓ୍ୱନ। ସେ ୩୦ରନ୍ କରିଥିଲେ।
ରୁଷଭ-ଧୋନି ଜିତେଇ ଦେଲେଦଳୀୟ ସ୍କୋର ୮୮ ରନ ବେଳେ ଓପେନିଂ ଯୋଡି ଆଉଟ ହୋଇ ସାରି ଥାଆନ୍ତି। ଭାରତର ରେକର୍ଡ କହୁଛି ଜଣେ ଆଉଟ ହେଲେ ତା ପଛକୁ ପଛ ଓ୍ୱିକେଟ ଖସେ। ଏହି ମ୍ୟାଚରେ କିନ୍ତୁ ସେମିତି ହୋଇ ନଥିଲା। ଦାୟିତ୍ୱ ସମ୍ଭାଳି ଥିଲେ ରୁଷଭ ପନ୍ଥ। ୨୮ ବଲରେ ୪୦ ରନ୍ କରିଥିଲେ। ତାଙ୍କୁ କ୍ରିଜରେ ସାଥ ଦେଇଥିଲେ ମାହି। ଧୋନି ୧୭ ବଲରେ ୨୦ ରନ୍ କରିଥିଲେ। ଏହି ଯୋଡ଼ି ଶେଷ ପର୍ଯ୍ୟନ୍ତ ନ୍ୟୁଜିଲାଣ୍ଡ ବୋଲରଙ୍କୁ କୌଣସି ମୌକା ଦେଲେ ନାହିଁ।
ଗ୍ରାଣ୍ଡହୋମଙ୍କ ଓ୍ୱିକେଟ
ମ୍ୟାଚ୍ ଜିତିବାରେ ସବୁଠୁ ଗୁରୁତ୍ୱପୂର୍ଣ୍ଣ ପଏଣ୍ଟ ହେଉଛି ଗ୍ରାଣ୍ଡହୋମଙ୍କ ଓ୍ୱିକେଟ। ଯେତେବେଳେ ଘରୋଇ ଦଳ ୪ଓ୍ୱିକେଟରେ ୫୦ ରନ୍ କରିଥିଲା ସେତେବେଳେ ମୈଦାନକୁ ଓହ୍ଲାଇଥିଲେ ସେ। ପିଟିବା ଆରମ୍ଭ କରି ଦେଇଥିଲେ। ଗତ ମ୍ୟାଚରେ ସିଫର୍ଟ ଯାହା କରିଥିଲେ ସେମିତି ପ୍ରହାର କଲେ। କ୍ରୁନାଲ୍ ଓ ଚହଲଙ୍କ ୪ଟି ବଲକୁ ବାଉଣ୍ଡ୍ରି ଲାଇନ୍ ପାର କରି ଦେଇଥିଲେ। ୧୬ତମ ଓଭରରେ ହାର୍ଦ୍ଦିକ ପାଣ୍ଡ୍ୟାଙ୍କ ବଲରେ ଆଉଟ୍ ହୋଇଥିଲେ ଗ୍ରାଣ୍ଡହୋମ୍। ନହେଲେ ପୁଣି ୨ଶହ ରନ୍ କରି ଦେଇ ଥାଆନ୍ତା ନ୍ୟୁଜିଲାଣ୍ଡ। ମ୍ୟାଚ ପରେ ଅଧିନାୟକ ରୋହିତ ଶର୍ମା କହିଥିଲେ,ଦଳରେ କ୍ୱାଲିଟି ପ୍ଲେୟାର୍ସ ଅଛନ୍ତି। ପୂର୍ବ ପ୍ଲାନ୍ ଅନୁସାରେ ଖେଳି ସଫଳତା ମିଳିଛି। ଆଗକୁ ବି ବଜାୟ ରଖିବାକୁ ହେବ। ବୋଲିଂ, ଫିଲଡିଂ ଓ ବ୍ୟାଟିଂରେ ଜବରଦସ୍ତ ପ୍ରଦର୍ଶନ କରିଛି ଟିମ୍ ଇଣ୍ଡିଆ। ଆଗାମୀ ମ୍ୟାଚରେ ଏମିତି ଖେଳିଲେ ସିରିଜ ଆମର ହେବ ହିଁ ହେବ।