ଇଣ୍ଡିଆନ ଏୟାର ଫୋର୍ସର ଓ୍ୱିଙ୍ଗ୍ କମାଣ୍ଡର ଅଭିନନ୍ଦନ ବର୍ଦ୍ଧମାନ ଭାରତରେ ପହଞ୍ଚିଲେ। ଗତ ବୁଧବାର ଠାରୁ ପାକିସ୍ତାନ ସେନା କବଜାରେ ଥିବା ଅଭିନନ୍ଦନଙ୍କୁ ଦେଶବାଶୀ ସ୍ୱାଗତ କରିଛନ୍ତି।ଓ୍ୱାଘା ସୀମା ଅତିକ୍ରମ କରି ଅପରାହ୍ନ ୯ଟା ୧୫ମିନିଟରେ ଅଭିନନ୍ଦନ ପହଞ୍ଚିବା ମାତ୍ରେ ଭାରତବାସୀ ଅଭିନନ୍ଦନଙ୍କୁ କରିଥିଲେ ଅଭିନନ୍ଦନ।ଗତ ବୁଧବାର ସକାଳେ ଭାରତୀୟ ସେନା ଶିବିର ଉପରେ ପାକିସ୍ତାନ F-16 ବିମାନରେ ଆକ୍ରମଣ କରିବା ଆଗରୁ ମିଳିଥିଲା ଜବାବ। ମିଗ୍-21 ଫାଇଟର ପ୍ଲେନ ଧରି ପାକିସ୍ତାନକୁ ଜବାବ ଦେଇଥିଲେ ଅଭିନନ୍ଦନ।ପାକିସ୍ତାନର F-16 ବିମାନକୁ ଧ୍ୱଂସ କରିବା ପରେ ମିଗ୍-21ବିମାନ କ୍ରାସ କରିଥିଲା।ଫଳରେ ପାରାଚୁଟରେ ଓଲ୍ଲାଇ ଥିବା ଓ୍ୱିଙ୍ଗ କମାଣ୍ଡର ଅଭିନନ୍ଦନ,ପାକିସ୍ତାନ ଅଧିକୃତ କାଶ୍ମୀରରେ ପହଞ୍ଚି ଥିଲେ। ସେବେଠୁ ପାକିସ୍ତାନରେ ଅଟକ ରହିଥିଲେ ଅଭିନନ୍ଦନ। କୂଟନୈତିକ ସ୍ତରୀୟ ଚାପ ପଡ଼ିବା ଯୋଗୁ ବାଧ୍ୟ ହୋଇ ପାକିସ୍ତାନ ଅଭିନନ୍ଦନଙ୍କୁ ଛାଡିଲା।
ତେବେ ଦେଶ ସୁରକ୍ଷା ଲାଗି ସମର୍ପିତ ଅଭିନନ୍ଦନଙ୍କ ପରିବାର ପୁଅର ଯୁଦ୍ଧ ବନ୍ଦୀ ସମୟର ସ୍ଥିତିକୁ ଭଲ ଭାବରେ ଅନୁଭବ କରି ପାରିଥିଲେ।କାରଣ ଅନୁଭବଙ୍କ ବାପା ସୀମକୁଟ୍ଟି ବର୍ଦ୍ଧମାନ ଜଣେ ଏୟାରଫୋର୍ସ ପୂର୍ବତନ ଏୟାର ମାର୍ଶଲ। ସେ ପ୍ରାୟ ୪୦ପ୍ରକାର ବିମାନ ଉଡାଇ ଥିଲେ।୪ହଜାର ଘଣ୍ଟାରୁ ଅଧିକ ଉଡାଣର ଅନୁଭବ ରହିଛି ଅଭିନନ୍ଦନଙ୍କ ବାପାଙ୍କର। ବେଙ୍ଗାଲୁର ଏଲିଟ ଏୟାରକ୍ରାଫ୍ଟ ସିଷ୍ଟମ ଏବଂ ଟେଷ୍ଟିଂ ଇଷ୍ଟାବେଲିସମେଣ୍ଟର ଚିଫ୍ ଟେଷ୍ଟ ପାଇଲଟ ଭାବେ ଦାୟିତ୍ୱ ନିର୍ବାହ କରିଛନ୍ତି। ତେଣୁ ଜଣେ ଓ୍ୱିଙ୍ଗ କମାଣ୍ଡର ଶତ୍ରୁ ଦେଶ ହାତରେ ଧରା ପଡିଲେ ତାହା ସହ କିପରି ବ୍ୟବହାର କରାଯାଏ ଏବଂ କିପରି ସେ ମୁକ୍ତି ପାଇବ ସେ ସବୁ ଜାଣନ୍ତି ସୀମକୁଟ୍ଟି।
‘କାତୁର ବେଲିୟିଦାଇ
ସବୁଠୁ ଗୁରୁତ୍ୱପୂର୍ଣ୍ଣ କଥା ହେଲା ଅଭିନନ୍ଦନ ଯେଉଁ ପରିସ୍ଥିତିରେ ପାକିସ୍ତାନରେ ଫସିଥିଲେ,ସେଭଳି ବିଷୟକୁ ନେଇ ନିର୍ମାଣ ହୋଇଥିବା ଫିଲ୍ମରେ ସୀମକୁଟ୍ଟି ବର୍ଦ୍ଧମାନ ଗାଇଡ୍ କରିଥିଲେ।ଦିଗଜ ନିର୍ଦ୍ଦେଶକ ମଣିରତ୍ନମଙ୍କ ଫିଲ୍ମ‘କାତୁର ବେଲିୟିଦାଇ’୭ଏପ୍ରିଲ ୨୦୧୭ରେ ରିଲିଜ୍ ହୋଇଥିଲା।ଫିଲ୍ମରେ ୧୯୯୯କାରଗିଲ ଯୁଦ୍ଧ ସମୟରେ ଏୟାର ଫୋର୍ସର ପାଇଲଟ ବରୁଣ ଚକ୍ରପାଣି ପାକିସ୍ତାନ ଭିତରକୁ ପଶି ଯାଉଛନ୍ତି।ସେଠାରେ ତାଙ୍କର ବିମାନ ଧ୍ୱସ୍ତ ହୋଇଯାଉଛି। ବରୁଣଙ୍କୁ ରାୱଲପିଣ୍ଡରେ ପାକିସ୍ତାନ ଜେଲରେ ରଖା ଯାଉଛି। ଯୁଦ୍ଧବନ୍ଦୀ ହୋଇ ମଧ୍ୟ ତାଙ୍କୁ ନିର୍ଯାତନା ଦିଆଯାଉଛି। ଏହି ସମୟରେ ବରୁଣ ନିଜ ପରିବାର ଲୋକଙ୍କୁ ମନେ ପକାଉଛନ୍ତି।
ଖାସ୍ କଥା ହେଲା କାତୁର ବେଲିୟିଦାଇ ଫିଲ୍ମରେ ମଣିରତ୍ନମଙ୍କ ପରାମର୍ଶଦାତା ଥିଲେ ଅଭିନନ୍ଦନଙ୍କ ବାପା।ସେହି ତାମିଲ ଫିଲ୍ମର ସଂଗୀତ ନିର୍ଦ୍ଦେଶକ ଏବଂ ଫିମେଲ୍ ସିଙ୍ଗରଙ୍କୁ ଜାତୀୟ ଚଳଚ୍ଚିତ୍ର ସମ୍ମାନ ମିଳିଛି। ଫିଲ୍ମର ହିରୋ କାର୍ତ୍ତି,ଅଭିନନ୍ଦନଙ୍କ ପାଇଁ ଟ୍ୱିଟର ଜରିଆରେ ବାର୍ତ୍ତା ଦେଇଛନ୍ତି।
No Comments