ପଲିଟିକ୍ସ

ବିଜୁଙ୍କ ନାତି ଗାୟତ୍ରୀ ମନ୍ତ୍ର ଜପୁ ନଥିଲେ,ବନ୍ଦ ହୋଇଥାନ୍ତା ସରସ୍ୱତୀ ଶିଶୁ ବିଦ୍ୟା ମନ୍ଦିର!

SSVM

ଭୁବନେଶ୍ୱର:ଗୁଣାତ୍ମକ ଶିକ୍ଷା ପ୍ରଦାନରେ ସରସ୍ୱତୀ ଶିଶୁ ବିଦ୍ୟା ମନ୍ଦିର ସବୁଠୁ ଆଗରେ।ପ୍ରତିବର୍ଷ ମାଟ୍ରିକ ପରୀକ୍ଷାରେ ଏହି ସ୍କୁଲର ଛାତ୍ରଛାତ୍ରୀ ପ୍ରଥମ ଦଶ ଜଣଙ୍କ ମଧ୍ୟରେ ରହୁଛନ୍ତି। ସେଥିପାଇଁ ସରସ୍ୱତୀ ଶିଶୁ ବିଦ୍ୟା ମନ୍ଦିରରେ ପଢ଼ାଇବା ଲାଗି ଅନେକ ଅବିଭାବକ ଇଚ୍ଛୁକ। ଉଚ୍ଚକୁଟୀର ଶିକ୍ଷା ପଦ୍ଧତି ଏବଂ ଭାରତୀୟ ସଂସ୍କୃତିର ମୁଲ୍ୟବୋଧ ବାବଦରେ ଶିକ୍ଷା ପ୍ରଦାନ ଲାଗି ସରସ୍ୱତୀ ଶିଶୁ ବିଦ୍ୟା ମନ୍ଦିରର ବିଶେଷ୍ୱତ ରହିଛି।ଆଜି ଓଡ଼ିଶାରେ ହଜାରେ ସଂଖ୍ୟାକୁ ଛୁଇଁବାକୁ ବସିଥିବା ସରସ୍ୱତୀ ଶିଶୁ ବିଦ୍ୟା ମନ୍ଦିର,୧୯୭୭ର ଗଣେଶ ଚତୁର୍ଥୀରେ ଭୁବନେଶ୍ୱର ୟୁନିଟ୍-୩ର ଏକ ସରକାରୀ କ୍ୱାଟର୍ସରୁ ଆରମ୍ଭ ହୋଇଥିଲା। ତେବେ ନୀଳମଣି ରାଉତରାୟଙ୍କ ଜନତା ପାର୍ଟିର ସରକାର ସମୟରେ ଆରମ୍ଭ ହୋଇଥିବା ସରସ୍ୱତୀ ଶିଶୁ ବିଦ୍ୟା ମନ୍ଦିର,୧୯୯୦ର ବିଜୁ ପଟ୍ଟନାୟକଙ୍କ ଜନତା ଦଳ ସରକାର ବେଳେ ବନ୍ଦ ହେବାକୁ ବସିଥିଲା।BHAGABAT BEHERA(ଭାଗବତ ବେହେରା)
ଭାଗବତଙ୍କ ଚକ୍ରାନ୍ତ
୧୯୯୦-୯୫ରେ ଓଡ଼ିଶାରେ ଥିଲା ବିଜୁ ପଟ୍ଟନାୟକଙ୍କ ନେତୃତାଧିନ ଜନତା ଦଳ ସରକାର। ସେ ସମୟରେ ଆରଏସଏସ(ରାଷ୍ଟ୍ରୀୟ ସ୍ୱୟଂସେବକ ସଂଘ) ବିରୋଧରେ କେନ୍ଦ୍ର ସରକାର କାର୍ଯ୍ୟାନୁଷ୍ଠାନ ଗ୍ରହଣ କରୁଥିଲେ। ତାର ପ୍ରଭାବ ଓଡ଼ିଶାରେ ମଧ୍ୟ ଦେଖିବାକୁ ମିଳିଥିଲା। ଆରଏସଏସ ଦ୍ୱାରା ପରିଚାଳିତ ସରସ୍ୱତୀ ଶିଶୁ ବିଦ୍ୟା ମନ୍ଦିର ପରି ଶିକ୍ଷାନୁଷ୍ଠାନକୁ ବନ୍ଦ କରିଦେବା ଲାଗି ପ୍ରୟାସ ଚାଲିଲା। ସେହି ସ୍କଲ ଗୁଡିକରେ ସାମ୍ପ୍ରଦାୟିକତା ସୃଷ୍ଟି କରିବା ପାଇଁ ଶିକ୍ଷା ଦିଆଯାଉଛି ଏବଂ ସେଠାରେ ବିଭିନ୍ନ ପ୍ରକାର ଅସ୍ତ୍ରଶସ୍ତ୍ର ରଖାଯାଇଛି ବୋଲି ତତ୍କାଳୀନ ସଡ଼କ ଓ ପରିବହନ ମନ୍ତ୍ରୀ ଭାଗବତ ବେହେରା ଅଭିଯୋଗ ଆଣିଲେ ବୋଲି ବିଶ୍ୱଭୂଷଣ ହରିଚନ୍ଦନ ତାଙ୍କ ଆତ୍ମଜୀବନୀ ସଂଗ୍ରାମ ସରିନାହିଁ ବହିରେ ଲେଖିଛନ୍ତି।SANGRAM-SARINAHIତେବେ ଭାଗବତ ବେହେରାଙ୍କ ଚକ୍ରାନ୍ତ ବାବଦରେ ତତ୍କାଳୀନ ଓଡ଼ିଶା ବିଜେପି ପ୍ରଭାରୀ କୈଳାସପତି ମିଶ୍ର,ବିଶ୍ୱଭୂଷଣ ବାବୁଙ୍କୁ ଆଗୁଆ ଅବଗତ କରାଇଥିଲେ।ଫଳରେ ସଂସ୍କୃତି ସୁରକ୍ଷା ଓ ମାତୃଭୂମି ପାଇଁ ତ୍ୟାଗ କରିବା ଲାଗି ସରସ୍ୱତୀ ଶିଶୁ ବିଦ୍ୟା ମନ୍ଦିର କିପରି ଶିକ୍ଷାଦାନ କରୁଛି ସେ ସବୁ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କୁ ବୁଝାଇଥିଲେ ବିଶ୍ୱଭୂଷଣ ହରିଚନ୍ଦନ। ସରସ୍ୱତୀ ଶିଶୁ ବିଦ୍ୟା ମନ୍ଦିର ଭଳି ଉଚ୍ଚକୁଟ୍ଟୀର ଶିକ୍ଷାନୁଷ୍ଠାନ ଗୁଡିକୁ ବନ୍ଦ ନକରିବାକୁ ତତ୍କାଳୀନ ମନ୍ତ୍ରୀ ନଳୀନକାନ୍ତ ମହାନ୍ତି ମଧ୍ୟ ବିଜୁ ପଟ୍ଟନାୟକଙ୍କୁ ପ୍ରବର୍ତ୍ତାଇ ଥିଲେ।
ବିଜୁଙ୍କ ନାତି ସଂସ୍କାରୀ
ଅପରପକ୍ଷରେ ସେହି ବୈଠକରେ ଉପସ୍ଥିତ ଥିବା ଭାଗବତ ବେହେରାଙ୍କ ଜିଦ୍ ଧରିଥିଲେ ସରସ୍ୱତୀ ଶିଶୁ ବିଦ୍ୟା ମନ୍ଦିର ବନ୍ଦ ହେଉ। ତେବେ ବୈଠକରେ ଉପସ୍ଥିତ ଥିବା ବିଜୁ ପଟ୍ଟନାୟକ, ଭାଗବତ ବେହେରାଙ୍କ ଉପରେ ବିରକ୍ତି ହୋଇଥିଲେ ବୋଲି ସଂଗ୍ରାମ ସରିନାହିଁ ବହିରେ ଲେଖା ହୋଇଛି।ଆଉ ତାଙ୍କ(ବିଜୁ ପଟ୍ଟନାୟକଙ୍କ)ନାତି, ରାତିରେ ଶୋଇବା ପୂର୍ବରୁ କିପରି ଗାୟତ୍ରୀ ମନ୍ତ୍ର ଜପ କରିଥାଏ ସେ କଥା କହିଥିଲେଏଭଳି ସଂସ୍କାର ଆମ ଭିତରେ ନାହିଁ। ତେଣୁ କେଉଁ ରାଜ୍ୟ କଣ କରୁଛି କରୁ। ଓଡ଼ିଶାରେ ଆମେ ସେଥିରେ ହସ୍ତକ୍ଷେପ କରିବା ନାହିଁ,ବୋଲି ବିଜୁ ପଟ୍ଟନାୟକ କହିଥିଲେ। ଫଳରେ ଭାଗବତ ବେହେରା ଚୁପ ହୋଇଥିଲେ।ଆଉ ସେତେବେଳେ ଓଡ଼ିଶାରେ ଥିବା ୮୬ଟି ସରସ୍ୱତୀ ଶିଶୁ ବିଦ୍ୟା ମନ୍ଦିରକୁ ବନ୍ଦ କରିବା ଲାଗି ଭାଗବତ ବେହେରାଙ୍କ ଉଦ୍ୟମ ଫସର ଫାଟିଥିଲା।
ଏଥିସହ ପଢ଼ନ୍ତୁ
ବ୍ୟାଚଲର ପ୍ରଧାନଙ୍କୁ ଉପମୁଖ୍ୟମନ୍ତ୍ରୀ କରାଇଥିବା ପାଲଲହଡ଼ାରୁ,ଲଢ଼ିବେ ବିଜେପିର CM ଫେସ୍
ଟାଇମ୍ ମାଗାଜିନରେ ସ୍ଥାନ ପାଇଥିବା ପ୍ରଥମ ବଲିଉଡ ଅଭିନେତ୍ରୀଙ୍କ ମୃତ୍ୟୁ, ଆଜି ବି ରହସ୍ୟ ଘେରରେ

You Might Also Like

No Comments

Leave a Reply