ରଜରେ ଓଡ଼ିଆ ସିନେ ଦର୍ଶକଙ୍କୁ ଝୁମାଇଲା ଦୁଇ ଦୁଇଟା ଲଭ ଷ୍ଟୋରୀ।ଚିରାଚରିତ ଫ୍ୟାମିଲି କାହାଣୀ ବଦଳରେ ଓଡ଼ିଆ ସିନେପ୍ରେମୀ,ଏଥର ରୋମାନ୍ସ ଓ କମେଡି ଫିଲ୍ମକୁ ପସନ୍ଦ କରିଛନ୍ତି।ବାବୁଶାନ ଓ ତମନ୍ନାଙ୍କ‘ଗୋଲ୍ମାଲ୍ ଲଭ୍’ ଏବଂ ‘ତୁ ମୋ ଲଭ୍ ଷ୍ଟୋରୀ-ଟୁ’ ଦର୍ଶକଙ୍କ ରଜ ବଜାରକୁ ଖୁବ ତାଜା କରିଦେଲା।ତୁ ମୋ ଲଭ୍ ଷ୍ଟୋରୀର ସିକ୍ୱେଲ୍ରେ ସ୍ୱରାଜ-ଭୂମିକାଙ୍କ ସହ ପୁରୁଣା ହିଟ୍ ଯୋଡି ସିଦ୍ଧାନ୍ତ ମହାପାତ୍ର ଓ ଅନୁ ଚୌଧୁରୀଙ୍କୁ ଦେଖିବାକୁ ମିଳିଛି।
‘ଗୋଲ୍ମାଲ୍ ଲଭ୍’ରେ ନାୟକ ବାବୁଶାନଙ୍କ ଲଣ୍ଡନ୍ରେ ସେଟ୍ଲ ହୋଇ ପାଉଣ୍ଡ କମାଇବାର ସ୍ୱପ୍ନ ଦେଖୁଛନ୍ତି। ବାବୁଶାନଙ୍କ ଡ୍ରିମ୍ ହେଉଛି ଜଣେ NRI(ପ୍ରବାସୀ ଭାରତୀୟ)ଙ୍କୁ ବାହାହେବା।ହଠାତ୍ ତାଙ୍କୁ ମିଳି ଯାଉଛନ୍ତି ନାୟିକା ତମନ୍ନା, ଯିଏ ଲଣ୍ଡନରେ ରୁହନ୍ତି।ଏଭଳି କାହାଣୀ ରଜ ବଜାରକୁ ସରଗରମ କରିଛି ଫିଲ୍ମ ଗୋଲ୍ମାଲ୍ ଲଭ୍।ଫୁଲ୍ କମେଡ଼ିରେ ଭରପୁର ଏହି ଫିଲ୍ମରେ ପ୍ରଥମ ଥର ପାଇଁ ବାବୁଶାନ୍ ଓ ତମନ୍ନାଙ୍କ ଯୋଡ଼ି ନଜର ଆସିଛନ୍ତି।ରଜ ୩ଦିନ ସିନେମା ହଲ୍ରେ ଦର୍ଶକଙ୍କ ଭିଡ଼ ଜମିଥିଲା।
ଖାସ୍ କରି ବାବୁସାନ୍ଙ୍କ ଫ୍ୟାନ୍ ଫିଲ୍ମ ଦେଖିବାକୁ ପରିବାର ଲୋକ ଯିବାର ଦେଖିବାକୁ ମିଳିଥିଲା ତରଙ୍ଗ ପ୍ରଡକସନର ଏହି ଫିଲ୍ମରେ ଅଶୋକ ପତି ନିର୍ଦ୍ଦେଶନା ଭାର ସମ୍ଭାଳିଥିବା ବେଳେ ଦିବଂଗତ ଅଭିନେତା ସଲିଲ୍ ମିତ୍ରଙ୍କ ସହ ବିଜୟ ମହାନ୍ତି,ଜୀବନ ପଣ୍ଡା ଓ ଶ୍ରୀତମ୍ ପ୍ରମୁଖ ଅଭିନୟ କରିଛନ୍ତି।ଅଭିଜିତ ମଜୁମଦାରଙ୍କ କମ୍ପୋଜିସନ୍ରେ ସର୍ଜିକାଲ୍ ଷ୍ଟ୍ରାଇକ୍,ପ୍ୟାର୍ କରିବି କୁଞ୍ଚମ୍ କୁଞ୍ଚମ୍ ଭଳି ଏହି ଫିଲ୍ମର ଗୀତ ଗୁଡ଼ିକ ରିଲିଜ୍ ପୂର୍ବରୁ ହିଟ୍ ହୋଇସାରିଛି।
ତରଙ୍ଗର ଦ୍ୱିତୀୟ ରଜ ଭେଟି ଭାବେ ପରଦାକୁ ଆସିଛି ରୋମାନ୍ସର ଡବଲ୍ ଡୋଜ୍ ତୁ ମୋ ଲଭ୍ ଷ୍ଟୋରି-ଟୁ।ତୁ ମୋ ଲଭ୍ ଷ୍ଟୋରୀର ଏହି ସିକ୍ୱେଲ୍ରେ ଧମାଲ୍ କରିଛି ଦୁଇଟି ହିଟ୍ ଯୋଡ଼ି ସ୍ୱରାଜ-ଭୂମିକା ଓ ସିଦ୍ଧାନ୍ତ-ଅନୁ ଚୌଧୁରୀ।ପ୍ରେମ୍ ଆନନ୍ଦ ସଂଗୀତ ନିର୍ଦ୍ଦେଶନା ଦେଇଥିବା ବେଳେ ନିର୍ଦ୍ଦେଶନା ଭାର ସମ୍ଭାଳିଛନ୍ତି ତାପସ ସରଘରିଆ।ଭୁବନେଶ୍ୱର,ବାରିପଦା ଓ ଆଣ୍ଡାମାନ୍ରେ ସୁଟିଂ ହୋଇଛି।ସ୍ୱରାଜ ଏବଂ ଭୂମିକା ‘ତୁ ମୋ ଲଭଷ୍ଟୋରୀ ପ୍ରଥମ ଅବଦାନ ସୁପର ହିଟ ହୋଇଥିଲା।ପାର୍ଟ-୨ ମଧ୍ୟ ଦର୍ଶକଙ୍କ ମନକୁ ଛୁଇଁଛି।
No Comments