ପୈସା କ୍ୟା ନକରେ କାମ୍:କୋଟିପତିଙ୍କ ଲାଇଫ ପାର୍ଟନର ବି-ଟାଉନ ସେଲିବ୍ରିଟି

କଥାରେ ଅଛି ‘ବାପ୍ ବଡା ନା ଭୈୟା, ସବ୍ ସେ ବଡା ରୂପୈୟା’। ଟଙ୍କା ଥିଲେ କଣ ନାହିଁ କଣ କରିହେବ। କିନ୍ତୁ ଏକଥା ବି ସତ ଯେ ଟଙ୍କା ବେଳେବେଳେ ସବୁ ସମସ୍ୟାର ସମାଧାନ କରିନଥାଏ। ଯେମିତି ଟଙ୍କା ଥିଲେ ଖାଇବା ମିଳି ଯାଇପାରେ,କିନ୍ତୁ ଭୋକ ନୁହେଁ। ଶୋଇବା ପାଇଁ ଭଲ ବିଛଣା ମିଳିଯିବ, କିନ୍ତୁ ନିଦ ନୁହେଁ। ପୁସ୍ତକ ମିଳିବ ଟଙ୍କାରେ, କିନ୍ତୁ ଜ୍ଞାନ କଣ ମିଳିବ? ଟଙ୍କା ଥିଲେ ସୁନ୍ଦରୀ ସ୍ତ୍ରୀ ବି ମିଳିଯିବେ, ଏହା ଏକ ପ୍ରକାର ସତ। ଭଲ ଉଦାହରଣ ହେଲା ବଲିଉଡ୍। ନିଜ ରୂପ ଲାବଣ୍ୟରେ ମନ ମୋହୁଥିବା ଅନେକ ସୁନ୍ଦରୀ ଏବେ କୋଟିପତିଙ୍କ ପତ୍ନୀ।
ଶିଳ୍ପା ସେଟ୍ଟୀ 
ନିଆରା ଅନ୍ଦାଜରେ ୟୁପି-ବିହାର ଲୁଟୁଥିବା ଶିଳ୍ପାଙ୍କ ଅନେକ ଦିଓ୍ୱାନା। ଗୋଟିଏ ସମୟ ଥିଲା, ନିଜ ଅଭିନୟ ଓ ଡ୍ୟାନ୍ସ ଜଲଓ୍ୱାରେ ଲକ୍ଷ ଲକ୍ଷ ଫ୍ୟାନଙ୍କୁ ପାଗଲ କରୁଥିଲେ ଶିଳ୍ପା। ୨୦୦୯ରେ ଶିଳ୍ପପତି ରାଜ କୁନ୍ଦ୍ରାଙ୍କୁ ବିବାହ କରିଥିଲେ। ଚର୍ଚ୍ଚା ଆଜି ବି ହୁଏ, ଶିଳ୍ପା ରାଜ କୁନ୍ଦ୍ରାଙ୍କୁ ଏଇଥିପାଇଁ ବିବାହ କରିଥିଲେ କାରଣ ସେ ଧନୀ। ବ୍ରିଟିଶ ମାଗାଜିନ୍ ରିପୋର୍ଟ ଅନୁସାରେ, ଧନୀ ତାଲିକାର ରାଜ କୁନ୍ଦ୍ରାଙ୍କ ନାଁ ୧୯୮ତମ ସ୍ଥାନରେ ଆସୁଛି।
ଜୁହି ଚାଓ୍ୱଲା

୧୯୯୫ରେ ଜୁହି ଚାଓ୍ୱଲା ପ୍ରତିଷ୍ଠିତ ବ୍ୟବସାୟୀ ଜୟ ମେହତାଙ୍କୁ ବିବାହ କରିଥିଲେ। ୯୦ ଦଶକରେ ଜୁହିଙ୍କୁ ଭାରି ଡିମାଣ୍ଡ ଥିଲା। କ୍ୟାରିଅର ପିକ୍ ଆଓ୍ୱାରରେ ନିଜଠୁ ୭ବର୍ଷ ବଡ଼ ଜୟ ମେହତାଙ୍କ ହାତ ଧରିଥିଲେ ଜୁହି। ବିବାହ ପରେ ଧିରେ ଧିରେ ଗ୍ଲାମର ଲେନରୁ ଦୂରେଇ ଗଲେ। କହାଯାଏ, ଟଙ୍କା ପାଇଁ କୋଟିପତି ଜୟ ମେହେତାଙ୍କୁ ଲାଇଫ ପାର୍ଟନର ବାଛିନେଲେ ଜୁହି।

ବିଦ୍ୟା ବାଲନ୍

ବଲିଉଡର ଆଉ ଜଣେ ସେଲିବ୍ରିଟି ବିଦ୍ୟା ବାଲନ୍। ଫିଲ୍ମ ‘ଡାର୍ଟି ପିକଚର’ରେ ସିଲ୍କ୍ ସ୍ମିତା କ୍ୟାରେକ୍ଟର ପ୍ଲେ କରି ଫ୍ୟାନଙ୍କ ଦିଲ୍ ଜିତିଥିଲେ। ତାଙ୍କୁ ମିଳିଥିଲା ଜାତୀୟ ପୁରସ୍କାର। କୁହାଯାଏ, ଟଙ୍କା ପାଇଁ ବିଦ୍ୟା ବଲାନ୍ ସଫଳ ପ୍ରଯୋଜକ ସିଦ୍ଧାର୍ଥ ରାୟ କପୁରଙ୍କୁ ଜୀବନ ସାଥି ବାଛିନେଲେ। ୨୦୧୨ରେ ଦୁହେଁ ହୋଇଥିଲେ ସାତ ଜନ୍ମର ସାଥି। ସିଦ୍ଧାର୍ଥ ରାୟ କପୁର ଡିଜନୀ ଇଣ୍ଡିଆର ନିର୍ଦ୍ଦେଶକ ଓ ତାଙ୍କର ଦୁଇ ଥର ତଲାକ୍ ବି ହୋଇଛି। ତଥାପି ତାଙ୍କୁ ବିବାହ କଲେ ବିଦ୍ୟା।
ଟିନା ଅମ୍ବାନୀ

୮୦ ଦଶକରେ ଟିନା ଅମ୍ବାନୀଙ୍କ ସୌନ୍ଦର୍ଯ୍ୟ, ଅନେକଙ୍କୁ ଦିଓ୍ୱାନା କରିଥିଲା। ସେତେବେଳେ ଟିନା ଓ ସଞ୍ଜୟ ଦତ୍ତଙ୍କ ଆଫେୟାର୍ସ ହେଡଲାଇନ୍ସ ହେଉଥିଲା। କିନ୍ତୁ ୧୯୯୧ରେ ଟିନା ବାଛିଲେ ଲାଇଫ ପାର୍ଟନର। ବିଶିଷ୍ଟ ଶିଳ୍ପପତି ଅନୀଲ ଅମ୍ବାନୀଙ୍କୁ ବିବାହ କରିଥିଲେ। ଚର୍ଚ୍ଚା ହୁଏ, ଟିନା କେବଳ ଟଙ୍କା ଓ ପ୍ରତିପତ୍ତି ପାଇଁ ଅନୀଲଙ୍କୁ ବିବାହ କରିଥିଲେ।
ଆୟେଶା ଟାକିଆ

ଏହି ଅଭିନେତ୍ରୀଙ୍କ ଫିଲ୍ମ ସିନା ହିଟ୍ ହେଲା ନାହିଁ, କିନ୍ତୁ ଲାଇଫ ପାର୍ଟନର ବାଛିବାରେ ମାହିର। ହାତ ଗଣତି କେତୋଟି ଫିଲ୍ମରେ ଅଭିନୟ କରି ଦର୍ଶକଙ୍କ ଦିଲ୍ ଜିତି ପାରିଲେ ନାହିଁ। ସମୟ ବରବାଦ ନକରି ଧନୀ ସ୍ୱାମୀଙ୍କ ସହ ଘର ବସାଇଲେ ଆୟେଶା ଟାକିଆ। ହୋଟେଲ ବ୍ୟବସାୟୀ ଫରହାନ ଆଜମୀଙ୍କୁ ସେ ବିବାହ କରିଛନ୍ତି। ଫରହାନଙ୍କ ବହୁ ହୋଟେଲର ମାଲିକ ଓ ତାଙ୍କ ବାପା ଜଣେ ପ୍ରତିଷ୍ଠିତ ରାଜନେତା। ବିବାହ ପୂର୍ବରୁ ଦୁହେଁ ବହୁ ସମୟ ଧରି ଡେଟ୍ କରୁଥିଲେ।
ଶ୍ରୀଦେବୀ

ଆରପାରିରେ ଏବେ ଶ୍ରୀଦେବୀ। କିନ୍ତୁ ନିଜ ଠାରୁ ୮ ବର୍ଷ ବଡ଼ ବୋନି କପୁରଙ୍କୁ ବିବାହ କରିଥିଲେ। ଦୁହିଁଙ୍କ ଯୋଡ଼ି ଦେଖିଲେ ଅସଜଡ଼ା ଲାଗେ। କିନ୍ତୁ ଶ୍ରୀଦେବୀଙ୍କ ରୂପ, ବୋନିଙ୍କୁ ପାଗଳ କରି ଦେଇଥିଲା। ଶ୍ରୀଦେବୀ ବି ବୋନିଙ୍କୁ ଦିଲ୍ ଦେଇଥିଲେ। ୧୯୯୬ରେ ଦୁହେଁ ବିବାହ ବନ୍ଧନରେ ବାନ୍ଧି ହୋଇଥିଲେ।
କିମ୍ ଶର୍ମା

କେନିଆରେ ବ୍ୟବସାୟ କରୁଥିବା କୋଟିପତି ଭାରତୀୟ ବିଜନେସ୍ ମ୍ୟାନ୍ ଅନୀଲ ପୁଞ୍ଜାନୀ। ବଲିଉଡ୍ ଅଭିନେତ୍ରୀ କିମ୍ ଶର୍ମାଙ୍କୁ ସେ ବିବାହ କରିଥିଲେ। ତା ପୂର୍ବରୁ ସେ କାର୍ଲୋସଙ୍କ ସହ ଡେଟ୍ କରୁଥିଲେ। କିନ୍ତୁ ବିହାର କରିଥିଲେ ଅନୀଲଙ୍କୁ।କାରଣ କାର୍ଲୋସଙ୍କଠାରୁ ଧନୀ ଥିଲେ ଅନୀଲ। କିନ୍ତୁ ଏବେ ଅନୀଲ-କିମଙ୍କର ବି ତଲାକ ହୋଇସାରିଛି