ବଲିଉଡର ଗବର ସିଂହ ଅର୍ଥାତ୍ ଅମଜଦ୍ ଖାନ୍ ଜଣେ ଲୋକପ୍ରିୟ କଳାକାର।ସିନେମା କ୍ୟାରିୟରରେ ଉଭୟ ନେଗେଟିଭ୍ ଓ ପଜିଟିଭ୍ ଚରିତ୍ରରେ ଅଭିନୟ କରିଛନ୍ତି ଅମଜଦ୍।ଅନେକ ହିଟ୍ ଫିଲ୍ମ ଦର୍ଶକଙ୍କୁ ଭେଟି ଦେଇଛନ୍ତି।ଫିଲ୍ମ ‘ସୋଲେ’ର ଗବର୍ ଆଜି ବି ତାଙ୍କୁ ଦର୍ଶକଙ୍କ ହୃଦୟରେ ଜୀବିତ ରଖିଛି।କେବେ ହସାଉଥିବା ତ କେବେ ଖଳନାୟକ ହୋଇ ଦର୍ଶକଙ୍କୁ ଡରାଉଥିବା ଅମଜଦଙ୍କ ଜୀବନରେ ଏମିତି ଘଟିଥିଲାଯାହାର କଳ୍ପନା କେହି କରିନଥିବେ।ଅମଜଦ ଖାନଙ୍କ ଜୀବନର ଗତିପଥକୁ ସଂପୂର୍ଣ୍ଣ ପରିବର୍ତ୍ତନ କରିଥିଲା ସେହି ଘଟଣା।
୧୯୭୯ରେ ଆସିଥିବା ଫିଲ୍ମ ‘ଦ ଗ୍ରେଟ ଗେମ୍ବଲର’ର ସମୟର କଥା।ସେତେବେଳେ ଫିଲ୍ମର ସୁଟିଂ ଗୋଆରେ ଚାଲିଥିଲା। ଅମଜଦ୍ ଖାନ୍ ତାଙ୍କ ପତ୍ନୀ ଓ ପିଲାଙ୍କ ସହ ଗୋଆ ଯାଉଥିଲେ।ରାସ୍ତାରେ ହଠାତ ଭୟଙ୍କର ଦୁର୍ଘଟଣା ହୋଇଥିଲା।ଘଟଣାସ୍ଥଳରେ ଉପସ୍ଥିତ ଲୋକଙ୍କ ସହାୟତାରେ ତାଙ୍କୁ ହସ୍ପିଟାଲ ନିଆଯାଇଥିଲା।ଖବର ଶୁଣି ଅମିତାଭ ବଚ୍ଚନ ତାଙ୍କୁ ଦେଖିବା ପାଇଁ ହସ୍ପିଟାଲ ପହଞ୍ଚିଥିଲେ।ଅମିତାଭ୍ ଜାଣିବାକୁ ପାଇଲେ ଅମଜଦ୍ ଠିକ୍ ଭାବରେ ନିଃଶ୍ୱାସ ନେଇପାରୁନାହାନ୍ତି।ଏହାସହ ଅମଜାଦଙ୍କ ୧୩ଟି ହାଡ ଭାଙ୍ଗିଯାଇଛି ଏବଂ ଫୁସଫୁସରେ ଖୁବ ଗଭୀର ଆଘାତ ଲାଗିଛି। ଶୀଘ୍ର ଅପରେସନ କରିବାକୁ ପଡିବ।
ଅପରେସନ୍ ପୂର୍ବରୁ ହସ୍ପିଟାଲରେ ଅନେକ ପେପର ଓ୍ୱାର୍କ କରିବାର ଥିଲା।ସେତେବେଳେ ଅମଜଦଙ୍କ ପତ୍ନୀଙ୍କର ମଧ୍ୟ ଚିକିତ୍ସା ଚାଲିଥିଲା।ମୁମ୍ବାଇରୁ ଏତେ ଶୀଘ୍ର ଅମଜାଦଙ୍କ ପରିବାର ଲୋକେ ଆସିବା ମଧ୍ୟ ସମ୍ଭବ ନଥିଲା।ତେଣୁ ସବୁ କାଗଜପତ୍ରରେ ଅମିତାଭ ନିଜେ ସାଇନ୍ ଦେଇଥିଲେ।ତାପରେ ଅପରେସନ ଆରମ୍ଭ ହୋଇଥିଲା।କୁହାଯାଏ,ଏହି ଘଟଣା ପରଠୁ ଅମଜାଦ ଓ ଅମିତାଭଙ୍କ ମଧ୍ୟରେ ବନ୍ଧୁତ୍ୱ ଗଭୀର ହୋଇଥିଲା।
ଏହି ଦୁର୍ଘଟଣା ଅମଜାଦଙ୍କ ଜୀବନକୁ ବଦଳାଇ ଦେଇଥିଲା।ଏକ ଇଣ୍ଟରଭ୍ୟୁରେ ଅମଜାଦ ଖାନଙ୍କ ପତ୍ନୀ ଶୈଲା କହିଥିଲେ କି,ଏହି ଦୁର୍ଘଟଣା ପରେ ସବୁ ଯେପରି ଅଟକିଯାଇଥିଲା।ମେଡିସିନର ସାଇଡ୍ ଇଫକ୍ଟେ ଏବଂ ଚାଲି ବୁଲି ନପାରିବା ଯୋଗୁଁ ଅମଜଦଙ୍କ ଓଜନ ଦିନକୁ ଦିନ ବଢିବାରେ ଲାଗିଥିଲା।ଶେଷରେ ୧୯୯୨ ଜୁଲାଇ ୨୭ରେ ଆଖି ବୁଜିଥିଲେ ଅମଜଦ।
