ଲଭର ବାର୍ଡସଙ୍କୁ ସାହସୀ କରୁଛି ପରଦାର ଲଭ୍ ଲାଇଫ୍ : ପ୍ରେମ ପାଇଁ ଜୀବନ ହାରି ଆଦର୍ଶ ପାଲଟିଛନ୍ତି

ମୁମ୍ବାଇ: ପ୍ରେମକୁ ନେଇ ଅନେକ ଫିଲ୍ମ ନିର୍ମାଣ ହୋଇଛି। ରୋମାଞ୍ଚଭରା ପ୍ରେମ କାହାଣୀ, ଆଉ ଏହାକୁ ନିଭାଇବା ପାଇଁ ପ୍ରେମୀ ଯୁଗଳଙ୍କ ଷ୍ଟ୍ରଗଲକୁ ନେଇ ଆମେ ଅନେକ ଫିଲ୍ମ ଦେଖିଛୁ। ପ୍ରେମରେ ଥରେ ପଡିଲେ ଏଥିରୁ ମୁକୁଳିବା କଷ୍ଟକର ହୋଇଥାଏ। ପ୍ରେମ ହିଁ ପ୍ରେରଣା, ପ୍ରେମ ହିଁ ଆଦର୍ଶ। ଏହା ମଣିଷକୁ ସବୁ ପ୍ରକାର ବାଧାବିଘ୍ନ ସହ ଲଢିବାକୁ ମନୁଷ୍ୟକୁ ସାହସ ଯୋଗାଇଥାଏ। ତେବେ ଆସନ୍ତୁ ଆଜି ଜାଣିବା ଫିଲ୍ମ ଦୁନିଆର କିଛି ଫେମସ୍ ଯୋଡିଙ୍କ ସମ୍ପର୍କରେ ଯାହାକି ଦର୍ଶକଙ୍କ ହୃଦୟରେ ଘର କରିଛି ଏବଂ ଆଜିବି ଜୀବନ୍ତ।ରୋମିଓ-ଜୁଲିଏଟ୍
ସାରା ଦୁନିଆ ରୋମିଓ-ଜୁଲିଏଟ୍ ଓ ସେମାନଙ୍କର ପ୍ରେମ କାହାଣୀକୁ ମନେ ରଖିଛି। କେତେକ ପ୍ରେମ ଯୁଗଳ ସେମାନଙ୍କୁ ନିଜ ଆଦର୍ଶ ମନେ କରନ୍ତି। ଉଇଲିୟମ ସେକ୍ସସ୍ପିୟର ରୋମିଓ-ଜୁଲିଏଟଙ୍କ ପ୍ରେମକୁ ଏକ ଜୀବନ୍ତ ରୂପ ଦେଇଥିଲେ । କିଭଳି ଉଭୟଙ୍କ ପ୍ରଥମ ଦେଖାରୁ ହିଁ  ପ୍ରେମ ଆରମ୍ଭ ହୋଇଥିଲା ଓ ଏହା କିଭଳି ଆଗକୁ ବଢିଥିଲା। ପରିବାର ପକ୍ଷରୁ ଆସିଥିବା ବାଧାବିଘ୍ନକୁ ମଧ୍ୟ ସେକ୍ସସ୍ପିୟର ନିଜ ରଚନାରେ ସ୍ଥାନ ଦେଇଛନ୍ତି। ଏହି ପ୍ରେମ କାହାଣୀର ଦୁଃଖଦ ଅନ୍ତ।ଜ୍ୟାକ୍-ରୋଜ୍
ପ୍ରେମର ଆଉ ଏକ ଯୋଡି ହେଉଛନ୍ତି ଜ୍ୟାକ୍ ଆଣ୍ଡ ରୋଜ୍। ଏହି ଯୋଡିଙ୍କୁ ଆପଣ ଟାଇଟାନିକ୍ ଫିଲ୍ମରେ ଦେଖିଥିବେ । ଉଭୟ ଉଭୟଙ୍କୁ ଏକ ଜାହଜରେ ପ୍ରଥମେ ଦେଖିଥିଲେ। ପ୍ରଥମ ଦେଖାରେ ହିଁ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ସୃଷ୍ଟି ହୋଇଥିଲା ଏବଂ ପ୍ରେମର ଦୁଃଖଦ ଅନ୍ତ ଘଟିଥିଲା। ଜାହଜ ବୁଡିବା ସହ ପ୍ରେମକଙ୍କ ମୃତ୍ୟୁ ହୋଇଥିଲା; କିନ୍ତୁ ସେମାନଙ୍କର ଦୁଃଖଭରା ପ୍ରେମ କାହାଣୀ ଆଦର୍ଶ ପାଲଟିଗଲା।ବୋନି ଏବଂ କ୍ଲେଡ୍
ସାରା ବିଶ୍ୱରେ ବୋନି ଏବଂ କ୍ଲେଡଙ୍କ ରୋମାନ୍ସକୁ ନେଇ ଚର୍ଚ୍ଚା। ପ୍ରଥମ ଦେଖାରେ ହିଁ ଉଭୟ ଉଭୟଙ୍କୁ ପ୍ରେମ କରି ବସିଥିଲେ। ଦୁନିଆ ସେମାନଙ୍କୁ ଗ୍ୟାଙ୍ଗଷ୍ଟର କପୁଲ ଭାବେ ଜାଣେ । କିନ୍ତୁ ଦୁର୍ଭାଗ୍ୟବଶତଃ ଏକ ପୋଲିସ ଏନକାଉଣ୍ଟରରେ ଉଭୟେ ପ୍ରାଣ ହରାଇଥିଲେ।ସୋନୀ ଓ ମହୀୱାଲ
ପ୍ରେମ ଓ ସମର୍ପଣଙ୍କର ଏକ ନିଚ୍ଛକ ଉଦାହରଣ ସୋନୀ-ମହୀୱାଲ ଫିଲ୍ମ। ବଲିଉଡରେ ଏହାକୁ ନେଇ ନିର୍ମାଣ ହୋଇଥିବା ଫିଲ୍ମ ଆଜି ବି ଦର୍ଶକଙ୍କୁ ବାନ୍ଧି ରଖିପାରିଛି, ଅନେକଙ୍କ ମନରେ ଏହା ଘର କରିଛି । ସୋନୀ ଜଣେ ଗରିବ କୁମ୍ବାର ପିତାର ଝିଅ ହୋଇଥିବା ବେଳେ ମହୀୱାଲ ଜଣେ ଗୋରୁ ଚରାଳୀ ହୋଇଥିଲା। ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗଢ଼ି ଉଠିଥିଲା। ଏକଦା ନିଜ ପ୍ରେମ ପାଇଁ ସୋନୀ, ବନ୍ୟା ଆସିଥିବା ନଦୀ ପାର ହେବାକୁ ପଛାଇ ନଥିଲା। ତେବେ ନଦୀ ପାର ସମୟରେ ନଦୀ ଗର୍ଭରେ ସଲିଳ ସମାଧି ନେଇଥିଲା ସୋନୀ। ଆଉ ସୋନୀକୁ ବୁଡିଯିବାର ଦେଖି ମହିୱାଲ ମଧ୍ୟ ନଦୀକୁ ଡେଇଁ ପଡି ଆତ୍ମହତ୍ୟା କରିଥିଲା। ଏହି କାହାଣୀ ଆଜି ବି ଅନେକଙ୍କ ମନକୁ ବ୍ୟଥିତ କରେ।ଅନୁରାଗ ଓ ପ୍ରେରଣା
ଉପରେ ପଢିଥିବା ସବୁ ଲଭ୍ ଷ୍ଟୋରୀର ଦୁଃଖଦ ଅନ୍ତ ଘଟିଛି। ମାତ୍ର ଅନୁରାଗ ଓ ପ୍ରେରଣାଙ୍କ ଲଭ୍ ଷ୍ଟୋରୀ ସାମାନ୍ୟ ଭିନ୍ନ। ଶାହାଜାହାନ୍ ଓ ମମତାଜଙ୍କ ପ୍ରେମର ନିଦର୍ଶନ ତାଜମହଲ ପରି ଏହି ଲଭ୍ ଷ୍ଟୋରୀର ଷ୍ଟାଚ୍ୟୁ ଘରେ ଘରେ ପରିଚିତ। ଏହା ଷ୍ଟାର ପ୍ଲସର ଏକ ଲୋକପ୍ରିୟ ଧାରବାହିକ। ଏହି ଯୋଡିଙ୍କୁ ପପୁରାଲ ଟେଲିଭିଜନ ସୋ କସୌଟୀ ଜିନ୍ଦେଗୀରେ ଦେଖିବାକୁ ମିଳିଥିଲା। ଏହି ସିରିୟଲରେ ଏମାନଙ୍କ ପ୍ରେମକୁ ଲୋକେ ଏତେ ମାତ୍ରାରେ ପସନ୍ଦ କରିଥିଲେ ଯେ, ଏହାକୁ ଏବେ ଐତିହାସିକ ପ୍ରେମ କାହାଣୀ ସହ ତୁଳନା କରାଯାଉଛି। ତେବେ ଏହି ପପୁରାଲ ସୋର ପୁଣି ଥରେ କମ୍ ବ୍ୟାକ୍। ଆଜ୍ଞା ହଁ ଏହି ସୋରେ ଅନୁରାଗ ଓ ପ୍ରେରଣାଙ୍କ ଯୋଡି ଦେଖିବାକୁ ମିଳିବ। ନୂଆ ଷ୍ଟାରକାଷ୍ଟଙ୍କ ସହ ଏକତା କପୁର ଏହି ସୋର ପାର୍ଟ-୨ ଆରମ୍ଭ କରିବାକୁ ଯାଉଛନ୍ତି ।