ଫିଲ୍ମ କ୍ଷେତ୍ରରେ ଅଦ୍ଭୁତପୂର୍ବ ସଫଳତା ପାଇଛି ପୁଷ୍ପା। ସାରା ଦେଶରେ ଚହଳ ପକାଇଥିବା ପୁଷ୍ପା ଫିଲ୍ମର ପାର୍ଟ ୨ ସୁଟିଂ ଚାଲିଛି। ପୁଷ୍ପା ୨ ରେ ଏଥର ନଜର ଆସିବ ଓଡ଼ିଶା। ଫିଲ୍ମ ସ୍କ୍ରିନରେ ଦର୍ଶକ ଦେଖିବେ ଓଡ଼ିଶାର ଖାସ୍ ଜାଗା। ମାଲକାନଗିରି ସ୍ୱାଭିମାନ ଅଞ୍ଚଳର ପାଦଦେଶକୁ ଲାଗିଥିବା ତରାବୁରେ ପୁଷ୍ପାର ପାର୍ଟ-୨ ସୁଟିଂ ଆରମ୍ଭ ହୋଇଛି। ପୁଷ୍ପା ଫିଲ୍ମ ନିର୍ମାତା ସଂସ୍ଥାର ପୂରା ଟିମ୍ ତରାବୁ ଜଳ ପ୍ରପାତରେ ପହଞ୍ଚି ସୁଟିଂ କରିଛନ୍ତି।
ମାଲକାନଗିରିରେ ଆଲୁ ଅର୍ଜୁନ
ମାଲକାନଗିରିରେ ବଲିଉଡ଼ ଆକ୍ଟର ଆଲୁ ଅର୍ଜୁନ। ଜଙ୍ଗଲରେ ସୁପର ଷ୍ଟାର ଆଲୁ ଅର୍ଜୁନଙ୍କ ସମେତ ସହ ଅଭିନେତା, ଅଭିନେତ୍ରୀମାନେ ପହଞ୍ଚି ଫିଲ୍ମ ସୁଟିଂ କରୁଛନ୍ତି। ତେଲୁଗୁ ଷ୍ଟାର୍ ଆଲୁ ଅର୍ଜୁନଙ୍କ ଫିଲ୍ମ ପୁଷ୍ପା ପାର୍ଟ ୱାନ୍ ବକ୍ସ ଅଫିସରେ ଧମାକା କରିଛି। ପାର୍ଟ-୨କୁ ସମସ୍ତେ ଉତ୍କଣ୍ଠାର ସହିତ ଅପେକ୍ଷା କରିଛନ୍ତି। ମାଲକାନଗିରି ଜିଲ୍ଲାର ସ୍ୱାଭିମାନ ଅଞ୍ଚଳ ଓ ସପ୍ତଧାରା ନଦୀର ବିଭିନ୍ନ ଜାଗାରେ ଏହାର ସୁଟିଂ କରିବାକୁ ଆଗ୍ରହ ପ୍ରକାଶ କରିଛନ୍ତି ନିର୍ମାତା ଓ ନିର୍ଦ୍ଦେଶକ।ସ୍ୱାଭିମାନ ଅଞ୍ଚଳର ଝୁଲା ପୋଲ, ହନ୍ତାଳଗୁଡା ଘାଟି ଓ ଚିତ୍ରକୋଣ୍ଡା ସ୍ପିଲୱେର ନିର୍ମାଣାଧୀନ ପୋଲ ନିକଟରେ ସୁଟିଂ କରିବାକୁ ଯୋଜନା କରାଯାଇଛି। ଫିଲ୍ମ ରିଲିଜ ହେଲାପରେ ଦେଶବାସୀ ସ୍କ୍ରୀନରେ ମାଲକାନଗିରିକୁ ଦେଖିବାର ସୁଯୋଗ ପାଇବେ।
