‘ଲଷ୍ଟ ଷ୍ଟୋରିଜ୍’ ପରେ ଆସୁଛି ‘ଘୋଷ୍ଟ ଷ୍ଟୋରିଜ’।ଦିବାକର ବାନାର୍ଜୀ,ଜୋୟା ଅଖତର,ଅନୁରାଗ କଶ୍ୟପ ଏବଂ କରଣ ଜୋହରଙ୍କ କେମିଷ୍ଟ୍ରିର ଏହି ସିନେମା।୨୦୧୩ରେ ‘ବମ୍ବେ ଟକିଜ୍’ ସିନେମାରୁ ଆରମ୍ଭ ହୋଇଥିଲା ଏଭଳି ମଲଟି ଡାଇରେକ୍ସନ ସିନେମା ନିର୍ମାଣ।ସେଥିରେ ପ୍ରଥମ ଥର ଏହି ଚାରି ନିର୍ଦ୍ଦେଶକ ଗୋଟିଏ ଫିଲ୍ମରେ ଚାରଟି ଅଲଗା-ଅଲଗା କାହାଣୀର ନିର୍ଦ୍ଦେଶନା ଦେଇଥିଲେ।
କେବଳ ଗୋଟିଏ ଫିଲ୍ମରେ ଏକରୁ ଅଧିକ କାହାଣୀ ଦେଖାଇବାକୁ ଇଂରାଜୀରେ ଏଥୋଲୋଜି କୁହାଯାଏ।ଏହି ଏଥୋଲୋଜି ସିରିଜର ଦ୍ୱିତୀୟ ହିନ୍ଦୀ ଫିଲ୍ମ ଥିଲା ‘ଲଷ୍ଟ ଷ୍ଟୋରୀ’।୨୦୧୮ରେ ସେହି ସିନେମାଟି ଅନ୍ତର୍ଜାତୀୟ ଅମୀ ଆୱାର୍ଡସ୍ରେ ବେଷ୍ଟ ଟିଭି/ମିନି ସିରିଜ କ୍ୟାଟେଗୋରୀରେ ମନୋନୀତ ହୋଇଥିଲା। ଆଉ ଏବେ ଆସୁଅଛି ଏହି ସିରିଜର ତୃତୀୟ ଫିଲ୍ମ ‘ଘୋଷ୍ଟ ଷ୍ଟୋରିଜ’। ଯାହାର କାହାଣୀ ଲେଖିଛନ୍ତି ଦିବାକର, କରନ, ଅନୁରାଗ, ଜୋୟା ଏବଂ ଅଭିନାଶ ସମ୍ପଥ।
‘ଲଷ୍ଟ ଷ୍ଟୋରୀ’ର କାହାଣୀ ଗୁଡିକରେ ଯେଭଳି ସେକ୍ସ ଆଉ ମନ୍ୟୁଷ୍ୟ ସମ୍ବନ୍ଧ ଉପରେ ଆଧାରିତ ଥିଲା।ସେହିଭଳି ‘ଘୋଷ୍ଟ ଷ୍ଟୋରିଜ’ ଭୂତ ଏବଂ ମାନସିକ ବିକାରଗ୍ରସ୍ଥଙ୍କ ଉପରେ ଆଧାରିତ ହେବାକୁ ଯାଉଛି। ଏହି ଫିଲ୍ମର ୩୦ସେକେଣ୍ଡର ଏକ ଟ୍ରେଲର ରିଲିଜ୍ ହୋଇଛି। ସେଥିରେ ଏହି ୪ଟି କାହାଣୀର ଟ୍ରେଲର ଏକା ଥରକେ ଦେଖାଯାଉଛି।
ଟ୍ରେଲର ଆରମ୍ଭରୁ ଏକ ଶୁଖିଲା ଗଛ ତଳେ ଏକ ଛୋଟ ଝିଅଟିଏ ଜୋରରେ କାନ୍ଦୁଥିବା ବେଳେ ଗଛ ଉପରେ ଚିଲ ଓ ପାରାମାନଙ୍କୁ ଦେଖିବାକୁ ମଳୁଛି। ଗୋଟିଏ ଝିଅଟି ଏକ କଣ୍ଢେଇକୁ ଖାଦ୍ୟ ଖୁଆଉଛି।ଆଉ ଅନେକ ମୃତ ଲୋକ ରୁଣ୍ଡ ହୋଇ କୌଣସି ଜିନିଷକୁ ଦେଖୁଛନ୍ତି।ଏତିକିବେଳେ ଗୋଟିଏ ଛୋଟ ଛୁଆ ତାର ମାଉସୀଙ୍କୁ ଚିତ୍କାର କରି ଡାକୁଛି । ସେପଟେ ଜଣେ ଭୟାଳୁ ଲୋକ, ବେଡରେ ପଡି ରହିଥିବା ବୁଢି ସ୍ତ୍ରୀ ଏବଂ ଜଣେ ସାଧା ସିଧା ଝିଅଟିଏ ଯେମିତିକି କାହା ଅପେକ୍ଷାରେ ରହିଛନ୍ତି। ଶେଷରେ ଜଣେ ଯୁବକଙ୍କ ସ୍ୱର ଶୁଣିବାକୁ ମିଳୁଛି ।’ଘରର କିଛି ଲୁଚି ରହିଛି’ ବୋଲି ସେ କହୁଛନ୍ତି।
କେବଳ ଟ୍ରେଲର ଦେଖିକି କେଉଁ କାହାଣୀଟି କାହାର ତାହା କହିବାଟା ବଡ ମୁସ୍କିଲ୍। ଏହି ସିନେମାର ଷ୍ଟାରକାଷ୍ଟରେ ମୃଣାଳ ଠାକୁର, ଅଭିନାଶ ତିଓ୍ୱାରୀ, ଜାହ୍ନବୀ କାପୁର, ରଘୁବୀର ଯାଦବ ଏବଂ ପଲ୍ଲବୀ ଗୁଲାଟି ରହିଛନ୍ତି। ଆସନ୍ତା ଜାନୁଆରୀ ପହିଲାରେ ଘୋଷ୍ଟ ଷ୍ଟୋରିଜ୍ ସିନେମା ରିଲଜ୍ ହେବ।
ଏହି ଷ୍ଟୋରିକୁ ଲେଖିଛନ୍ତି – ସଞ୍ଜୟ ପ୍ରଧାନ
