ରାଜଧାନୀ ଭୁବନେଶ୍ୱର ପାଳୁଛି ପ୍ରତିଷ୍ଠା ଦିବସ। ୭୫ ବର୍ଷରେ ପାଦ ଥାପିଛି ରାଜଧାନୀ। ଏଥିନିମନ୍ତେ ରାଜ୍ୟ ସରକାରଙ୍କ ପକ୍ଷରୁ ସ୍ୱତନ୍ତ୍ର କାର୍ଯ୍ୟକ୍ରମ ଆୟୋଜିତ ହେଉଛି। ଏକ ପାରମ୍ପାରିକ ସହରର ଛାପ ହଜାଇ ଗଢା ହେଇଛି ପାଶ୍ଚାତ୍ୟ ସହର। ୭୫ ବର୍ଷ ତଳେ ସବୁଜିମାରେ ଖୁନ୍ଦି ହୋଇଥିବା ଭୁବନେଶ୍ୱରରେ ଏବେ ବସନ୍ତ ମଳୟ ପରିବର୍ତ୍ତେ ଇତ୍ତପ୍ତ ଚଟାଣର ହାୱା। ମନ୍ଦିର ମାଳିନୀ ଏବେ କ୍ରୀଡ଼ା ରାଜଧାନୀ। ରାଜଧାନୀରେ ପରିବର୍ତ୍ତନ ହୋଇଛି। ଓଡିଶାର ରାଜଧାନୀ ହେବା ପଛରେ ଅନେକ ତଥ୍ୟ ଲୁଚି ରହିଛି। ୧୯୪୮ ପୁର୍ବରୁ କଟକ ଓଡ଼ିଶାର ରାଜଧାନୀ ଥିଲା। କିଛି ସ୍ୱତନ୍ତ୍ର କାରଣ ହେତୁ କଟକରୁ ଭୁବନେଶ୍ୱରକୁ ରାଜଧାନୀ ସ୍ଥାନାନ୍ତରୀତ ହୋଇଥିଲା। ୧୯୪୮ ଅପ୍ରେଲ୍ ୧୩ ରେ ଭୁବନେଶ୍ୱରକୁ ଓଡିଶାର ରାଜଧାନୀ ଭାବରେ ଘୋଷଣା କରାଯାଇଥିଲା।
