ନ୍ୟୁଜ୍/ ପଲିଟିକ୍ସ

ସୋନିଆ ଗାନ୍ଧିଙ୍କ ଦୁର୍ଗରେ ରେଲଓ୍ୱେ ଓ ଗଙ୍ଗା ଏକ୍ସପ୍ରେସରେ ପଶିବ BJP

କଂଗ୍ରେସର ଗଡ଼ ଆମେଥିକୁ ଅକ୍ତିଆର କରିବା ପରେ ବିଜେପିର ଟାର୍ଗେଟକୁ ଆସିଛି ରାଏବରେଲି।କଂଗ୍ରେସର ପୂର୍ବତନ କଂଗ୍ରେସ ଅଧ୍ୟକ୍ଷ ସୋନିଆ ଗାନ୍ଧିଙ୍କ ଆସନ ରାଏବରେଲିକୁ ୨୦୨୪ରେ ଜିତିବା ଲାଗି ବିଜେପି ପ୍ଲାନ କଲାଣି।୨୦୦୪ରୁ ରାଏବରେଲିରୁ ଲଗାତର ୫ଥର ଜିତୁଥିବା ସୋନିଆଙ୍କୁ ହରାଇବା ଲାଗି ବିକାଶ ମୂଳକ ପ୍ରକଳ୍ପ କାର୍ଯ୍ୟ ତରାନ୍ୱିତ କରୁଛନ୍ତି ବିଜେପିର କେନ୍ଦ୍ର ଓ ଉତ୍ତର ପ୍ରଦେଶ ସରକାର।ୟୁପିକୁ କଂଗ୍ରେସ ମୁକ୍ତ କରିବାକୁ ରାଏବରେଲି ଅକ୍ତିଆର ପାଇଁ ଦିନେଶ ପ୍ରତାପ ସିଂହଙ୍କୁ ଭରସା କରୁଛି ବିଜେପି।

ଯୋଗୀ-ଦିନେଶ-ଶାହ

ଅବଶ୍ୟ ୫ବର୍ଷ ଆଗରୁ ଆମେଥିରେ ସ୍ମୃତି ଇରାନୀଙ୍କୁ ବିଜେପି ପ୍ରୋଜେକ୍ଟ କରିଥିଲା।ଫଳରେ ୨୦୧୪ରେ ୧ଲକ୍ଷ ୭ହଜାର ୯୦୩ଭୋଟ ବ୍ୟବଧାନରେ ପରାଜିତ ହୋଇଥିବା ସ୍ମୃତି,୨୦୧୯ରେ ୫୫ହଜାର ୧୨୦ଭୋଟରେ ରାହୁଲ ଗାନ୍ଧିଙ୍କୁ ପରାଜିତ କଲେ।ସ୍ମୃତିଙ୍କ ପରି ୨୦୧୯ନିର୍ବାଚନରେ ସୋନିଆଙ୍କ ଠାରୁ ୧ଲକ୍ଷ ୬୭ହଜାର ୧୭୮ଭୋଟ ବ୍ୟବଧାନରେ ପରାଜିତ ଦିନେଶ ପ୍ରତାପଙ୍କୁ ବିଜେପି ଏବେଠାରୁ କ୍ଷମତା ପ୍ରଦାନ କଲାଣି।୨୦୧୮ପର୍ଯ୍ୟନ୍ତ ୟୁପି ବିଧାନ ପରିଷଦରେ କଂଗ୍ରେସ ସଭ୍ୟ ରହିଥିବା ଦିନେଶ ପ୍ରତାପ ମଧ୍ୟ ସୋନିଆଙ୍କୁ ଚେକ୍ ଦେବାକୁ ଲାଗି ପଡିଲେଣି।

ଇନ୍ଦିରାଙ୍କ ରାଏବରେଲିରେ କଂଗ୍ରେସ ଦୁର୍ବଳ
ଏକଦା ଇନ୍ଦିରା ଗାନ୍ଧିଙ୍କ ସଂସଦୀୟ କ୍ଷେତ୍ର ଥିବା ରାଏବରେଲିରେ ୨୦୧୭ ବିଧାନସଭା ନିର୍ବାଚନରେ ବିଜେପି ୩ଟି ଆସନ ଜିଣିଥିଲା।ଅନ୍ୟପକ୍ଷରେ ଗାନ୍ଧି ପରିବାରର ହୋମଟର୍ଫ ରାଏବରେଲିର ମାତ୍ର ୨ଟି ବିଧାନସଭା ଆସନରେ କଂଗ୍ରେସ ବିଜୟୀ ହୋଇଥିଲା।ଆଗାମୀ ନିର୍ବାଚନରେ ସୋନିଆଙ୍କୁ ହରାଇବା ଲାଗି ୟୁପିର ଯୋଗୀ ସରକାର ରାଏବରେଲିର ବିକାଶକୁ ପ୍ରାଥମିକତା ଦେଉଛନ୍ତି।ସ୍ୱାସ୍ଥ୍ୟସେବାକୁ ଉନ୍ନତି କରିବା ଲାଗି ୨୦୨୦ସୁଦ୍ଧା ରାଏବରେଲି AIIMSକୁ ଲୋକାର୍ପିତ କରିବାକୁ ଯୋଗୀ ସରକାର ନିଷ୍ପତ୍ତି ନେଇଛନ୍ତି।
ସେହିପରି ଗଙ୍ଗା ଏକ୍ସପ୍ରେସକୁ ରାଏବରେଲି ସହ ସଂଯୋଗ କରି ଗମନା ଗମନାକୁ ଉନ୍ନତ କରାଯାଉଛି।ଏହାବାଦ ଅତ୍ୟାଧୁନିକ ରେଳଡବା ନିର୍ମାଣ କାରଖାନାକୁ ସମ୍ପୂର୍ଣ୍ଣ କାର୍ଯ୍ୟକ୍ଷମ କରି ସ୍ଥାନୀୟ ଯୁବକଙ୍କୁ ନିଯୁକ୍ତି କରୁଛି ବିଜେପି।ସେହିଭଳି ସହରାଞ୍ଚଳର ବିକାଶ ଲାଗି SMART CITYଯୋଜନାରେ ରାଏବରେଲିକୁ ଅର୍ନ୍ତଭୁକ୍ତ କରୁଛନ୍ତି ସରକାର।
ୟୁପି ବିଜେପି ମୁଖପାତ୍ର ରାକେଶ ତ୍ରିପାଠୀ କହୁଛନ୍ତି“ଏଥର ମଧ୍ୟ ଆମେଥି ପରି ରାଏବରେଲିରୁ ଆମେ ଜିତିଥାନ୍ତୁ।ତେବେ ଭୋଟର ଭାବିଲେ ସୋନିଆ ଗାନ୍ଧିଙ୍କ ଏହା ଶେଷ ନିର୍ବାଚନ,ତେଣୁ ସେମାନେ ସୋନିଆଙ୍କୁ ଜିତାଇଲେ।କିନ୍ତୁ୨୦୨୪ରେ ରାଏବରେଲିରେ ବିଜେପି ନିଶ୍ଚିତ ଜିତିବ”।ଅନ୍ୟପକ୍ଷରେ ଆମେଥି ଓ ରାଏବରେଲିରେ ଦଳୀୟ ସ୍ଥିତିକୁ ନେଇ ସୋନିଆ ଓ ପ୍ରିୟଙ୍କା ଗାନ୍ଧି ଭଦ୍ରା ଏକ ଜରୁରୀ ବୈଠକ କରିଛନ୍ତି। ଲେଖା-ଦେବେନ୍ଦ୍ର ନାୟକ 

You Might Also Like

No Comments

Leave a Reply