Featured/ ନ୍ୟୁଜ୍

ସ୍ୱାସ୍ଥ୍ୟବୀମାକୁ ନେଇ ସୁପ୍ରିମ ରାୟ

ସ୍ୱାସ୍ଥ୍ୟବୀମାକୁ ନେଇ ରାୟ ଶୁଣାଇଛନ୍ତି ସୁପ୍ରିମକୋର୍ଟ।ସ୍ୱାସ୍ଥ୍ୟବୀମା ପଲିସି ନେଇ କୌଣସି ବାହାନା ଦେଖାଇ କ୍ଲେମ ପ୍ରତ୍ୟାଖ୍ୟାନ କରିପାରିବେନି କମ୍ପାନୀ।ଥରେ  ସ୍ୱାସ୍ଥ୍ୟ ବୀମା କରିବା ପରେ କମ୍ପାନୀ ବର୍ତ୍ତମାନର ସ୍ୱାସ୍ଥ୍ୟ କଥା କହି ହିତାଧିକାରୀଙ୍କ ଚିକିତ୍ସା ଖର୍ଚ୍ଚ ବହନ କରିବାକୁ ମନା କରିପାରିବ ନାହିଁ।ସୁପ୍ରିମକୋର୍ଟ ଇନସ୍ୟୁରେନ୍ସ କ୍ଲେମକୁ ନେଇ ଏକ ମାମଲାର ଶୁଣାଣି କରି କହିଛନ୍ତି,ଏକ ବୀମା କମ୍ପାନୀ ପଲିସି ଇସୁ ପରେ ପ୍ରସ୍ତାବ ଫର୍ମରେ ବୀମାଭୁକ୍ତ ବ୍ୟକ୍ତିଙ୍କ ଦ୍ୱାରା ପ୍ରକାଶିତ ବର୍ତ୍ତମାନର ସ୍ୱାସ୍ଥ୍ୟାବସ୍ଥାକୁ ଦର୍ଶାଇ କୌଣସି  ହେଲ୍ଥ କ୍ଲେମ୍‌କୁ  ଖାରଜ କରିପାରିବେ ନାହିଁ।ଜଷ୍ଟିସ ଡିଓ୍ୱାଇ ଚନ୍ଦ୍ରଚୂଡ ଓ ଜଷ୍ଟିସ ଭିଭି ନାଗରତ୍ନାଙ୍କ ଦ୍ୱାରା ଗଡିତ ଖଣ୍ଡପୀଠ ଏହି ରାୟ ଶୁଣାଇଛନ୍ତି।

ସୁପ୍ରିମକୋର୍ଟ

ଆଉ ଚଳିବନି ବାହାନା
ସୁପ୍ରିମକୋର୍ଟ ମନମୋହନ ନନ୍ଦା ନାମକ ଜଣେ ବ୍ୟକ୍ତି କରିଥିବା ଆବେଦନର ଶୁଣାଣି କରିଥିଲେ।ମନମୋହନ ‘ଓଭରସିଜ୍‌ ମେଡିକ୍ଲେମ ବିଜନେସ୍ ଆଣ୍ଡ ହଲିଡେ’ ପଲିସି କିଣିଥିଲେ। ଏହାପରେ ସେ ଆମେରିକା ଯାଇଥିଲେ। ସାନ ଫ୍ରାନସିସ୍କୋରେ ପହଁଚିବା ପରେ ତାଙ୍କୁ ହୃଦଘାତ ଏହାପରେ ସେ ବୀମା ଟଙ୍କା ନେବାକୁ ଆବେଦନ କରିଥିଲେ।କିନ୍ତୁ କମ୍ପାନୀ ବ୍ୟକ୍ତିଙ୍କର ହାଇପରଲିପିଡିମିଆ ଓ ଡାଏବେଟିସ୍ ଥିବା କହିଥିଲା। ଏହି ସବୁ ତଥ୍ୟ ମନମୋହନ ଫର୍ମରେ ଲେଖିନଥିବା କମ୍ପାନୀ କହି ତାଙ୍କ ହେଲ୍ଥ କ୍ଳେମ୍‌କୁ ଖାରଜ କରିଦେଇଥିଲା।ସେଏନସିଡିଆରସିଙ୍କ ନିଷ୍ପତ୍ତିକୁ ଚ୍ୟାଲେଞ୍ଜ୍ ଦେଇଥିଲେ ।ଏବେ ସୁପ୍ରିମକୋର୍ଟ କମ୍ପାନୀ ଦ୍ୱାରା ବୀମା ଆବେଦନ ଖାରଜକୁ ବେଆଇନ ବୋଲି କହିଛନ୍ତି।ଯେଉଁ ରୋଗ ବୀମାରୁ ସମ୍ପୂର୍ଣ୍ଣ ଭାବେ ବାଦ୍ ପଡିନି ସେଥିପାଇଁ କମ୍ପାନୀ କ୍ଷତିପୂରଣ ଦେବାକୁ ମନା କରିପାରିବ ନାହିଁ ବୋଲି କୋର୍ଟ ନିଷ୍ପତ୍ତି ଶୁଣାଇଛନ୍ତି।

You Might Also Like

No Comments

Leave a Reply