ଆସନ୍ତା ମେ ୩୦ରୁ ଇଂଲଣ୍ଡରେ ଆରମ୍ଭ ହେବ କ୍ରିକେଟର ମହାକୁମ୍ଭ ବିଶ୍ୱକପ୍।ବିଶ୍ୱର ଟପ୍ ଟେନ୍ ଟିମ୍ର ନଜର ଏବେ ବିଶ୍ୱକପ୍ ଉପରେ। ବିଶ୍ୱବିଜୟୀ ହେବା ଲକ୍ଷ୍ୟରେ କସରତ ଚାଲିଛି ଏଥିପାଇଁ ଫୋକସରେ ଶ୍ରେଷ୍ଠ ଟିମ୍ ଚୟନ। ଏପ୍ରିଲ୧୫ ସୁଦ୍ଧା ପ୍ରତିଯୋଗୀ ଦେଶ ନିଜ ନିଜ ଟିମ୍ ଘୋଷଣା କରିବେ।ଏହାରି ଭିତରେ ପାକିସ୍ତାନ କ୍ରିକେଟ ଟିମ୍ର ଏକ ଖବରକୁ ନେଇ ଚର୍ଚ୍ଚା।
୧୯୯୨ରେ ଇମ୍ରାନ ଖାନଙ୍କ ନେତୃତ୍ୱରେ ପ୍ରଥମ ଥର ବିଶ୍ୱବିଜେତା ହୋଇଥିଲା ପାକିସ୍ତାନ।ଥରେ ରନର୍ସ ଅପ୍। ତା’ପରଠୁ କେବେ ବିଶ୍ୱକପ୍ ବିଜୟୀ ହେବା ସୌଭାଗ୍ୟ ଜୁଟିନି।ଏବେ ବିଶ୍ୱକପ୍ ପ୍ରସ୍ତୁତି ଚଳାଇଥିବା ବେଳେ ଖେଳାଳିଙ୍କ ଫିଟନେସ୍ ସମସ୍ୟା ଟିମ୍ ମ୍ୟାନେଜମେଣ୍ଟ ପାଇଁ ଟେନସନ୍।ଖେଳାଳିଙ୍କ ଫିଟନେସକୁ ନେଇ ସାଂଘାତିକ କଥା କହିଛନ୍ତି ପୂର୍ବତନ ଅଧିନାୟକ ଓ୍ଵାସିମ୍ ଆକ୍ରମ୍।ଖେଳାଳି ବିରିୟାନୀ ଖାଇବା କଥାକୁ ନେଇ ପ୍ରଶ୍ନ କରିଛନ୍ତି।ବିଶ୍ୱକପ୍ ପାଇଁ ପ୍ରସ୍ତୁତି ଚଳାଇଥିବା ଟିମ୍କୁ କାହିଁକି ବିରିୟାନୀ ଖାଇବାକୁ ଦିଆ ଯାଉଛି।ଟିମ୍ ମ୍ୟାନେଜମେଣ୍ଟ ଉପରେ ବିରକ୍ତି ପ୍ରକାଶ କରି ଆକ୍ରମ ଅଭିଯୋଗ କରିଛନ୍ତି,ଖେଳାଳିଙ୍କ ଫିଟନେସ୍ ପ୍ରତି ଧ୍ୟାନ ଦିଆଯାଉନି।ବିଶ୍ୱକପର ଦୁଇ ମାସ ପୂର୍ବରୁ ଖେଳାଳିଙ୍କୁ ବିରିୟାନୀ ପରଷା ଯିବା କଥା ନୁହେଁ।
ସମସ୍ତେ ଭାବୁଥିବେ ପାକିସ୍ତାନ କ୍ରିକେଟରଙ୍କୁ ବିରିୟାନୀ ଖାଇବାକୁ ନେଇ କାହିଁକି ଚର୍ଚ୍ଚା? ଅସଲ କଥା ହେଲା,ଖେଳାଳିଙ୍କୁ ମୋଟାପଣ ଦୂରେଇ ରହିବା ଉଚିତ୍। ବାଲାନ୍ସ ଡାଏଟ୍ରେ ରହିଲେ ଖେଳାଳି ଫିଟ୍ ରୁହନ୍ତି। ବଡ଼ ବଡ଼ ସେ୍ପାର୍ଟସ ଇଭେଣ୍ଟ ପ୍ରସ୍ତୁତିରେ ଡାଏଟ୍ କଣେ୍ଟ୍ରାଲ୍ ବଡ଼ ଅସ୍ତ୍ର ହୋଇଥାଏ। ଖେଳାଳି ଫିଟ୍ ନରହିଲେ ଫର୍ମ ବିଗିଡ଼ି ଯାଇଥାଏ।ଯେଉଁ ସମସ୍ୟା ପାକିସ୍ତାନ କ୍ରିକେଟର ଏବେ ଭୋଗୁଛନ୍ତି।ଅଭିଜ୍ଞ ଓ୍ଵାସିମ୍ ଆକ୍ରମ ଏକଥା ବୁଝିଛନ୍ତି।ସେଥିପାଇଁ ପାକିସ୍ତାନ କ୍ରିକେଟ ମ୍ୟାନେଜମେଣ୍ଟ ଉପରେ ବର୍ଷିଛନ୍ତି ଆକ୍ରମ।
ଏମିତି ବି ପାକିସ୍ତାନ କ୍ରିକେଟ ଟିମର ପ୍ରଦର୍ଶନ ଏବେ ଖରାପ୍ ରହିଛି।ଖରାପ୍ ଫିଟନେସ୍ ପାଇଁ ଗତ କିଛି ସିରିଜରେ ଦଳ ପରାଜୟର ମୁହଁ ଦେଖିଛି।୨୦୧୭ରେ ଚାମ୍ପିଅନ୍ସ ଟ୍ରଫି ବିଜୟୀ ହେବା ପରଠୁ କୌଣସି ଟୁର୍ଣ୍ଣାମେଣ୍ଟରେ ଭଲ ପ୍ରଦର୍ଶନ କରିନାହିଁ। ନ୍ୟୁଜିଲାଣ୍ଡ,ସାଉଥ ଆଫ୍ରିକା ଓ ଅଷ୍ଟ୍ରେଲିଆ ବିପକ୍ଷରେ ଦିନିକିଆ ସିରିଜ ହାତ ଛଡ଼ା କରିଛି ପାକିସ୍ତାନ।ଅଷେ୍ଟ୍ରଲିଆ ଠାରୁ ସିରିଜ ପରାଜୟ ପରେ କୋଚ୍ ମିକି ଆର୍ଥର ଖେଳାଳିଙ୍କ ଫିଟନେସକୁ ନେଇ ପ୍ରଶ୍ନ ଉଠାଇଥିଲେ।
ପଢ଼ନ୍ତୁ- VP-ଅଟଳଙ୍କ କ୍ୟାବିନେଟରେ ପୁରୀ ସାଂସଦଙ୍କୁ ମିଳିଥିଲା ସ୍ଥାନ:ସେହି ଫର୍ମୁଲା ଆପଣାଇବେ କି ମୋଦି?
