ହିନ୍ଦୁ ଧର୍ମ ବଦଳାଇ ଇସଲାମ୍ ହେଲେ,କଟିବ ଜାତି କୋଟା

0 Comments read News

ହିନ୍ଦୁ ଧର୍ମ ପରିବର୍ତ୍ତନ କଲେ ଆଉ ମିଳିବନି ପଛୁଆ ବର୍ଗର ସଂରକ୍ଷଣ ସୁବିଧା, ଏଭଳି ଗୁରୁତ୍ୱପୂର୍ଣ୍ଣ ରାୟ ଦେଇଛନ୍ତି ସୁପ୍ରିମକୋର୍ଟ । ଜଷ୍ଟିସ୍ ପ୍ରଶାନ୍ତ ମିଶ୍ର ଏବଂ ଜଷ୍ଟିସ୍ ଶ୍ରୀ ଚନ୍ଦ୍ରଶେଖରଙ୍କ ରାୟ ଅନୁଯାୟୀ, ହିନ୍ଦୁ ଧର୍ମ ଛାଡିବା ପରେ ହିନ୍ଦୁ ଧର୍ମର ଜାତିଗତ ପରିଚୟ ଆଧାରରେ ସେହି ବ୍ୟକ୍ତି ଇସଲାମ ଧର୍ମର ପଛୁଆବର୍ଗ ସଂରକ୍ଷଣ ସୁବିଧା ଦାବି କରାଯାଇ ପାରିବେ ନାହିଁ । ମାଡ୍ରାସ ହାଇକୋର୍ଟଙ୍କ ରାୟକୁ ସଠିକ୍ ଦର୍ଶାଇ ସୁପ୍ରିମକୋର୍ଟ କହିଛନ୍ତି ଯେ “ଜଣେ ଇସଲାମ୍ ଧର୍ମ ଗ୍ରହଣ କଲେ, ସେହି ବ୍ୟକ୍ତି ତାମିଲନାଡୁର ମୁସୁଲମାନଙ୍କ ପାଇଁ ଥିବା 7ଟି ପଛୁଆ ବର୍ଗ କ୍ୟାଟେଗୋରୀ ମଧ୍ୟରୁ କୌଣସି ଗୋଟିକରେ ବି ସଦସ୍ୟ ହୋଇପାରିବେ ନାହିଁ। ହିନ୍ଦୁ ଧର୍ମ ପରିବର୍ତ୍ତନ ପୂର୍ବରୁ ତାଙ୍କର ଜାତିଗତ ପରିଚୟକୁ ମୁସଲିମ୍ ପଛୁଆ ବର୍ଗ ଶ୍ରେଣୀରେ ସ୍ଥାନାନ୍ତର କରାଯାଇ ପାରିବ ନାହିଁ। ସେହିପରି, କୌଣସି ଧାର୍ମିକ ସଂଗଠନ ଜଣେ ବ୍ୟକ୍ତିଙ୍କର ସଂରକ୍ଷଣ ପାଇବାର ଯୋଗ୍ୟତାକୁ ନିର୍ଦ୍ଧାରଣ କରିପାରିବ ନାହିଁ।”

ପୂର୍ବରୁ ମାଡ୍ରାସ ହାଇକୋର୍ଟ କହିଥିଲେ ଯେ, ଜଣେ ବ୍ୟକ୍ତି ଇସଲାମ୍ ଧର୍ମ ଗ୍ରହଣ କରିବା ପରେ ହିନ୍ଦୁ ଧର୍ମରେ ମିଳୁଥିବା ଜାତିଗତ ପରିଚୟ ଆଧାରରେ ପଛୁଆ ବର୍ଗ ସଂରକ୍ଷଣ ସୁବିଧା ଦାବି କରିପାରିବେ ନାହିଁ।କିନ୍ତୁ ତାମିଲନାଡୁ ସରକାର ହିନ୍ଦୁ ଧର୍ମ ଛାଡି ଇସଲାମ୍ ଗ୍ରହଣ କରୁଥିବା ବ୍ୟକ୍ତିଙ୍କୁ ଜାତିଗତ ସଂରକ୍ଷଣ ସୁବିଧା ଦେବା ପାଇଁ ଯୁକ୍ତି କରୁଥିଲେ। ସେଥିପାଇଁ ମାଡ୍ରାସ ହାଇକୋର୍ଟଙ୍କ ରାୟକୁ ଚ୍ୟାଲେଞ୍ଜ କରି ତାମିଲନାଡୁ ସରକାର ସୁପ୍ରିମକୋର୍ଟରେ ଯାଇଥିଲେ । କିନ୍ତୁ ତାମିଲିନାଡୁ ସରକାରଙ୍କର ଆବେଦନକୁ ସୁପ୍ରିମକୋର୍ଟ ଖାରଜ କରିଦେଇଛନ୍ତି ।

  • ସେହିଭଳି ସମ୍ବିଧାନର ଅନୁସୂଚିତ ଜାତି ଆଦେଶ ଅନୁଯାୟୀ, ହିନ୍ଦୁ, ଶିଖ୍ କିମ୍ବା ବୌଦ୍ଧ ଧର୍ମ ବ୍ୟତୀତ ଅନ୍ୟ ଧର୍ମ ପାଳନ କରୁଥିବା ବ୍ୟକ୍ତିଙ୍କୁ ଅନୁସୂଚିତ ଜାତି ବା ସିଡ୍ୟୁଲ୍ କାଷ୍ଟ ବର୍ଗର ସଦସ୍ୟ ଭାବେ ଗଣନା କରାଯିବ ନାହିଁ ।
  • ତେଣୁ ଜଣେ ଅନୁସୂଚିତ ଜାତି ବର୍ଗର ବ୍ୟକ୍ତି ଯଦି ଇସଲାମ୍ ଧର୍ମ ଗ୍ରହଣ କରନ୍ତି, ତେବେ ତାଙ୍କର SC ସଂରକ୍ଷଣ ସୁବିଧା ଆପେ ଆପେ ହଟିଯିବ ।
  • ଏପରିକି ଜଣେ ହିନ୍ଦୁ, ଧର୍ମ ପରିବର୍ତ୍ତନ କଲେ ଇସଲାମ୍ ଧର୍ମର ପଛୁଆ ବର୍ଗର ସଦସ୍ୟତା ଆପେ ଆପେ ମିଳିବ ନାହିଁ
  • ଅର୍ଥାତ ଇସଲାମ୍ ଧର୍ମର ଅଧିସୂଚିତ ପଛୁଆ ବର୍ଗର ସଦସ୍ୟତା ପାଇବା ପାଇଁ ହିନ୍ଦୁ ଧର୍ମର ପୂର୍ବ ଜାତିଗତ ପଛୁଆପଣକୁ ଆଇନଗତ ଆଧାର ଭାବେ ଗ୍ରହଣ କରାଯାଇ ପାରିବ ନାହିଁ।
  • ସେହିଭଳି ପୁନର୍ବାର ହିନ୍ଦୁ ଧର୍ମକୁ ଫେରିଲେ ମଧ୍ୟ ସଂରକ୍ଷଣ ସ୍ୱତଃ ମିଳିବ ନାହିଁ।
  • ସୁପ୍ରିମକୋର୍ଟଙ୍କ ଏହି ଗୁରୁତ୍ୱପୂର୍ଣ୍ଣ ରାୟ ପରେ ହିନ୍ଦୁ ଧର୍ମରୁ ଇସଲାମକୁ ପରିବର୍ତ୍ତନ ହେଉଥିବା ସଂଖ୍ୟା ଉପରେ ଅକୁଂଶ ଲାଗିପାରେ।
    ଏ ଷ୍ଟୋରୀ ଲେଖିଛନ୍ତି-ବିଜୟ କେତନ ବରାଳ

ପୁରୀରେ କାହା ପଲ୍ଲା ଭାରି? ଧର୍ମେନ୍ଦ୍ରଙ୍କୁ ଚେକ୍ ଦେଉଛନ୍ତି କି ମୋହନ

0 Comments read News, Politics

ପୁରୀ ପଲିଟିକ୍ସକୁ ନେଇ ମୁଖ୍ୟମନ୍ତ୍ରୀ ମୋହନ ମାଝୀ ଏବଂ ପୂର୍ବତନ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ମଧ୍ୟରେ ଚାଲିଛି କୋଲ୍ଡ ୱାର । ପୂର୍ବତନ ବିଧାୟକ ମାନଙ୍କୁ ନେଇ ଧର୍ମେନ୍ଦ୍ର ପ୍ରଧାନ ବଳ କଷୁଥିଲା ବେଳେ CMଙ୍କ କ୍ୟାମ୍ପରେ ଅଛନ୍ତି ଷ୍ଟାଣ୍ଡିଂ MLA । ତେବେ ପ୍ରଶ୍ନ, କାହା କଣ୍ଟ୍ରୋଲରେ ପୁରୀ? ଅକ୍ଟୋବର 11 ତାରିଖ ରାତିରେ ପୁରୀରେ ଡେରା ପକାଇଥିଲେ ଧର୍ମେନ୍ଦ୍ର ପ୍ରଧାନ । 12 ତାରିଖ ସକାଳୁ ସେବା ସଙ୍କଳ୍ପ ଅଭିଯାନ ମାଧ୍ୟମରେ ପୁରୀ ବଡ଼ଦାଣ୍ଡ ଓ ଡିଷ୍ଟିକ୍ଟ ହେଡକ୍ୱାର୍ଡର ହସ୍ପିଟାଲର ସଫେଇ କଲେ । ଏହି ସ୍ୱଚ୍ଛତା କାର୍ଯ୍ୟକ୍ରମରେ ଧର୍ମେନ୍ଦ୍ରଙ୍କ ସହ ସାମିଲ ହେଲେ ପୁରୀ ସାଂସଦ ସମ୍ବିତ ପାତ୍ର, ସତ୍ୟବାଦୀ ବିଧାୟକ ଓମପ୍ରକାଶ ମିଶ୍ର, ପୁରୀର ପୂର୍ବତନ ବିଧାୟକ ଜୟନ୍ତ ଷଡ଼ଙ୍ଗୀ ଏବଂ ବ୍ରହ୍ମଗିରିର ପୂର୍ବତନ ବିଧାୟକ ଲଳିତେନ୍ଦୁ ବିଦ୍ୟାଧର ମହାପାତ୍ର । ସଂଧ୍ୟାରେ ଶ୍ରୀମନ୍ଦିର ପ୍ରତିହାରୀ ସେବାୟତଙ୍କ କାର୍ଯ୍ୟକ୍ରମରେ ଯୋଗ ଦେଲେ ଧର୍ମେନ୍ଦ୍ର, ସେହି ପ୍ରୋଗ୍ରାମରେ ଉପସ୍ଥିତ ରହିଲେ ଧର୍ମେନ୍ଦ୍ରଙ୍କ ଦୃଢ଼ ସମର୍ଥକ ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ଏବଂ ସଂସ୍କୃତି ମନ୍ତ୍ରୀ ସୂର୍ଯ୍ୟବଂଶୀ ସୁରଜ ।

ଧର୍ମେନ୍ଦ୍ରଙ୍କୁ ମୋହନଙ୍କ କାଉଣ୍ଟର
ଧର୍ମେନ୍ଦ୍ର ପ୍ରଧାନ ପୁରୀରେ ପ୍ରୋଗ୍ରାମ କଲେ ସେପଟେ ପୁରୀକୁ ମହାନଗର ନିଗମ ମାନ୍ୟତା ଦେଇ କ୍ରେଡିଟ୍ ନେଉଥିବା ମୁଖ୍ୟମନ୍ତ୍ରୀ, ଆକ୍ସନ୍ ମୁଡକୁ ଆସିଗଲେ। ଠିକ୍ ସେହିଦିନ, ମାନେ ଅକ୍ଟୋବର 12 ତାରିଖରେ ଲୋକସେବା ଭବନରେ ପୁରୀର ବିଭିନ୍ନ ବିକାଶ ମୂଳକ ପ୍ରକଳ୍ପ ଗୁଡ଼ିକର ସମୀକ୍ଷା କଲେ ମୁଖ୍ୟମନ୍ତ୍ରୀ।

  • ଧର୍ମେନ୍ଦ୍ରଙ୍କ ପୁରୀର ପ୍ରୋଗ୍ରାମକୁ ଭୁବନେଶ୍ୱରରୁ କଲେ କାଉଣ୍ଟର
  • ପଲିଟିକାଲି ନୁହେଁ ବରଂ ପ୍ରଶାସନିକ ଶୈଳୀରେ ଧର୍ମେନ୍ଦ୍ରଙ୍କୁ ମିଳିଲା କାଉଣ୍ଟର
  • ଧର୍ମେନ୍ଦ୍ରଙ୍କ ସଫେଇ ଓ ସେବାୟତଙ୍କ କାର୍ଯ୍ୟକ୍ରମରେ ଥିଲେ ପଲିଟିକାଲ୍ ଲିଡର
  • ମାତ୍ର ମୋହନଙ୍କ ମିଟିଂରେ ରହିଲେ ଅଫିସର
  • ଚିଫ୍ ସେକ୍ରେଟାରୀ, ଡେଭଲପମେଣ୍ଟ କମିଶନର, CMOର ଶାସ୍ୱତ ମିଶ୍ରଙ୍କ ସହ ପୁରୀ କଲେକ୍ଟର ଏବଂ SPଙ୍କୁ ନେଇ ମିଟିଂ କଲେ ମୋହନ ମାଝୀ

 

କେନ୍ଦ୍ରମନ୍ତ୍ରୀ ପଦରୁ ଧର୍ମେନ୍ଦ୍ର ପ୍ରଧାନ ବିଦା ହେଲା ପରେ ବଦଳିଛି ପୁରୀ ଜିଲ୍ଲାର ପଲିଟିକାଲ୍ ଇକ୍ୟୁଏସନ୍ । ଧର୍ମେନ୍ଦ୍ରଙ୍କୁ କରଛଡ଼ା ଦେଉଛନ୍ତି ନେତା। ପ୍ରଧାନଙ୍କ କ୍ୟାମ୍ପର ଟାଣୁଆ ନେତା ଏବେ ମୁଖ୍ୟମନ୍ତ୍ରୀଙ୍କ ଟିମରେ । ପୁରୀ ଜିଲ୍ଲାରେ ଥିବା 6ଟି ବିଧାନସଭା ଆସନରୁ 4ଟି ଆସନରେ ବିଜେପି ବାଜିମାତ୍ କରିଥିଲା । ସତ୍ୟବାଦୀ ବିଧାୟକ ଓମପ୍ରକାଶ ମିଶ୍ର ଏବଂ ପିପିଲି ବିଧାୟକ ଆଶ୍ରିତ ପଟ୍ଟନାୟକ ଯଦିଓ ପ୍ରାଇମେରୀ ଷ୍ଟେଜରେ ଧର୍ମେନ୍ଦ୍ରଙ୍କ ସହ ଥିଲେ, କିନ୍ତୁ ମନ୍ତ୍ରୀପଦ ଆଶାରେ ସେମାନେ ଏବେ ସିଏମଙ୍କ କ୍ୟାମ୍ପରେ । ନିମାପଡ଼ା MLA ତଥା ଡେପୁଟି ସିଏମ୍ ପ୍ରଭାତୀ ପରିଡ଼ା ତ ମୂଳରୁ ମନମୋହନ ସାମଲଙ୍କ ଟିମର । ବ୍ରହ୍ମଗିରିର ପୂର୍ବତନ ବିଧାୟକ ଲଳିତେନ୍ଦୁ ବିଦ୍ୟାଧର ମହାପାତ୍ର ଯଦିଓ ଧର୍ମେନ୍ଦ୍ରଙ୍କ କ୍ୟାମ୍ପରେ, କିନ୍ତୁ ତାଙ୍କ ଝିଆରି ତଥା ସିଟିଂ MLA ଉପାସନା ମହାପାତ୍ର ମୁଖ୍ୟମନ୍ତ୍ରୀଙ୍କ କ୍ୟାମ୍ପରେ । ଆଉ ପୁରୀ ସାଂସଦ ସମ୍ବିତ ପାତ୍ର ଆରମ୍ଭରୁ ଧର୍ମେନ୍ଦ୍ରଙ୍କ ବିରୋଧୀ ଏ ଦୃଷ୍ଟିରୁ ବିଚାର କଲେ ପୁରୀ ଜିଲ୍ଲା ବିଜେପିର 4 ଜଣ ଷ୍ଟାଣ୍ଡିଂ MLA ଏବଂ MP ଧର୍ମେନ୍ଦ୍ରଙ୍କ ସହ ନାହାନ୍ତି। ଏକ୍ସ MLAଙ୍କ ଭରସାରେ ପଲିଟିକାଲ୍ ଆଟେନସନ୍ ନେବାକୁ ଧର୍ମେନ୍ଦ୍ର ପ୍ରଧାନ ଚେଷ୍ଟା କରୁଥିଲା ବେଳେ ତାଙ୍କ ମିଟିଂକୁ ଫୁଜ୍ କରୁଛନ୍ତି ମୁଖ୍ୟମନ୍ତ୍ରୀ।  କିନ୍ତୁ ଆସନ୍ତା ଡିସେମ୍ବର ମାସରେ ଧର୍ମେନ୍ଦ୍ର ପ୍ରଧାନଙ୍କର ପୁରୀ ସହରର କାର୍ଯ୍ୟକ୍ରମ, ହୁଏତ ଓଡ଼ିଶା ରାଜନୀତିକୁ ହଲଚଲ୍ କରିପାରେ । ଯଦି ସାମାଜିକ କାର୍ଯ୍ୟକ୍ରମ ମାଧ୍ୟମରେ ଧର୍ମେନ୍ଦ୍ର ନିଜର ପଲିଟିକାଲ୍ ମୁଭମେଣ୍ଟରେ ସଫଳ ହୁଅନ୍ତି, ତାହାଲେ କେବଳ ମୁଖ୍ୟମନ୍ତ୍ରୀ ନୁହଁନ୍ତି, ବିଜୁ ଜନତା ଦଳକୁ ମଧ୍ୟ ବହୁତ ବଡ଼ ଝଟକା ମିଳିପାରେ ପୁରୀରୁ !
ଏ ଷ୍ଟୋରୀ ଲେଖିଛନ୍ତି-ବିଜୟ ବରାଳ

୨୮ ମାସରେ ୩ ରାଜ୍ୟପାଳ!କାହିଁକି ବଦଳୁଛନ୍ତି ଗଭର୍ଣ୍ଣର?

0 Comments read News, Politics

ଓଡ଼ିଶାର ନୂଆ ରାଜ୍ୟପାଳ ଭାବରେ ନିଯୁକ୍ତ ହୋଇଛନ୍ତି ବ୍ରଜମୋହନ ରାମ । 28 ମାସରେ ଓଡ଼ିଶା ଦେଖିଲା 3 ରାଜ୍ୟପାଳ । ବାରମ୍ବାର ରାଜ୍ୟପାଳ ବଦଳିକୁ ନେଇ ପଲିଟିକାଲ୍ ସର୍କଲ୍ ସରଗରମ । ଓଡ଼ିଶାରେ ଏବେ ଟ୍ରିପଲ୍ ମୋହନ ରାଜ୍ ଚାଲିବା ନେଇ ଚର୍ଚ୍ଚା । ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ରାଜ୍ୟପାଳ ବ୍ରଜ ମୋହନ ଏବଂ ବିଜେପିର ରାଜ୍ୟ ସଭାପତି ମନମୋହନ ସାମଲଙ୍କ ଅକ୍ତିଆରରେ ଏବେ ଓଡ଼ିଶା । ଓଡ଼ିଶାର ଗଭର୍ଣ୍ଣର ହରିବାବୁ କମ୍ଭମପାଟିଙ୍କୁ ରିପ୍ଲେସ୍ କରିଛନ୍ତି ବ୍ରଜମୋହନ ରାମ । CM ସିଟରେ ଆଦିବାସୀ ଚେହେରାଙ୍କୁ ଇଣ୍ଟ୍ରଡ୍ୟୁସ କରିଥିବା ବିଜେପି, ଗଭର୍ଣ୍ଣର ପଦରେ ଦଳିତ ନେତାଙ୍କୁ ବସାଇଛି । ଓଡ଼ିଶାର ନୂଆ ରାଜ୍ୟପାଳ ବ୍ରଜମୋହନ ରାମ ଝାଡ଼ଖଣ୍ଡର ଅନୁସୂଚିତ ଜାତି ମୋର୍ଚ୍ଚା ଦାୟିତ୍ୱ ତୁଲାଇଛନ୍ତି । 1996ରୁ 2004 ଯାଏଁ ପଲାମୁ ସିଟରୁ 3ଥର ଲୋକସଭାକୁ ପ୍ରତିନିଧିତ୍ୱ କରିଥିବା ବ୍ରଜମୋହନ, ଅନଡିଭାଇଡେଡ୍ ବିହାରରୁ ଲତେହାର ସିଟରୁ ବିଧାୟକ ହୋଇଥିଲେ । ବ୍ରଜମୋହନଙ୍କ ପାରିବା ପଣିଆକୁ ନୁହେଁ ବରଂ ବିଜେପି ସରକାରରେ ଗଭର୍ଣ୍ଣର ପୋଷ୍ଟକୁ ନେଇ ଚର୍ଚ୍ଚା।

ପ୍ରକୃତରେ ଅସୁବିଧା କେଉଁଠି, ରାଜ୍ୟପାଳଙ୍କ ଓଡ଼ିଶାରେ ରହିବାକୁ ଆଗ୍ରହ ନାହିଁ, ନା’ ରଖେଇ ଦେଉନାହାନ୍ତି ବିଜେପି ସରକାର । ହରିବାବୁ ବିଦା ହେବାର ଅସଲ କାରଣ କ’ଣ? ପୂର୍ବରୁ ଝାଡଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ରଘୁବାର ଦାସ ହଠାତ୍ ଓଡ଼ିଶା ରାଜ୍ୟପାଳ ପଦରୁ ଇସ୍ତଫା ଦେଲେ, ଆଉ ହରିବାବୁ ହଠାତ ବିଦା । ତେବେ ହରିବାବୁ କମ୍ଭମପାଟି ଗଭର୍ଣ୍ଣର ସିଟରୁ ହଟିବା ନେଇ କୌଣସି କନଫ୍ୟୁଜନ୍ ନାହିଁ କାରଣ ତାଙ୍କର 5 ବର୍ଷିଆ କାର୍ଯ୍ୟକାଳ ଶେଷ ହୋଇସାରିଛି ।

  • 2021 ମସିହା ଜୁଲାଇ 19 ତାରିଖରେ ମିଜୋରାମର ରାଜ୍ୟପାଳ ଆସନରେ ବସିଥିଲେ ହରିବାବୁ
  • 2025 ଜାନୁଆରୀ 2 ତାରିଖରେ ମିଜୋରାମ ଛାଡିଥିଲେ ହରିବାବୁ
  • 2025 ମସିହା ଜାନୁଆରୀ 3 ତାରିଖରୁ 2026 ଅକ୍ଟୋବର 12 ତାରିଖ ପର୍ଯ୍ୟନ୍ତ ଓଡ଼ିଶାର ଗଭର୍ଣ୍ଣର ସିଟରେ ବସିଲେ
  • ସମ୍ବିଧାନର ଅନୁଚ୍ଛେଦ 156(3) ଅନୁଯାୟୀ ରାଜ୍ୟପାଳଙ୍କ କାର୍ଯ୍ୟକାଳ ହେଉଛି 5 ବର୍ଷ
  • ସେହି ହିସାବରେ ହରିବାବୁଙ୍କ କାର୍ଯ୍ୟକାଳ 2026 ଜୁଲାଇ 18 ତାରିଖରୁ ଶେଷ ହୋଇଯାଇଛି
  • ମିଜୋରାମରେ 3 ବର୍ଷ 3 ମାସ 14 ଦିନ ଏବଂ ଓଡ଼ିଶାରେ ବର୍ଷେ 9 ମାସ 9 ଦିନକୁ ମିଶାଇ 5 ବର୍ଷ 2 ମାସ 23 ଦିନ କ୍ଷମତାରେ ରହିଛନ୍ତି ହରିବାବୁ
  • ଟର୍ମ କମ୍ପ୍ଲିଟ ହେବା ପରେ ମଧ୍ୟ 2 ମାସ 23 ଦିନ ଏକ୍ସଟ୍ରା ସମୟ ଗଭର୍ଣ୍ଣର ସିଟରେ ବସିଛନ୍ତି
  • ତାଙ୍କର ଟେନ୍ୟୁୟରକୁ ନେଇ କୌଣସି ସନ୍ଦେହ ନାହିଁ, କିନ୍ତୁ କଥା ହେଉଛି ଅନ୍ୟ କୌଣସି ରାଜ୍ୟର ଦାୟିତ୍ୱ ମିଳିନି
    ଓଡ଼ିଶାରୁ ବିଦା ହେବା ପଛରେ ତାଙ୍କର ଏକ୍ସଟ୍ରା ପଲିଟିକାଲ୍ ଇଣ୍ଟରଫେୟାରାନ୍ସ ହିଁ ମେନ୍ କଜ୍ ବୋଲି ଚର୍ଚ୍ଚା ହେଉଛି
  • ହରିବାବୁ ରାଜ୍ୟପାଳ ପଦର ମର୍ଯ୍ୟଦା ହାନୀ କରିଥିବାର ଅଭିଯୋଗ ହେଉଥିଲା
  • ପ୍ରୋଟୋକଲକୁ ଭାଙ୍ଗି ମନ୍ତ୍ରୀ ମାନଙ୍କର ଘରକୁ ଯାଇ ସେ ସାକ୍ଷାତ କରୁଥିଲେ
  • ମୁଖ୍ୟମନ୍ତ୍ରୀଙ୍କ ଅଧୀନରେ ଥିବା ଜଳସମ୍ପଦ ବିଭାଗର ସମୀକ୍ଷା ମଧ୍ୟ କରୁଥିଲେ, ଯାହା ପ୍ରୋଟୋକଲ୍ ବାହାରେ
  • ତେବେ ଏହା ପୂର୍ବରୁ ଓଡ଼ିଶାରେ ବିଜେପି ସରକାରକୁ ଆସିବାର 6ମାସ ପରେ ଗଭର୍ଣ୍ଣର ସିଟରୁ ହଟିଥିଲେ ରଘୁବର ଦାସ
  • ରଘୁବର ଦାସ 2024ଡିସେମ୍ବର 24 ତାରିଖରେ ହଠାତ୍ ରାଜ୍ୟପାଳ ପଦରୁ ଦେଇଥିଲେ ଇସ୍ତଫା
  • ଏବେ ଆସିଲେଣି ବ୍ରଜମୋହନ ରାମ
    ତେବେ ବିଜୁ ଜନତା ଦଳର 24 ବର୍ଷ ସରକାର ସମୟରେ ଓଡ଼ିଶାବାସୀ ଦେଖିଥିଲେ 6 ଜଣ ରାଜ୍ୟପାଳ, କିନ୍ତୁ ବିଜେପିର ମାତ୍ର 28 ମାସର ସରକାରରେ ଓଡ଼ିଶା ଦେଖିଲାଣି 3 ରାଜ୍ୟପାଳ ।
    ଏ ଷ୍ଟୋରୀ ଲେଖିଛନ୍ତି-ରଶ୍ମିତା ବେହେରା

ଛାତ୍ରନେତାଙ୍କୁ ଭରସା FaceBook-ଇନ୍‌ଷ୍ଟା-WhatsApp

0 Comments read News, Politics

କଲେଜ ଇଲେକ୍ସନକୁ ଭରସା ସୋସିଆଲ ମିଡିଆ । ଘରକୁ ଘର ଯାଇ କ୍ୟାମ୍ପେନ୍ କରିବାକୁ ସମୟ ପାଉ ନାହାନ୍ତି ଛାତ୍ରନେତା । FaceBook-ଇନ୍‌ଷ୍ଟା-WhatsAppରେ ଚାଲିଛି ପ୍ରଚାର । ଆସନ୍ତା 15 ତାରିଖରେ କଲେଜ ଇଲେକ୍ସନ, ହାତରେ ମାତ୍ର 3 ଦିନ ବାକି । 14 ତାରିଖରେ ହ୍ୱାଏ ଆଇ ଷ୍ଟାଣ୍ଡ ଫର ମିଟିଂ ପରେ କ୍ୟାମ୍ପସ ଭିତରେ ପ୍ରଚାର ମନା । ହାତରେ ଯଥେଷ୍ଟ ସମୟ ନଥିବାରୁ ହରଡ଼ଘଣାରେ ପ୍ରାର୍ଥୀ । ନା ଡୋର ଟୁ ଡୋର କ୍ୟାମ୍ପେନ୍ କରି ପାରୁଛନ୍ତି ନା କ୍ୟାମ୍ପସରେ କ୍ଲାସ୍ ୱାଇଜ୍ କ୍ୟାମ୍ପେନ ହେଇପାରୁଛି । ସବୁ ଷ୍ଟୁଡେଣ୍ଟ୍ସଙ୍କୁ ଭେଟି ଭୋଟ ମାଗିବାକୁ ନାହିଁ ସମୟ । ପୂର୍ବରୁ କଲେଜ ଇଲେକ୍ସନକୁ ନେଇ ଛାତ୍ର ନେତାଙ୍କ ପାଖରେ ଯଥେଷ୍ଟ ସମୟ ରହୁଥିଲା । ପ୍ରାର୍ଥୀ ହେବାର ବହୁ ପୂର୍ବରୁ ଚାଲୁଥିଲା ନନ୍ ଅଫିସିଆଲ କ୍ୟାମ୍ପେନିଂ ।  ଷ୍ଟୁଡେଣ୍ଟ୍ସ ୟୁନିୟନ୍ ଇଲେକ୍ସନ୍ ରେଗୁଲାର ହେଉଥିବାରୁ ନୋଟିଫିକେସନ ପୂର୍ବରୁ ବି ନିଜ ସପୋର୍ଟରଙ୍କ ସଂଖ୍ୟା ବଢାଉଥିଲେ ଷ୍ଟୁଡେଷ୍ଟ ଲିଡର । ଘରକୁ ଯାଇ ଛାତ୍ରଛାତ୍ରୀଙ୍କୁ ଭେଟୁଥିଲେ। କିନ୍ତୁ ଏଥର ସମୟ ଅଭାବ ପାଇଁ ଅଡ଼ୁଆରେ ପ୍ରାର୍ଥୀ। ଘରକୁ ଘର ଯାଇ ହେଉନି, ପ୍ରଚାର ପାଇଁ ଭରସା ସୋସିଆଲ ମିଡିଆ । ହ୍ୱାଟ୍ସପ୍ ଗ୍ରୁପ୍-ଫେସ୍‌ବୁକ-ଇନ୍‌ଷ୍ଟାଗ୍ରାମ୍‌ରେ ରିଲ୍ ଓ ପୋଷ୍ଟର ଜରିଆରେ ଚାଲିଛି ପ୍ରଚାର ।

2019ରେ ବାତ୍ୟାର କାରଣ ଦର୍ଶାଇ ଇଲେକ୍ସନ୍ ବନ୍ଦ କଲା ବିଜେଡି ସରକାର । ଚଳିତ ବର୍ଷ ମଧ୍ୟ ଛାତ୍ରସଂସଦ ନିର୍ବାଚନକୁ ନେଇ ନିଶ୍ଚିନ୍ତତା ନଥିଲା । ତରବରିଆ ଭାବରେ ଅକ୍ଟୋବର 5 ତାରିଖରେ କଲେଜ ଇଲେକ୍ସନକୁ ନେଇ ହିଣ୍ଟ୍ସ ଦେଲେ ମୁଖ୍ୟମନ୍ତ୍ରୀ। 7 ତାରିଖରେ ଆସିଲା ନୋଟିଫିକେସନ୍ । ମାତ୍ର 2 ଦିନ ଭିତରେ ପ୍ରାର୍ଥୀ କସରତରେ ଲାଗିଲେ ପଲିଟିକାଲ ପାର୍ଟି । 9 ତାରିଖରେ ନୋମିନେସନ ପରେ 10 ତାରିଖରେ ଆସିଲା ଫାଇନାଲ କ୍ୟାଣ୍ଡିଡେଟ ଲିଷ୍ଟ । 11 ତାରିଖ ରବିବାରରେ ବନ୍ଦ ରହିଲା କ୍ୟାମ୍ପସ । 15 ତାରିଖରେ ଭୋଟ ଥିଲା ବେଳେ ହାତରେ ମାତ୍ର 3 ୱାର୍କିଂ ଡେ । ଫଳରେ ଭୋଟରଙ୍କୁ କନଭିନ୍ସ କରିବାକୁ ପ୍ରାର୍ଥୀଙ୍କ ପାଖରେ ନାହିଁ ଯଥେଷ୍ଟ ସମୟ ।ଯଦିଓ 8 ବର୍ଷ ପରେ କଲେଜ ଇଲେକ୍ସନ୍ କରି ବିଜେପି ସରକାର ବାଃ ବାଃ ନେବାକୁ ଚେଷ୍ଟା କରିଛନ୍ତି ମାତ୍ର ପ୍ରାର୍ଥୀଙ୍କୁ ଅଡ଼ୁଆରେ ପକାଉଛି ଟାଇମ୍ ଫ୍ୟାକ୍ଟର । କଲେଜରେ ପ୍ରତିକ୍ରିୟା, ଇଲେକ୍ସନ୍ ବନ୍ଦ କରିଥିଲେ ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କିନ୍ତୁ ଇଲେକ୍ସନ୍ ପାଇଁ ପ୍ରପର ଷ୍ଟ୍ରାଟେଜି କରି ପାରୁନାହାନ୍ତି ମୁଖ୍ୟମନ୍ତ୍ରୀ ମୋହନ ମାଝୀ। ଷ୍ଟୁଡେଣ୍ଟ ପଲିଟିକକ୍ସକୁ ନେଇ ଉଭୟ ନବୀନ ଓ ମୋହନଙ୍କ ଫଣ୍ଡା ଠିକ୍ ନାହିଁ ବୋଲିି ଚର୍ଚ୍ଚା।
ଏ ଷ୍ଟୋରୀ ଲେଖିଛନ୍ତି- ରଶ୍ମିତା ବେହେରା

ୟୁନିଭରସିଟିରେ ଅଧ୍ୟାପକ ମରୁଡ଼ି, ୭୦% ପୋଷ୍ଟ ଖାଲି

0 Comments read News, Politics

ବିପର୍ଯ୍ୟସ୍ତ ଅବସ୍ଥାରେ ଓଡ଼ିଶାର ଉଚ୍ଚଶିକ୍ଷା। ଓଡ଼ିଶାର ୧୭ଟି ସରକରୀ ବିଶ୍ୱବିଦ୍ୟାଳୟରେ ଫାକଲ୍ଟି ସମସ୍ୟା ଜଟିଳ। ୩୦% ଅଧ୍ୟାପକଙ୍କ ଭରସାରେ ଚାଲିଛି ପାଠ ପଢା। ମଞ୍ଜୁରପ୍ରାପ୍ତ ପୋଷ୍ଟ ମଧ୍ୟରୁ ପ୍ରାୟ ୭୦% ଖାଲି ପଡ଼ିଛି। ଅଗଷ୍ଟ ୩୧ ସୁଦ୍ଧା ୨,୦୮୬ଟି ମଞ୍ଜୁରପ୍ରାପ୍ତ ଲେକଚର ପୋଷ୍ଟରୁ ୧,୪୫୦ ଓ ନନ୍ ଟିଚିଂ ପୋଷ୍ଟରୁ ୨,୧୫୦ରୁ ଅଧିକ ଭାକାଣ୍ଟ ଥିବା ତଥ୍ୟ ଦେଇଛନ୍ତି ଉଚ୍ଚଶିକ୍ଷା ମନ୍ତ୍ରୀ ସୂରଜ ସୂର୍ଯ୍ୟବଂଶୀ। ରାଜ୍ୟର ପ୍ରମୁଖ ବିଶ୍ୱବିଦ୍ୟାଳୟ ଉତ୍କଳ ୟୁନିଭରସିଟିରେ ମୋଟ ସବୁଠାରୁ ଅଧିକ ପୋଷ୍ଟ ଫାଙ୍କା ପଡ଼ିଛି। ୪୬ଟି ପ୍ରଫେସର ପୋଷ୍ଟରୁ ୩୯ ପୋଷ୍ଟ ଖାଲି। ୭୫ ଟି ଆସୋସିଏଟ ପ୍ରଫେସର ପୋଷ୍ଟରୁ ୫୨ଟି ଖାଲି ପଡ଼ିଛି, ୧୨୩ ଆସିଷ୍ଟାଣ୍ଡ ପ୍ରଫେସର ପୋଷ୍ଟରୁ ୫୧ ପୋଷ୍ଟ ଖାଲି। ଷ୍ଟୁଡେଣ୍ଟ ଟିଚର ରେସିଓ ରହିଛି ୨୨.୧। ରେଭେନ୍ସା ୟୁନିଭରସିଟିର ମଧ୍ୟ ସମାନ ଅବସ୍ଥା। ୨୯ଟି ପ୍ରଫେସର ପୋଷ୍ଟରୁ ୨୨, ୭୧ ଆସିଷ୍ଟାଣ୍ଟ ପ୍ରଫେସରରୁ ୫୫ଟି ୧୬୭ଟି ଆସୋସିଏଟ ପ୍ରଫେସର ପୋଷ୍ଟରୁ ୯୦ ପୋଷ୍ଟ ଫାଙ୍କା ପଡ଼ିଛି। ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ନିଜ ଜିଲ୍ଲାରେ ବି ୟୁନିଭସରିଟିର ଅବସ୍ଥା ଭଲ ନାହିଁ। ଷ୍ଟୁଡେଣ୍ଟ ଟିଚର ରେସିଓ ରହିଛି ୪୦:୧। ଧରଣୀଧର ୟୁନିଭରସିଟିରେ ୧୮ଟି ସାଙ୍କସନ୍ ପ୍ରଫେସର ପୋଷ୍ଟରୁ ଗୋଟାଏ ବି ପୂରଣ ହୋଇନି। ୩୭ଟି ଆସିଷ୍ଟାଣ୍ଡ ପ୍ରଫେସର ପୋଷ୍ଟରୁ ଜଣେ ମାତ୍ର ଅଛନ୍ତି, ବାକି ୩୬ ପୋଷ୍ଟ ଫାଙ୍କା। ସେହିଭଳି ୭୩ ଆସୋସିଏଟ ପ୍ରଫେସର ପୋଷ୍ଟରୁ ୬୯ ଫାଙ୍କା। ମୁଖ୍ୟମନ୍ତ୍ରୀଙ୍କ ନିଜ ଜିଲ୍ଲାରେ ସ୍ଥିତି ଅସମ୍ଭାଳ। ଲଜ୍ଜାଜନକ ଘଟଣାଟି ହେଉଛି ମଧୁସୂଦନ ଦାସଙ୍କ ନାଁରେ ନାମିତ ଆଇନ ବିଶ୍ୱବିଦ୍ୟାଳୟକୁ ସରକାରଙ୍କର ଦୃଷ୍ଟି ନାହିଁ। ସବୁତକ ସାଙ୍କସନ ପୋଷ୍ଟ ଫାଙ୍କା ପଡ଼ିଛି। ଠିକାରେ ଚାଲିଛି ଆଇନ ଶିକ୍ଷା। ଅସ୍ମିତାର କଥା କହୁଥିବା ବିଜେପି ସରକାରରେ ଓଡ଼ିଆ ବିଶ୍ୱବିଦ୍ୟାଳୟରେ କୌଣସି ମଞ୍ଜୁରପ୍ରାପ୍ତ ପୋଷ୍ଟ ପୂରଣ ହୋଇନି।

ରାଜ୍ୟର ବିଶ୍ୱବିଦ୍ୟାଳୟଗୁଡ଼ିକରେ ସବୁଠାରୁ ଅଧିକ ଅଭାବ ମଧ୍ୟମ ଏବଂ କନିଷ୍ଠ ସ୍ତରର ଫ୍ୟାକଲ୍ଟି ପଦରେ ରହିଛି। ମୋଟ ୫୯୩ଟି ମଞ୍ଜୁରପ୍ରାପ୍ତ ଆସୋସିଏଟ୍ ପ୍ରଫେସର ପୋଷ୍ଟରୁ ମଧ୍ୟରୁ ୪୭୦ଟି (୭୯%) ଖାଲି ଅଛି। ସେହିପରି ୧,୧୯୪ଟି ମଞ୍ଜୁରପ୍ରାପ୍ତ ଆସିଷ୍ଟାଣ୍ଟ ପ୍ରଫେସର ପୋଷ୍ଟରୁ ୭୧୫ଟି (୬୦%) ଖାଲି ଅଛି। ଏମିତି ହେବା ଦ୍ୱାରା ଟିଚର ଷ୍ଟୁଡେଣ୍ଟ ରେସିଓ ପ୍ରଭାବିତ ହେଉଛି। ଫ୍ୟାକଲ୍ଟି ଅଭାବରେ ଶିକ୍ଷା ମଧ୍ୟ ପ୍ରଭାବିତ ହେଉଛି। ଖଲ୍ଲିକୋଟ ୟୁନିଟାରୀ ବିଶ୍ୱବିଦ୍ୟାଳୟ- ୪୪:୧, ମା‘ ମାଣିକେଶ୍ୱରୀ ବିଶ୍ୱବିଦ୍ୟାଳୟ- ୩୮:୧  ,ରମାଦେବୀ ମହିଳା ବିଶ୍ୱବିଦ୍ୟାଳୟ-୩୮:୧, ବିକ୍ରମ ଦେବ ବିଶ୍ୱବିଦ୍ୟାଳୟ-୩୮:୧, ଗଙ୍ଗାଧର ମେହେର ବିଶ୍ୱବିଦ୍ୟାଳୟ-୩୫:୧ ରହିଛି ଶିକ୍ଷକ ଛାତ୍ର ଅନୁପାତ।

ନିୟମିତ ନିଯୁକ୍ତି ନହେବା ପର୍ଯ୍ୟ ବିଶ୍ୱବିଦ୍ୟାଳୟଗୁଡ଼ିକରେ ୪୨୫ ଜଣ ଅତିଥି ଅଧ୍ୟାପକ (Guest Faculty) ନିୟୋଜିତ ହୋଇଛନ୍ତି। ସରକାର OPSC ଜରିଆରେ ୩୮୫ଟି ପୋଷ୍ଟ ସହ ୩୦୪ଟି ପୋଷ୍ଟ ପାଇଁ Requisition ପଠାଇଥିବା ଚର୍ଚ୍ଚା। ଖୁବ୍ ଶୀଘ୍ର ପୋଷ୍ଟ ପୂରଣ ନ ହେଲେ ଉଚ୍ଚଶିକ୍ଷାର ସ୍ଥିତି ନୀଚ୍ଚ ପ୍ରମାଣିତ ହୋଇଯିବ।