କରୀନା କପୁର ଖାନ୍,ବଲିଉଡର ଏହି ଷ୍ଟାର ଅଭିନେତ୍ରୀଙ୍କ ହାତରେ ଖୁବ କମ ସିନେମା। ତଥାପି ତାଙ୍କର ଲୋକପ୍ରିୟତା କମିନାହିଁ। ୨୦୦୦ରେ ବଲିଉଡରେ ପାଦ ଦେଇଥିବା କରୀନାଙ୍କ ପ୍ରଥମ ଫିଲ୍ମ ଥିଲା ରିଫ୍ୟୁଜି।ଏଥିରୁ କିଛି ଖାସ୍ ସଫଳତା ମିଳିନଥିଲା, କିନ୍ତୁ ଏହାପରେ କରୀନା ଆଉ ପଛକୁ ଫେରି ଚାହିଁ ନାହାଁନ୍ତି।
ସଫଳତାର ସିଡି ଚଢିଥିଲେ କରୀନା। ‘ମୁଝେ କୁଛ ତୁମସେ ହେ କେହେନା’ ଓ ‘କଭି ଖୁସି କଭି ଗମ୍’ ପରି ଫିଲ୍ମରେ ଅଭିନୟ କରିଥିଲେ ବେବୋ। ତେବେ ଏହାରି ଭିତରେ କରୀନା ଏପରି କିଛି ଫିଲ୍ମ ହାତଛଡା କରିଛନ୍ତି ଯାହାକି ପରେ ବ୍ଳକବଷ୍ଟର ସାବ୍ୟସ୍ତ ହୋଇଛି।
କହୋ ନା ପ୍ୟାର ହେ: ହିନ୍ଦୀ ସିନେମାର ବ୍ଲକବଷ୍ଟର ଫିଲ୍ମ କହୋ ନା ପ୍ୟାର ହେ। ଏହା ୨୦୦୦ମସିହାରେ ରିଲିଜ୍ ହୋଇଥିଲା। ନିର୍ଦ୍ଦେଶକ ରାକେଶ ରୋଶନ ଏହାର ନିର୍ଦ୍ଦେଶନା ଦେଇଥିଲେ। ଏଥିରେ ରାକେଶଙ୍କ ପୁଅ ହ୍ରିତିକ୍ ରୋଶନ ଅଭିନୟ କରିଥିଲେ। ଏହା ତାଙ୍କ କ୍ୟାରିୟରର ସବୁଠୁ ହିଟ୍ ଫିଲ୍ମ। ପ୍ରଥମେ ଅମିଷାଙ୍କ ସ୍ଥାନରେ କରୀନାଙ୍କୁ କାଷ୍ଟ କରା ଯାଇଥିଲା। କିନ୍ତୁ କରୀନା ଏହି ବର୍ଷ ଅଭିଷେକ ବଚ୍ଚନଙ୍କ ବିପକ୍ଷରେ ରିଫ୍ୟୁଜିରେ ଡେବ୍ୟୁ କରିଥିଲେ। ଯାହାକି ଫ୍ଲପ୍ ସାବ୍ୟସ୍ତ ହୋଇଥିଲା।
ସେହିପରି କରୀନାଙ୍କୁ ପ୍ରଥମେ ହମ୍ ଦିଲ ଦେ ଚୁକେ ସନମ ପାଇଁ ଅଫର ମିଳିଥିଲା। ସଞ୍ଜୟ ଲୀଳା ବନସାଲୀ ଏହାର ନିର୍ଦ୍ଦେଶନା ଦେଇଥିଲେ। ଫିଲ୍ମଟି ବକ୍ସ ଅଫିସରେ ବିପୁଳ ଆୟ କରିଥିବା ବେଳେ ସୁପରହିଟ୍ ସାବ୍ୟସ୍ତ ହୋଇଥିଲା। ସଲମାନଙ୍କ ବିପକ୍ଷରେ ଅଭିନୟ ନକରିବା ପାଇଁ କରୀନା ଫିଲ୍ମଟିକୁ ହାତଛଡା କରିଥିଲେ।
ଶାହାରୁଖଙ୍କ ଅଭିନୀତ ଫିଲ୍ମ କଲ୍ ହୋ ନା ହୋ ସୁପରହିଟ୍ ହୋଇଥିଲା। ଏଥିରେ ନୈନା ଭୂମିକା ପାଇଁ କରୀନାଙ୍କୁ ଅଫର ମିଳିଥିଲା। କିନ୍ତୁ ବେବା ଏହାର ଗ୍ରହଣ କରିନଥିଲେ। ଏହି ଭୂମିକାରେ ପ୍ରୀତି ଜିଣ୍ଟା ଅଭିନୟ କରିଥିଲେ। ଏହା ମଧ୍ୟ ସୁପରହିଟ୍ ହୋଇଥିଲା।
ହମ୍ ଦିଲ୍ ଦେ ଚୁକେ ସନମ ପରେ ସଞ୍ଜୟ ଲୀଳା ବନସାଲୀ ଆଉଥରେ କରୀନାଙ୍କୁ ସୁଯୋଗ ଦେବା ପାଇଁ ଚାହିଁଥିଲେ। ଫିଲ୍ମ ରାମଲୀଲା ପାଇଁ କରୀନାଙ୍କୁ ଅଫର ମିଳିଥିଲା। କିନ୍ତୁ କରୀନା ଏହି ଅଫର ଗ୍ରହଣ କରିନଥିଲା। ଶେଷରେ ରଣବୀର ସିଂହ ଓ ଦୀପିକା ପାଦୁକୋନ ଏହି ଫିଲ୍ମରେ ଅଭିନୟ କରିଥିଲେ ଏବଂ ଏହାର ସୁପରହିଟ୍ ମଧ୍ୟ ହୋଇଥିଲା।କ୍ୱିନ୍ ଫିଲ୍ମରେ କଙ୍ଗନାଙ୍କ ଭୂମିକାକୁ ଅନେକ ପ୍ରଶଂସା କରାଯାଇଥିଲା। କିନ୍ତୁ ପ୍ରଥମେ ଏହି ରୋଲଟି ପାଇଁ କରୀନାଙ୍କୁ ଅଫର ମିଳିଥିଲା। କିନ୍ତୁ କାହାଣୀରେ କିଛଇ ଦମ୍ ନଥିବା କହି ସେ ଏହି ଫିଲ୍ମକୁ ନାଁ କରିଥିଲେ। ଏହାପରେ କଙ୍ଗନା ଅଭିନୟ କରିଥିଲେ ଯାହାକୁ ସାରା ଦୁନିଆ ପ୍ରଶଂସା କରିଥିଲା।
