ଭୁବନେଶ୍ୱର-ଆସନ୍ତାକାଲିଠୁ(ଅକ୍ଟୋବର୪) ରାଜକୋଟରେ ଭାରତ-ଓ୍ବେଷ୍ଟଇଣ୍ଡିଜ ଟେଷ୍ଟ ସିରିଜ୍ ଆରମ୍ଭ। ଟିମ୍ ଇଣ୍ଡିଆକୁ ଲିଡ୍ କରିବେ ବିରାଟ କୋହଲି। ଅନ୍ତର୍ଜାତୀୟ ଟେଷ୍ଟରେ ପଦାର୍ପଣ କରିବେ ମୁମ୍ବାଇର ଯୁବ ତାରକା ପୃଥ୍ୱୀ ସ। ଚୂଡାନ୍ତ ଦଳରେ ତାଙ୍କୁ ସ୍ଥାନ ମିଳିଛି। ଲୋକେଶ ରାହୁଲଙ୍କ ସହ ଓପେନିଂ କରିବେ ପୃଥ୍ୱୀ। ଇଂଲଣ୍ଡ ବିପକ୍ଷ ଟେଷ୍ଟ ସିରିଜରେ ଫେଲ୍ ମାରିଲେ ଶିଖର ଧଓ୍ୱନ। ତେଣୁ ତାଙ୍କ ସ୍ଥାନରେ ଯୁବ ପୃଥ୍ୱୀ ସଙ୍କ ଉପରେ ଭରସିଛି ଚୟନ କମିଟି ।୧୮ବର୍ଷୀୟ ପୃଥ୍ୱୀଙ୍କ ଟ୍ରାକ ରେକର୍ଡ ଭାରି ଭଲ ।୨୦୧୭ରେ ପ୍ରଥମ ଶ୍ରେଣୀ କ୍ରିକେଟରେ ଏଣ୍ଟ୍ରି ମାରିବା ପରଠୁ ଜବରଦସ୍ତ ପ୍ରଦର୍ଶନ କରି ଆସୁଛନ୍ତି । ତାମିଲନାଡୁ ବିପକ୍ଷରେ ୧୨୦ରନ୍ ଇନିଂସ ଖେଳି ସମସ୍ତଙ୍କୁ ଚମକେଇ ଦେଇଥିଲେ ପୃଥ୍ୱୀ ସ। ସେହିପରି ଇଣ୍ଡିଆ-ଏ ଟିମ୍ ପାଇଁ ଟେଷ୍ଟ ମ୍ୟାଚରେ ଓ୍ୱେଷ୍ଟଇଣ୍ଡିଜ-ଏ ବିପକ୍ଷରେ ୧୮୮ ଓ ଦକ୍ଷିଣ ଆଫ୍ରିକା-ଏ ବିପକ୍ଷରେ ୧୩୬ରନ୍ ହାସଲ କରିଥିଲେ । ରଣଜୀ ଟ୍ରଫିରେ ୮ଟି ମ୍ୟାଚ୍ ଖେଳି ୪ଟି ଶତକ ମାରି ୭୭୮ ରନ୍ କରିଛନ୍ତି। 
ସେହିପରି ପୃଥ୍ୱୀ ସଙ୍କ ନେତୃତ୍ୱରେ ଚଳିତ ବର୍ଷ ଜାନୁୟାରୀରେ ୧୯ବର୍ଷରୁ କମ୍ ବିଶ୍ୱକପରେ ନ୍ୟୁଜିଲାଣ୍ଡକୁ ହରାଇ ଚାମ୍ପିଅନ ହୋଇଥିଲା ଟିମ୍ ଇଣ୍ଡିଆ। ଏବେ ପୃଥ୍ୱୀ ସ ଓ୍ୱେଷ୍ଟଇଣ୍ଡିଜ ବିପକ୍ଷରେ ଭଲ ଖେଳି, ଟେଷ୍ଟ ପ୍ଲାଟଫର୍ମରେ ଟିମ୍ ଇଣ୍ଡିଆରେ ସ୍ଥାନ ପକ୍କା କରିବାରେ ସହାୟକ ହେବ। ଆଗକୁ ରହିଛି ଅଷ୍ଟ୍ରେଲିଆ ଟୁର୍ । ଏମିତି ବି ଟିମ୍ ଇଣ୍ଡିଆ ଟେଷ୍ଟ ସ୍କ୍ୱାଡ୍ ଏବେ ଓପନିଂ ସମସ୍ୟା ଦେଇ ଗତି କରୁଛି। ମୂରଲୀ ବିଜୟ ଫର୍ମରେ ନଥିବା ବେଳେ ଶିଖର ଧଓ୍ୱନ ଟେଷ୍ଟରେ ବାରମ୍ବାର ଝୁଣ୍ଟୁଛନ୍ତି। ଲୋକେଶ ରାହୁଲଙ୍କ ଉଚିତ ପାର୍ଟନର ସନ୍ଧାନରେ ରହିଛନ୍ତି ଚୟନକର୍ତ୍ତା। ଏଥିପାଇଁ ପୃଥ୍ୱୀ ସଙ୍କୁ ଦଳ ଏକ୍ସପେରିମେଣ୍ଟ୍ କରୁଛି । ତେବେ ପୃଥ୍ୱୀ ସଙ୍କ ସହ ରେସରେ ଥିଲେ ବେଙ୍ଗାଳୁରୁ ମୟଙ୍କ ଅଗ୍ରୱାଲ
ଟିମ୍ ଇଣ୍ଡିଆ ଟେଷ୍ଟ ସ୍କ୍ୱାଡ୍
ବିରାଟ କୋହଲି (ଅଧିନାୟକ), ଚେତେଶ୍ୱର ପୂଜାରା, ଲୋକେଶ ରାହୁଲ, ଆଜିଙ୍କ୍ୟ ରାହାଣେ, ପୃଥ୍ୱୀ ସ, ଋଷଭ ପନ୍ଥ (ଓ୍ବିକେଟ୍ କିପର), ଆର୍. ଅଶ୍ବିନୀ, ରବୀନ୍ଦ୍ର ଜାଡେଜା, କୂଳଦୀପ ଯାଦବ, ମହମ୍ମଦ ସାମି, ଉମେଶ ଯାଦବ, ସାର୍ଦୁଲ ଠାକୁର
୫ ସ୍ପେଶାଲିଷ୍ଟ ବୋଲର
ଓ୍ୱେଷ୍ଟଇଣ୍ଡିଜ ବିପକ୍ଷରେ ବୋଲିଂ ଭାର ସମ୍ଭାଳିବେ ପାଞ୍ଚ ଜଣ। ସ୍ପିନ୍ ବିଭାଗ ଦାୟିତ୍ୱରେ ରହିବେ ଆର୍. ଅଶ୍ବିନୀ, ରବୀନ୍ଦ୍ର ଜାଡେଜା ଓ କୂଳଦୀପ ଯାଦବ। ଭୁବନେଶ୍ୱର କୁମାର, ଯଶପ୍ରୀତ ବୁମରାହ ଓ ଇଶାନ୍ତ ଶର୍ମାଙ୍କ ଅନୁପସ୍ଥିତିରେ ଦ୍ରୁତ ବୋଲିଂ କମାଣ ଧରିବେ ଉମେଶ ଯାଦବ ଓ ମହମ୍ମଦ ସାମି।
ହନୁମା ବିହାରୀ ବାଦ୍
ଇଂଲଣ୍ଡ ବିପକ୍ଷ ଓଭାଲ ଟେଷ୍ଟ ରେ ଡେବ୍ୟୁ କରିଥିଲେ ହନୁମାନ ବିହାରୀ । ୫୬ ରନର ଉପଯୋଗୀ ଇନିଂସ ଖେଳିଥିଲେ । ତେବେ ଓ୍ବେଷ୍ଟଇଣ୍ଡିଜ ବିପକ୍ଷ ସ୍କ୍ୱାଡରୁ ତାଙ୍କୁ ବାଦ ଦିଆଯାଇଛି। ସେହିପରି ଆହତ ହାର୍ଦ୍ଦିକ ପାଣ୍ଡ୍ୟାଙ୍କୁ ଦଳ ମିସ୍ କରିବ ନିହାତି । ଏସିଆ କପ୍ ବେଳେ ଆହତ ହୋଇଥିଲେ ପାଣ୍ଡ୍ୟା । ଅଲରାଉଣ୍ଡର ଭାବରେ ତାଙ୍କ କାମକୁ ତୁଲାଇବେ ରବୀନ୍ଦ୍ର ଜାଡେଜାଟିମ୍ ସିଲେକ୍ସନ୍ ବିବାଦ
ଓ୍ୱେଷ୍ଟଇଣ୍ଡିଜ ବିପକ୍ଷରେ ଟେଷ୍ଟ ସିରିଜ୍ ପାଇଁ ଭାରତୀୟ ଦଳ ଘୋଷଣାକୁ ନେଇ ପୂର୍ବରୁ ବିବାଦ ଦେଖାଦେଇଛି । ଏସିଆ କପରେ ଜବରଦସ୍ତ ପ୍ରଦର୍ଶନ ସତ୍ତ୍ୱେ ରୋହିତ ଶର୍ମାଙ୍କୁ ଟେଷ୍ଟ ଟିମରେ ସାମିଲ ହୋଇନାହାଁନ୍ତି। ସେହିପରି କରୁଣ ନାୟାରଙ୍କୁ ଦଳରେ ସ୍ଥାନ ନ ମିଳିବା, ଇନ୍ ଫର୍ମ ଭୁବନେଶ୍ୱର କୁମାର ଓ ଯଶପ୍ରୀତ ବୁମରାହଙ୍କୁ ବିଶ୍ରାମ ଦେବା ନିଷ୍ପତ୍ତିରେ ନାଖୁସ୍ ଅଛନ୍ତି କୋଚ୍ ରବି ଶାସ୍ତ୍ରୀ।
