ଆଡ଼ଋଷା ଦେଇଥିବା ବିଜୟ ମହାପାତ୍ର ଶେଷରେ ବୁଝିଗଲେ।ବିଜେପି ଅଧ୍ୟକ୍ଷ ଅମିତ ଶାହଙ୍କ ସହ ଟେନିଫୋନରେ କଥା ହେବା ପରେ ଦଳକୁ ଫେରିଛନ୍ତି ବିଜୟ।ଏହା ପୂର୍ବରୁ ଆଜି(ଗୁରୁବାର)ବିଜେପି ପ୍ରଭାରୀ ଅରୁଣ ସିଂ ଓ ଜାତୀୟ ଉପସଭାପତି ବୈଜୟନ୍ତ ପଣ୍ଡା,ବିଜୟଙ୍କ ସହ ୨ଘଣ୍ଟା ଆଲୋଚନା କରିଥିଲେ। ଓଡ଼ିଶାରେ ପରିବର୍ତ୍ତନ ପାଇଁ ଆମେ ନୂଆ ଅଭିଯାନରେ ବାହାରିଛୁ।ପୁରୁଣା କଥାକୁ ଭୁଲି ନୂଆ ରାସ୍ତାରେ ଆମେ ଯିବାକୁ ଆରମ୍ଭ କରିଛୁ ବୋଲି ବିଜୟ ତାଙ୍କ ପ୍ରତିକ୍ରିୟାରେ କହିଛନ୍ତି।
୪ ମାସର ଛୁଟି ସରିଲା
ଏହା ପୂର୍ବରୁ ଗତ ମଙ୍ଗଳବାର,ଦିନ ପ୍ରାୟ୧୧ଟାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି,ବିଜୟଙ୍କ ସହ କଥା ହୋଇଥିବାର ଖବର ରହିଛି।ବିଜୟଙ୍କୁ ଦଳକୁ ଫେରି ଆସିବା ଲାଗି ମୋଦି ପ୍ରବର୍ତ୍ତାଇ ଥିଲେ।ବିଜୟଙ୍କ ବିନା ଉପକୂଳ ଓଡ଼ିଶାରେ ନବୀନ ପଟ୍ଟନାୟକଙ୍କୁ ମୁକାବିଲା କରିବା କାଠିକର ବୋଲି ମୋଦି ଜାଣିଲେ।ପ୍ରକାଶ ମିଶ୍ର,ବୈଜୟନ୍ତ ପଣ୍ଡା,ସମ୍ବିତ ପାତ୍ର ଏବଂ ଅପରାଜିତା ଷଡ଼ଙ୍ଗୀଙ୍କ ପରି ପ୍ରାର୍ଥୀଙ୍କ ଜିତିବା ଲାଗି ବିଜୟଙ୍କ ଆବଶ୍ୟକତା ରହିଛି ବୋଲି ମୋଦିଙ୍କ କୋର ଟିମ୍ ରିପୋର୍ଟ ଦେଇଥିଲା।ଏହା ପରେ ମୋଦି ନିଜେ ବିଜୟଙ୍କୁ ବୁଝାଇ ଥିବାର ଖବର ରହିଛି।ଫଳରେ ୪ମାସ ଦୂରେଇ ରହିବା ପରେ ବିଜେପିକୁ ଫେରି ମହାକାଳପଡ଼ାରୁ ନିର୍ବାଚନ ଲଢ଼ିବାକୁ ଯାଉଛନ୍ତି ବିଜୟ।
ଅନ୍ୟପକ୍ଷରେ ଗତ ନଭେମ୍ବର ୩୦ରେ ରାଷ୍ଟ୍ରୀୟ କାର୍ଯ୍ୟକାରିଣୀ ସଦସ୍ୟ ବିଜୟ ମହାପାତ୍ର ଏବଂ ଦିଲ୍ଲୀପ ରାୟ ବିଜେପିରୁ ଇସ୍ତଫା ଦେଇଥିଲେ।ଗୋଟିଏ ପତ୍ରରେ ଉଭୟ ବିଜୟ ଓ ଦିଲ୍ଲୀପ ଦସ୍ତଖତ କରି ବିଜେପି ଅଧ୍ୟକ୍ଷ ଅମିତ ଶାହଙ୍କ ନିକଟକୁ ସେମାନଙ୍କ ଇସ୍ତଫା ପତ୍ର ପଠାଇ ଥିଲେ। ତେବେ ବୈଜୟନ୍ତ ପଣ୍ଡା ବିଜେପିରେ ମିଶିବା ପରେ ଉପକୂଳରେ ସ୍ଥିତି ମଜଭୁତ କରିବା ଲାଗି ବିଜୟଙ୍କ ଆବଶ୍ୟକତା ଅନୁଭବ କରିଥିଲା ଦଳ।ସେଥିପାଇଁ ବୈଜୟନ୍ତ ପଣ୍ଡା-ଧର୍ମେନ୍ଦ୍ର ପ୍ରଧାନଙ୍କ ମଧ୍ୟରେ ପାଓ୍ୱାର ବାଲନ୍ସ କରି କେନ୍ଦ୍ର ବିଜେପି,କନକ ବର୍ଦ୍ଧନ ସିଂହଦେଓଙ୍କୁ ବିଶ୍ୱାସକୁ ନେଇଥିଲା।ବିଜୟଙ୍କ ସହ ଭଲ ସମ୍ପର୍କ ଥିବା କେ.ଭି ମଧ୍ୟସ୍ଥିର ଦାୟିତ୍ୱ ନେଲେ।
ଉପକୂଳରେ ବିଜୟ-ବୈଜୟନ୍ତ
ରାଜନାଥ ସିଂ,ଗଡ଼କାରୀ ଏବଂ ରାମମାଧବଙ୍କ ଠାରୁ ଗ୍ରୀନ ସିଗନାଲ୍ ପାଇ ବୈଜୟନ୍ତ ମଧ୍ୟ ଲାଗିଥିଲେ ବିଜୟଙ୍କୁ ବିଜେପିକୁ ଫେରାଇ ଆଣିବାକୁ।ଦିଲ୍ଲୀପ ରାୟଙ୍କୁ ମଧ୍ୟ ଫେରାଇ ଆଣିବାକୁ କେ.ଭି.ପ୍ରସ୍ତୁତ କରିଛନ୍ତି ମାଷ୍ଟର ପ୍ଲାନ।ସମ୍ବଲପୁର ଓ ବରଗଡ଼ରେ ସ୍ଥିତି ବିଗିଡିବା ପରେ ବଲାଙ୍ଗିର,ସୁବର୍ଣ୍ଣପୁର,କଳାହାଣ୍ଡି ଏବଂ ନୂଆପଡ଼ାର ଦାୟିତ୍ୱ କେ.ଭି. ନିଜେ ନେଇ ଉପକୂଳର ଦାୟିତ୍ୱ ବିଜୟ ଏବଂ ବୈଜୟନ୍ତଙ୍କ ହାତରେ ଛାଡ଼ିଛନ୍ତି।
ପଢ଼ନ୍ତୁ-4 ରାଜ୍ୟସଭା ସାଂସଦଙ୍କୁ କାହିଁକି ପ୍ରାର୍ଥୀ କଲା BJD?ରେସରେ ସୌମ୍ୟ-ସରୋଜିନୀ
