୭ ବର୍ଷ ପୂର୍ବରୁ, ୩୦ ଅକ୍ଟୋବର ୨୦୧୨ରେ ଇଣ୍ଟର ନ୍ୟାସନାଲ କ୍ରିକେଟ କାଉନସିଲ (ICC) ଡେ-ନାଇଟ ଟେଷ୍ଟ ମ୍ୟାଚକୁ ଗ୍ରୀନ ସିଗନାଲ୍ ଦେଇଥିଲା।ଆଉ ଆଗାମୀ ନଭେମ୍ବର ୨୨ରେ ଫ୍ଲଡ ଲାଇଟରେ,ରଙ୍ଗିନ ବଲରେ ଟିମ୍ ଇଣ୍ଡିଆ କ୍ରିକେଟ ମ୍ୟାଚ ଖେଳିବାକୁ ପ୍ରସ୍ଥୁତ ହେଉଛି। କୋଲକତାର ଇଡେନ ଗାର୍ଡେନରେ ବାଲାଂଦେଶ ବିପକ୍ଷରେ ଟେଷ୍ଟ ସିରିଜର ଦ୍ୱିତୀୟ ମ୍ୟାଚ,ଫ୍ଲଡ୍ ଲାଇଟରେ ଖେଳାଯିବ।
ଭାରତୀୟ କ୍ରିକେଟକୁ ନୂଆ ଦିଶା ଦେଇଥିବା ଟିମ୍ ଇଣ୍ଡିଆର ପୂର୍ବତନ କ୍ୟାପଟେନ୍ ସୌରଭ ଗାଙ୍ଗୁଲି,ସବୁବେଳେ ଡେ-ନାଇଟ ଟେଷ୍ଟ ମ୍ୟାଚ ସପକ୍ଷରେ ଥିଲେ। ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(ବିସିସିଆଇ)ର ସଭାପତି ଦାୟିତ୍ୱ ନେବା ପରେ ଦାଦା ଗାଙ୍ଗୁଲି,ବାଲାଂଦେଶ କ୍ରିକେଟ ବୋର୍ଡକୁ ଫ୍ଲଡ୍ ଲାଇଟରେ ଟେଷ୍ଟ ମ୍ୟାଚ ଖେଳିବାକୁ ରାଜି କରାଇଛନ୍ତି। ଏନେଇ ଗତ ମଙ୍ଗଳବାର (୨୯.୧୦.୧୯)ରେ BCB ସଭାପତି ନଜମୁଲ ହସନ ସହ ଆଲୋଚନା କରିଛନ୍ତି ଗାଙ୍ଗୁଲି। ବାଲାଂଦେଶ ବି ରାଜି, ଏବେ ଜୋରଦାର ପ୍ରସ୍ଥୁତି ଚାଲିଛି ଡେ-ନାଇଟ୍ ଟେଷ୍ଟ ମ୍ୟାଚ ପାଇଁ।
ଡେ-ନାଇଟ ଟେଷ୍ଟର କିଛି ଅଜଣା କଥା
ଏବେ ସୁଦ୍ଧା ୨ ହଜାରରୁ ଅଧିକ ଟେଷ୍ଟ ମ୍ୟାଚ ଖେଳାଯାଇଛି,କିନ୍ତୁ ମାତ୍ର ୧୫ଟି ଡେ-ନାଇଟ ଟେଷ୍ଟ ମ୍ୟାଚ ଖେଳା ହୋଇଛି।ପ୍ରଥମ ଡେ-ନାଇଟ ଟେଷ୍ଟ ମ୍ୟାଚ ୨୦୧୫ରେ ନ୍ୱିଜଲାଣ୍ଡ ଓ ଅଷ୍ଟେଲିଆ ମଧ୍ୟରେ ହୋଇଥିଲା। ଭାରତ,ବାଙ୍ଗଲାଦେଶ,ଆଫଗାନିସ୍ଥାନ ଓ ଆର୍ୟାଲାଣ୍ଡ ଭଳି ଟିମ ଏପର୍ୟନ୍ତ ଡେ-ନାଇଟ ଟେଷ୍ଟ ମ୍ୟାଚ ଖେଳିବାର ସୁଯୋଗ ପାଇନାହାନ୍ତି। କିନ୍ତୁ ଦାଦା ସଭାପତି ହେବା ପରେ ଟିମ୍ ଇଣ୍ଡିଆର ଡେ-ନାଇଟ୍ ଟେଷ୍ଟ ମ୍ୟାଚ ଖେଳିବା ସ୍ୱପ୍ନ ପୂରଣ ହେବ।
ରଙ୍ଗିନ ବଲ
ପାରମ୍ପାରିକ ଟେଷ୍ଟ ମ୍ୟାଚରେ ଲାଲ ବଲରେ ଖେଳା ଯାଏ। କିନ୍ତୁ ଡେ-ନାଇଟ ଟେଷ୍ଟରେ ପିଙ୍କ୍ ବଲ ବ୍ୟବହାର କରାଯାଏ। ରାତିରେ ଖେଳାଳିଙ୍କ ଆଖିକୁ ବଲ ଭଲ ଭାବରେ ଦେଖାଯିବା ପାଇଁ କଲର ବଲରେ ଖେଳାଯାଏ।
କେତେ ଓଭରର ମ୍ୟାଚ
ଦିନର ଟେଷ୍ଟ ମ୍ୟାଚରେ ଯେଭଳି ୬ ଘଣ୍ଟାରେ ୯୦ ଓଭର ମ୍ୟାଚ ଖେଳାଯାଏ। ସେହିଭଳି ଭାବେ ଡେ-ନାଇଟ୍ ଟେଷ୍ଟରେ ବି ପ୍ରତ୍ୟେକ ଦିନ ୯୦ ଓଭର ଏବଂ ୬ ଘଣ୍ଟାର ସମୟ ନିର୍ଦ୍ଧାରଣ ହୋଇଛି।
ଲଞ୍ଚ ଆଗରୁ ଟି-ବ୍ରେକ
ଟେଷ୍ଟ ମ୍ୟାଚରେ ପ୍ରଥମ ୪୦ ମିନିଟରେ ଲଞ୍ଚ ବ୍ରେକ ହୁଏ। କିନ୍ତୁ ଡେ-ନାଇଟ ଲଞ୍ଚ ବ୍ରେକ ସମ୍ପୁର୍ଣ୍ଣ ଅଲଗା। ଡେ-ନାଇଟ ମ୍ୟାଚରେ ପ୍ରଥମ ୨୦ମିନିଟ ପରେ ଟି-ବ୍ରେକ ହୁଏ। ଚା-ପାନ ବିରିତ ପରେ ଖେଳ ହୋଇ ପୁଣି ୪୦ ମିନଟ ପରେ ସୁପର ଇଣ୍ଟରଭାଲ ହୋଇଥାଏ। ଆଉ ସନ୍ଧ୍ୟାରେ ଖେଳାଳିଙ୍କୁ ଅଳ୍ପ ଖାଇବାକୁ ଦିଆଯାଇ ଥାଏ।
ଏହି ଷ୍ଟୋରିକୁ ଲେଖିଛନ୍ତି – ଦେବେନ୍ଦ୍ର ନାୟକ
